କନକ ବ୍ୟୁରୋ : ଗୁଜୁରାଟ ବିପକ୍ଷରେ ଶେଷ ଲିଗ୍ ମ୍ୟାଚରେ ପରାଜିତ ହେବା ସହ ବାଙ୍ଗାଲୋରର ଆଇପିଏଲ ଟ୍ରଫି ଜିତିବା ସ୍ୱପ୍ନ ପୁଣିଥରେ ଭାଙ୍ଗିଛି । ତେବେ ଏହି ପରାଜୟ ପରେ ପ୍ରଥମଥର ପାଇଁ କିଙ୍ଗ କୋହଲିଙ୍କ ପ୍ରତିକ୍ରିୟା ସାମ୍ନାକୁ ଆସିଛି । କୋହଲି କହିଛନ୍ତି, ଆରସିବି ଟିମ୍ ୨୦୨୩ରେ ନିରାଶଜନକ ପ୍ରଦର୍ଶନ ସହ ଟୁଣ୍ଣାମେଣ୍ଟରୁ ଦଳ ବିଦାୟ ନେଇଛି । କିନ୍ତୁ ଆଗାମୀ ସିଜିନରେ ପୁଣିଥରେ ଶକ୍ତିଶାଳୀ ଟିମ୍ ଭାବେ ଟୁର୍ଣ୍ଣାମେଣ୍ଟରେ ଏଣ୍ଟ୍ରି କରିବ ଆରସିବି । ବିରାଟ ଟ୍ୱିଟ୍ କରି କହିଛନ୍ତି, ଚଳିତ ସିଜିନରେ କିଛି ଭଲ ମୁହୂର୍ତ୍ତ ଥିଲା । କିନ୍ତୁ ଦୁଭାଗ୍ୟବସତଃ ଆମେ ଲକ୍ଷ୍ୟରୁ ବିଚ୍ୟୁତ୍ ହୋଇଥିଲୁ । କିନ୍ତୁ ଆମକୁ ନିଜର ମନୋବଳ ବଜାୟ ରଖିବାକୁ ପଡିବ । ସମର୍ଥନ ପାଇଁ ପ୍ରଶଂସକ ମାନଙ୍କୁ ଧନ୍ୟବାଦ । କୋଚ୍ ଓ ଟିମ୍ ମ୍ୟାନେଜମେଣ୍ଟକୁ ଅଶେଷ ଧନ୍ୟବାଦ । ଆମର କେବଳ ଗୋଟିଏ ଲକ୍ଷ୍ୟ ପୁଣିଥରେ ଶକ୍ତି ଜୁଟାଇ ଟୁର୍ଣ୍ଣାମେଣ୍ଟକୁ ଫେରିବା ।
Kanak News is now on WhatsApp
Join and get latest news updates delivered to you via WhatsApp
ଆରସିବି ଅଧିନାୟକ ଫାପ୍ ଡୁ ପ୍ଲେସିସ ମଧ୍ୟ କହିଛନ୍ତି, ସମର୍ଥନ ପାଇଁ ପ୍ରଶଂସକଙ୍କୁ ଧନ୍ୟବାଦ । ସେହିଭଳି ଅନ୍ୟ ଟିମକୁ ପ୍ଲେ ଅଫ୍ ପାଇଁ ଧନ୍ୟବାଦ ମଧ୍ୟ ଜଣାଇଛନ୍ତି । ଆଇପିଏଲର ଦୁଇ ମାସ ବେଶ ଶାନଦାର ଥିଲା । କିନ୍ତୁ ଦୁଭାଗ୍ୟବସତଃ ଟୁର୍ଣ୍ଣାମେଣ୍ଟରେ ଆମର ଯାତ୍ରା ଶେଷ ହୋଇଗଲା । ଏହି ଯାତ୍ରାକୁ ସ୍ୱତନ୍ତ୍ର କରିଥିବାରୁ ସମସ୍ତଙ୍କୁ ଧନ୍ୟବାଦ । ଏବେ ଘରକୁ ଫେରିବାର ସମୟ ଆସିଛି । ଆମ ଟିମର ଟପ୍-୪ ଖେଳାଳୀ ଭଲ ପ୍ରଦର୍ଶନ କରିଥିଲେ ମଧ୍ୟ ମିଡ଼ିଲ ଅର୍ଡର ଓ ଫିନିସର ସେତେଟା ଭଲ ପ୍ରଦର୍ଶନ କରିନଥିଲେ ।
A season which had it’s moments but unfortunately we fell short of the goal. Disappointed but we must hold our heads high. To our loyal supporters, grateful for backing us every step of the way. pic.twitter.com/82O4WHJbbn
— Virat Kohli (@imVkohli) May 23, 2023
ଗୁଜୁରାଟ ବିପକ୍ଷରେ ଶେଷ ମ୍ୟାଚରେ ପରାଜିତ ହୋଇ ଆଇପିଏଲ ପ୍ଲେ ଅଫରୁ ବାଦ୍ ପଡିଥିଲା ଆରସିବି । ଶେଷ ମ୍ୟାଚରେ ବିରାଟଙ୍କ ଶତକ ବଳରେ ବାଙ୍ଗାଲୋର ୧୯୮ ରନ୍ କରିବାକୁ ସକ୍ଷମ ହୋଇଥିଲା । କିନ୍ତୁ ଶୁଭମାନ ଗିଲଙ୍କ ବିସ୍ଫୋରକ ଶତକ ବଳରେ ବିଜୟୀ ହୋଇଥିଲା ଗୁଜୁରାଟ ।