ଆଜି ଓଡିଶା ଆସୁଛନ୍ତି ଉପରାଷ୍ଟ୍ରପତି । ସକାଳ ୧୦ଟା ୧୫ରେ ବିମାନ ବନ୍ଦରରେ ପହଁଞ୍ଚିବେ ଭେଙ୍କିୟା ନାଇଡୁ
ବିଶ୍ୱ କବି ସମ୍ମିଳନୀର ସମାପନ ଓ ସମାଜର ବାର୍ଷିକ ଉତ୍ସବରେ ହେବେ ସାମିଲ
କନକ ବ୍ୟୁରୋ: ଆଜି ଓଡିଶା ଆସୁଛନ୍ତି ଉପରାଷ୍ଟ୍ରପତି ଭେଙ୍କିୟା ନାଇଡୁ । ଏକ ସ୍ୱତନ୍ତ୍ର ବିମାନରେ ଦିନ ୧୦ ଟା ୧୫ ମିନିଟରେ ସେ ଭୁବନେଶ୍ୱରର ବିମାନ ବନ୍ଦରରେ ପହଁଚିବେ । ସେଠାରେ ତାଙ୍କୁ ମୁଖ୍ୟମନ୍ତ୍ରୀ ସ୍ୱାଗତ କରିବେ । ପରେ କିଟ୍ ବିଶ୍ୱବିଦ୍ୟାଳୟରେ ଅନୁଷ୍ଠିତ ଏକ କାର୍ଯ୍ୟକ୍ରମରେ ଯୋଗ ଦେବେ ଉପରଷ୍ଟ୍ରପତି । ସେଠାରୁ ରାଜଭବନ ଫେରି ମଧ୍ୟାହ୍ନ ଭୋଜନ କରିବେ । ଅପରାହ୍ନ ୩ଟାରେ କଟକର ଜବାହରଲାଲ୍ ନେହରୁ ଇନଡୋର ଷ୍ଟାଡିଅମ୍ରେ ଅନୁଷ୍ଠିତ ହେବାକୁ ଥିବା ସମାଜର ବାର୍ଷିକ ଉତ୍ସବରେ ଯୋଗ ଦେବେ । ସେଠାରୁ ସିଧାସଳଖ ଭୁବନେଶ୍ୱର ଫେରି ସନ୍ଧ୍ୟା ୬ଟାରେ ଦିଲ୍ଲୀ ଫେରିଯିବାର କାର୍ଯ୍ୟକ୍ରମ ରହିଛି ।
Kanak News is now on WhatsApp
Join and get latest news updates delivered to you via WhatsApp
ସେପଟେ ସମାଜର ବାର୍ଷିକ ଉତ୍ସବରେ ଉପରାଷ୍ଟ୍ରପତିଙ୍କ ସହ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ, କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ, ରାଜ୍ୟପାଳ ଗଣେଷୀ ଲାଲ ପ୍ରମୁଖ୍ୟ ଯୋଗ ଦେବେ । ଭୁବନେଶ୍ୱରରୁ କଟକ ଉପରଷ୍ଟ୍ରପତି ଆସିବା ରୁଟରେ କାର୍କେଡ୍ ରିହର୍ସଲ କରାଯାଇଛି । ଡଗ୍ ସ୍କ୍ୱାଡ୍, ବମ ସ୍କ୍ୱାଡ୍, ଓ ଅନ୍ୟାନ୍ୟ ପୋଲିସ ଅଧିକାରୀ ମାନେ ଇଣ୍ଡୋର ଷ୍ଟାଡିଅମ୍ରେ ସୁରକ୍ଷା ବ୍ୟବସ୍ଥାର ଯାଂଚ୍ କରିଛନ୍ତି । ଉପରଷ୍ଟ୍ରପତି ଙ୍କ ଗସ୍ତ କାର୍ଯ୍ୟକ୍ରମ ପାଇଁ ଭୁବନେଶ୍ୱର ଓ କଟକରେ ୧୫ ପ୍ଲାଟୁନ୍ ଫୋର୍ସ ସହ ୧ ପ୍ଲାଟୁନ୍ ରାପିଡ୍ ଆକ୍ସନ ଫୋର୍ସ ମୁତୟନ କରାଯିବ ।