ଗୋରଖପୁରରେ ବଦଳିଲା ୫୦ ୱାର୍ଡର ନାଁ। ମିଆଁ ବଜାର ହେଲା ମାୟା ବଜାର …
କନକ ବ୍ୟୁରୋ: ଗୋରଖପୁର ନଗର ନିଗମ ୫୦ଟି ୱାର୍ଡର ନାଁ ପରିବର୍ତ୍ତନ କରିଛି । ଏହି ସମସ୍ତଙ୍କର ନୂଆ ନାମକରଣ ହୋଇଛି । ଏଥିରୁ ୨୪ଟିର ନାମ ମହାପୁରୁଷ ଏବଂ ବଳିଦାନ ଦେଇଥିବା ବ୍ୟକ୍ତିଙ୍କ ନାମରେ ରଖାଯାଇଛି । ଶିଖ ବହୁଳ ମହୋଦ୍ଦିପୁର ବର୍ତ୍ତମାନ ସର୍ଦ୍ଦାର ଭଗତ ସିଂହ ନଗର ନାମରେ ନାମିତ ହୋଇଛି । ଏହା ଛଡା ଅଲ୍ଲୀ ନଗରର ନାଁ ବଦଳାଯାଇ ଆର୍ଯ୍ୟନଗର, ମିଆଁ ବଜାରର ନାମ ମାୟା ବଜାର କରିଦିଆଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଚଳିତ ବର୍ଷ ସମ୍ଭାବ୍ୟ ନିର୍ବାଚନକୁ ଆଖିରେ ରଖି ନଗରନିଗମ ପକ୍ଷରୁ ୮୦ଟି ୱାର୍ଡର ପରିସୀମା ନିର୍ଦ୍ଧାରଣର ଅଧିସୂଚନା ଜାରିହୋଇଛି । ଏହା ଉପରେ ଆପତ୍ତି ଜଣାଇବାକୁ ଏକ ସପ୍ତାହର ସମୟ ଦିଆଯାଇଛି । ନଗର ନିଗମ ୧୦ଟି ନୂଆ ୱାର୍ଡର ନୂଆ ନାମ ରଖିଥିବା ବେଳେ ୪୦ଟି ପୁରୁଣା ୱାର୍ଡର ନାମ ପରିବର୍ତ୍ତନ କରି ନୂତନ ନାମକରଣ କରାଯାଇଛି ।
ଏହି ଅଧିସୂଚନା ଅନୁସାରେ ପୁର୍ଦ୍ଦିଲପୁର ୱାର୍ଡର ନାମ ବର୍ତ୍ତମାନ ବିଜୟ ଚୌକ ହୋଇଛି । ସେହିଭଳି ଜନପ୍ରିୟ ବିହାର ୱାର୍ଡର ନାମ ଦିଗବିଜୟ ନଗର, ନୌସାଢର ନାଁ ପରିବର୍ତ୍ତନ ପରେ ମତ୍ସ୍ୟନ୍ଦ୍ର ନଗର ହୋଇଛି । ଅନ୍ୟ ୱାର୍ଡ ଗୁଡିକ ହେଉଛି ମିଆଁ ବାଜାର, ମୁଫତିପୁର, ଅଲ୍ଲୀନଗର, ତୁର୍କମାନପୁର, ଇସ୍ମାଇଲପୁର, ରସୁଲପୁର, ହୁମାୟୁଂ ପୁର ଉତ୍ତର, ଘୋସିପୁରୁବା, ଦାଉଦପୁର, ଜାଫରା ବାଜାରର ନାମ ପରିବର୍ତ୍ତନ କରାଯାଇଛି । ଗୋରଖପୁରର ଗୀତ ପ୍ରେସ ନାମରେ ମଧ୍ୟ ଗୋଟିଏ ୱାର୍ଡର ନାମକରଣ କରାଯାଇଛି ।