ଉତରପ୍ରଦେଶରେ କିଏ ଚଢିବ ସାଇକେଲ ! ଆଜି ନିଷ୍ପତି କରିପାରନ୍ତି ନିର୍ବାଚନ କମିଶନ
କନକ ବ୍ୟୁରୋ : ନିର୍ବାଚନ କମିଶନ କହିବେ ସାଇକେଲ କାହାର । ସମାଜବାଦୀ ପାର୍ଟିର ଦଳୀୟ ସଂକେତ ‘ସାଇକେଲ’ ସଂପର୍କରେ ଆଜି ନିଷ୍ପତି ଶୁଣାଇ ପାରନ୍ତି ଜାତୀୟ ନିର୍ବାଚନ ଆୟୋଗ । ବାପ-ପୁଅ ବିବାଦ ପରେ ସମାଜବାଦୀ ପାର୍ଟିର ଦଳୀୟ ଚିହ୍ନ କାହାକୁ ଦିଆଯିବ ସେନେଇ ଦ୍ୱନ୍ଦ୍ୱରେ କମିଶନ୍ । ଏପରିକି ସାଇକେଲ ସଂକେତକୁ ଅଚଳ ରଖିବାକୁ ବିକଳ୍ପ ଭାବେ ଚିନ୍ତା କରୁଛନ୍ତି କମିଶନ୍ । ତେବେ ଅଖିଳେଶଙ୍କୁ ସାଇକେଲ ଚିହ୍ନ ନ’ମିଳିଲେ ସେ ମୋଟର ସାଇକେଲ ଚିହ୍ନରେ ନିର୍ବାଚନ ଲଢିବେ ବୋଲି ଜଣାପଡିଛି ।
Kanak News is now on WhatsApp
Join and get latest news updates delivered to you via WhatsApp
ବାପା ମୁଲାୟମ ସିଂ ଯାଦବଙ୍କ ବିରୋଧରେ ବିଦ୍ରୋହ କରି ସାଇକେଲ ସଂକେତ ଉପରେ କବଜା କରିବାକୁ ନିର୍ବାଚନ କମିଶନଙ୍କ ଦ୍ୱାରସ୍ଥ ହୋଇଥିଲେ ଅଖିଳେଶ ଯାଦବ । ଅପରପକ୍ଷରେ ଦଳରେ ବିଭାଜନକୁ ଅସ୍ୱୀକାର କରିବା ସହ ଦଳର ମୁଖିଆ ଭାବେ ଦେଖାଦେଇଥିବା ସମସ୍ୟାର ସେ ନିଜେ ସମାଧାନ କରିବେ ବୋଲି କମିଶନଙ୍କୁ ଜଣାଇଥିଲେ ମୁଲାୟମ ।
ଗତ ଶୁକ୍ରବାର ମୁଖ୍ୟ ନିର୍ବାଚନ କମିଶନ ନସିମ ଜୈଦିଙ୍କ ଅଧ୍ୟକ୍ଷତାରେ ୩ ଜଣିଆ କମିଶନ ଉଭୟ ପକ୍ଷର ଯୁକ୍ତି ଶୁଣିବା ପରେ ନିଷ୍ପତିକୁ ସଂରକ୍ଷିତ ରଖିଥିଲେ । ଆସନ୍ତାକାଲିଠାରୁ ଉତର ପ୍ରଦେଶରେ ପ୍ରଥମ ପର୍ଯ୍ୟାୟ ନିର୍ବାଚନ ପାଇଁ ନାମାଙ୍କନ ପତ୍ର ଦାଖଲ ହେବାକୁ ଥିବାରୁ ଆଜି ନିଷ୍ପତି ଶୁଣାଇବେ ନିର୍ବାଚନ କମିଶନ ।
ଗତ ୧୩ ତାରିଖରେ ମୁଲାୟମ ଓ ଅଖିଳେଶ ଗୋଷ୍ଠୀ, ବିଶିଷ୍ଠ ଆଇନଜୀବୀ ଟିମଙ୍କ ଜରିଆରେ ନିର୍ବାଚନ କମିଶନଙ୍କ ପାଖରେ ନିଜନିଜ ଯୁକ୍ତି ରଖିଥିଲେ । ସମାଜବାଦୀ ପାର୍ଟିର ସାଂକେତିକ ଚିହ୍ନ ସାଇକେଲ ପାଇବାକୁ ହକଦାର ବୋଲି କହିଥିଲେ ।