କନକ ବ୍ୟୁରୋ: ଗର୍ଭପାତ ଆଇନକୁ ନେଇ ଆମେରିକାର ସୁପ୍ରିମକୋର୍ଟଙ୍କ ରାୟକୁ ଜୋରଦାର ବିରୋଧ । ସାରା ଦେଶରେ ହଜାର ହଜାର ସଂଖ୍ୟାର ମହିଳା ରାସ୍ତାକୁ ଓହ୍ଲାଇ ସୁପ୍ରିମକୋର୍ଟଙ୍କ ଏଭଳି ରାୟକୁ ବିରୋଧ କରିଛନ୍ତି । ଲସ୍ ଆଞ୍ଜେଲ୍ସ୍ ଭଳି ବଡ ବଡ ସହରରେ ମହିଳାମାନେ ପ୍ଲା-କାର୍ଡ ଧରି ବିକ୍ଷୋଭ କରୁଥିବା ଦେଖିବାକୁ ମିଳିଛି ।
Kanak News is now on WhatsApp
Join and get latest news updates delivered to you via WhatsApp
୫୦ ବର୍ଷର ଆଇନରେ ପରିବର୍ତନ କରି ଗର୍ଭପାତ ଅଧିକାର ଆଉ ଆଇନ ସମ୍ମତ ନୁହେଁ ବୋଲି କୋର୍ଟ ରାୟ ଦେଇଥିଲେ । ବିକ୍ଷୋଭ ତେଜୁଥିବା ବେଳ ରାଷ୍ଟ୍ରପତି ଜୋ ବାଇଡେନ ସୁପ୍ରିମକୋର୍ଟଙ୍କ ଏଭଳି ରାୟକୁ ନୈରାଶ୍ୟଜନକ ବୋଲି କହିବା ସହ କୋର୍ଟ ଏଭଳି ରାୟ ଦେବା କଥା ନୁହେଁ ବୋଲି କହିଛନ୍ତି । ତେବେ ଗର୍ଭପାତ ଦେଇ ରାଜ୍ୟଗୁଡିକୁ ନିଜ ନିଜ ସ୍ତରରେ ଆଇନ ଲାଗୁ କରିବାକୁ ସୁପ୍ରିମକୋର୍ଟ ନିର୍ଦ୍ଦେଶ ଦେଇଛନ୍ତି । ସମ୍ବିଧାନ ଗର୍ଭପାତ କରିବାର ଅଧିକାର ଦେଇ ନାହଁ । ତେଣୁ ପୂର୍ବ ରାୟ କାଏମ ରହିବ ନାହିଁ ବୋଲି ବିଚାରପତି ସାମୁଏଲ ଓଲିଟୋ କହିଛନ୍ତି ।
ଏହାକୁ ବିରୋଧ କରି ମହିଳାମାନେ ବିକ୍ଷୋଭ ପଦର୍ଶନ କରିବା ସହ କେଉଁ ଆଧାରରେ ଆଇନ ଉଚ୍ଛେଦ ହେଲା ତାର ଜବାବ ମାଗିଛନ୍ତି ପ୍ରତିବାଦକାରୀ । ତେବେ ଫେସବୁକର ମାଲିକ ମେଟା ଏବଂ ୱାଲର୍ଟ ଡିସନୀ ଭଳି ବଡ ବଡ କମ୍ପାନୀ ମହିଳାମାନଙ୍କ ସପକ୍ଷରେ ବାହାରିଛନ୍ତି । ସେମାନେ ମହିଳାମାନଙ୍କ ଗର୍ଭପାତ ସେବା ପାଇଁ ସମସ୍ତ ଯାତ୍ରା ଖର୍ଚ୍ଚ ବହନ କରିବେ ବୋଲି କହିଛନ୍ତି । କହିରଖୁଛୁ ଯେ, ୧୯୭୩ ମସିହାରୁ ଆମେରିକାରେ ଗର୍ଭପାତ ଏକ ସାମ୍ବିଧାନିକ ଅଧିକାର ଥିଲା । କିନ୍ତୁ ଏହି ଆଇନକୁ ଅନେକ ରକ୍ଷଣଶୀଳ ଧାର୍ମିକ ସଙ୍ଗଠନ ବିରୋଧ କରୁଥିଲେ ।