ସୁପର ପାୱାର ଆମେରିକାରେ ସାଇବର ଏମରଜେନ୍ସିଂ, ଅଢେଇ ଘଂଟା ପାଇଁ ଅଟକିଗଲା ଜୀବନ
କନକ ବ୍ୟୁରୋ : ସୁପରପାୱାର ଆମେରିକା । ଯେଉଁଠି ଅଧିକାଂଶ ଲୋକ ଯାତାୟତ ପାଇଁ କେବଳ ଆଉ କେବଳ ବିମାନ ଉପରେ ନିର୍ଭର କରନ୍ତି । ଯେଉଁଠି ସବୁ ଦେଶର ବିମାନ ଅବତରଣ କରେ ଓ ଏଠାରୁ ଉଡାଣ ଭରେ । ସେଠାରେ ବୁଧବାର ଅପରାହ୍ନ ସମୟରେ ଆମେରିକା ଏଭିଏସନର ପକ୍ଷରୁ ଏକ ଟୁଇଟ ଆସେ । ଆଉ ଏହି ଟୁଇଟ କେବଳ ଆମେରିକା ପାଇଁ ନୁହେଁ ପୂରା ଦୁନିଆ ପାଇଁ ଚିନ୍ତା ଆଣିଥିଲା । ବୁଧବାର ଅପରାହ୍ନରେ ନୋଟିସ ଟୁ ଏୟାରମିଶନ ଖରାପ ହେବା ଖବର ମିଳିବା ପରେ କେବଳ ଆମେରିକା ନୁହେଁ ପୂରା ଦୁନିଆରେ ଭୟର ବାତାବରଣ ଖେଳିଯାଇଥିଲା । ଟୁଇଟରରେ ସୂଚନା ମିଳିଲା–ନୋଟୋମ ବା ନୋଟିସ ଟୁ ଏୟାର ମିଶନ ଫେଲ ହୋଇଛି । କେତେ ସମୟ ପର୍ଯ୍ୟନ୍ତ ସମସ୍ୟା ଜାରି ରହିବ ଏହାର କୌଣସି ଖବର ନାହିଁ । ତଥାପି ତ୍ରୁଟି ସୁଧାରିବାକୁ ଚେଷ୍ଟା କରାଯାଉଛି ।
Kanak News is now on WhatsApp
Join and get latest news updates delivered to you via WhatsApp
ଘଟଣା ନିଆଁ ବେଗରେ ବ୍ୟାପିବା ପରେ ହ୍ୱାଇଟ ହାଉସ ପକ୍ଷରୁ ଏମରଜେନ୍ସିଂ ବୈଠକ ଡକାଯିବା ପୂରା ଦେଶକୁ ଏହି ବାବଦରେ ସୂଚନା ଦିଆଗଲା । ଆମେରିକା ଏଭିଏସନ ଇତିହାସରେ ପ୍ରଥମଥର ପାଇଁ ଏଭଳି ଘଟଣା ଘଟିଛି । ୪ ଘଂଟା ପରେ ସିଷ୍ଟମରେ ସୁଧାର ଅଣାଯିବା ପରେ ବିମାନ ଚଳାଚଳ ଆରମ୍ଭ କରିଛି ।
ଆସନ୍ତୁ ଜାଣିବା ନୋଟୋମ କଣ?
• ନୋଟୋମର ପୂରା ନାଁ ନୋଟିସ ଟୁ ଏୟାର ମିଶନ ଅଟେ
• ବିମାନ ଚଳାଚଳ ପ୍ରକିୟାରେ ଏହାର ଗୁରୁତ୍ୱପୂର୍ଣ୍ଣ ଭୂମିକା ରୁହେ
• ବିମାନ ଅବତରଣ ଓ ଉଡାଣ ସମୟରେ ପାଇଲଟକୁ ସୂଚନା ଦିଏ ନୋଟୋମ
• ନୋଟୋମ ରିଏଲ ଟାଇମ ଡାଟା ଏୟାର ଟ୍ରାଫିକ କଂଟ୍ରୋଲକୁ ଦିଏ
• ଏହାପରେ ଏଟିସି ଏହି ସୂଚନା ପାଇଲଟଙ୍କୁ ପ୍ରଦାନ କରେ
• ନୋଟୋମରେ କୋଡ଼ ଭାଷାର ବ୍ୟବହାର କରାଯାଏ
• ଉଡାଣ ଭରିବା ପୂର୍ବରୁ ପାଇଲଟ ଓ କ୍ରିୟୁ ସଦସ୍ୟଙ୍କୁ ତଥ୍ୟ ଦିଆଯାଏ
ଆମେରିକା ଏଭିଏସନ ଇତିହାସରେ ପ୍ରଥମ ଥର ପାଇଁ ଏଭଳି ଘଟଣା ଘଟିଛି । କାଟାଟ୍ରୋଫିକ ସିଷ୍ଟମ ଫେଲୁଆର ପଛରେ ସାଇବର ଆକ୍ରମଣର ସନ୍ଦେହ କରାଯାଉଥିବା ବେଳେ ହ୍ୱାଇଟ ହାଉସ ଏପରି ଚର୍ଚ୍ଚାକୁ ଖଣ୍ଡନ କରିଛି । ଅନ୍ୟପଟେ ରାଷ୍ଟ୍ରପତି ପୁରା ଘଟଣାର ତଦନ୍ତ ନିର୍ଦ୍ଦେଶ ଦେଇଛନ୍ତି । ଏବେ ପ୍ରଶ୍ନ ଉଠୁଛି ମହାଶକ୍ତିଶାଳୀ ଦେଶ ଆମେରିକା ଯଦି ଏକ ବୈଷୟିକତ୍ରୁଟି ଯୋଗୁଁ ନାକେଦମ ହୋଇପଡୁଛି ତେବେ ଆଗକୁ ଯଦି ବଡ ତ୍ରୁଟି ହୁଏ ଏହାକୁ କିଭଳି ସମ୍ଭାଳିବ ଦେଶ