ଏଥରକ ଆମେଥି ନିର୍ବାଚନରେ ନାହିଁ ଗାନ୍ଧୀ ପରିବାର । ଆମେଥିରେ ସ୍ମୃତି ବନାମ କିଶୋରୀ ଲାଲ ଲଢ଼େଇ । ନୂଆ ଚେହେରା କଂଗ୍ରେସ ପାଇଁ ହେବ କି ଚ୍ୟାଲେଞ୍ଜ?
କନକ ବ୍ୟୁରୋ: କଂଗ୍ରେସର ଗଡ଼ ତଥା ରାହୁଲ ଗାନ୍ଧୀଙ୍କ ଆସନ ଆମେଥିରୁ ଏଥର ଦଳ ଦଳ ନୂଆ ପ୍ରାର୍ଥୀ ଦେଇଛି । ସୋନିଆ ଗାନ୍ଧୀଙ୍କ ଘନିଷ୍ଠ ସହଯୋଗୀ ତଥା ଉତରପ୍ରଦେଶର ପୂର୍ବତନ କଂଗ୍ରେସ ସଭାପତି କିଶୋରୀ ଲାଲ ଶର୍ମାଙ୍କୁ ପ୍ରାର୍ଥୀ କରିଛି କଂଗ୍ରେସ । ଆମେଥିରୁ ଏଥର କେନ୍ଦ୍ରମନ୍ତ୍ରୀ ସ୍ମୃତି ଇରାନୀଙ୍କୁ ପ୍ରାର୍ଥୀ କରିଛି ବିଜେପି । ଆଉ ସ୍ମୃତି ଇରାନିଙ୍କୁ ଟକ୍କର ଦେବେ କିଶୋରୀ ଲାଲ । କିଶୋରୀ ଲାଲ ରାଇବରେଲିରୁ ସୋନିଆଙ୍କ ପ୍ରତିନଥି ଥିଲେ । କଂଗ୍ରେସର ପୁରୁଖା ନେତା କିଶୋରୀ ଲାଲ ଆମେଥି ଏବଂ ରାଇବରେଲି ଆସନ ସହ ଜଡିତ ଥିଲେ । କିଶୋରୀ ଲାଲ ପଞ୍ଜାବ ଲୁଧିଆନାର ବାସିନ୍ଦା । ପ୍ରଥମ ଥର ପାଇଁ ୧୯୮୩ରେ ଆମେଥିରୁ ନିର୍ବାଚନ ଲଢିଥିଲେ ଶର୍ମା । କିନ୍ତୁ ୧୯୯୧ରୁ ଗାନ୍ଧୀ ପରିବାରରୁ ଆମେଥିରୁ ପ୍ରାଥୀ ହୋଇଆସୁଥିଲେ । କିଶୋରୀ ଲାଲ ବିହାର ଏବଂ ପଞ୍ଜାବରେ ମଧ୍ୟ କଂଗ୍ରେସ ପାଇଁ କାର୍ଯ୍ୟ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ତର୍ଜମା, ମାନସମନ୍ଥନ, ବିଚାର ବିମର୍ଶ ପରେ ଶେଷରେ ଆମେଥୀରେ କିଏ ହେବେ କଂଗ୍ରେସର ପ୍ରାର୍ଥୀ ସେନେଇ ମୋହର ବାଜିଛି । ଯେଉଁମାନଙ୍କ ନାଁ ସବୁଠୁ ଆଗରେ ଥିଲା ସେମାନଙ୍କୁ ବାଦ ଦେଇ ଦଳ ନୂଆ ଚେହେରାଙ୍କୁ ସାମ୍ନାକୁ ଆଣିଛି । ଆମେଥିରେ ପ୍ରାର୍ଥୀ ହୋଇଛନ୍ତି କିଶୋରୀ ଲାଲ ଶର୍ମା । ଏହି ଟିକେଟ ଘୋଷଣା ସହ ଦଳର ୨୫ବର୍ଷର ରାଜନୈତିକ ସମୀକରଣରେ ବଡ ପରିବର୍ତନ ଆଣିଛି । ନଜର ପକାଇବା ଆମେଥି ସହ ଗାନ୍ଧୀ ପରିବାର କିଭଳି ଘନିଷ୍ଠ ସର୍ମ୍ପକ ରହିଛି । ଯଦିଓ ୧୯୬୭ ମସିହାରରୁ କଂଗ୍ରେସ ଆମେଥିରୁ ନିର୍ବାଚନ ଲଢ଼ୁଛି କଂଗ୍ରେସ ତେବେ ୧୯୯୯ରୁ ୨୦୧୪ ଯାଏଁ ଲଗାତାର ଦଳ ଜିତ ହାସଲ କରିଥିଲା । ୧୯୯୯ରେ ପ୍ରଥମ ଥର ପାଇଁ ସୋନିଆ ଗାନ୍ଧୀ ଆମେଥିରୁ ପ୍ରତିଦ୍ୱନ୍ଦ୍ୱିତା କରିଥିଲେ । ପରେ ମଙ୍ଗ ସମ୍ଭାଳିଥିଲେ ରାହୁଲ ଗାନ୍ଧୀ । ୨୦୦୪ରେ ପ୍ରଥମ ଥର ପାଇଁ ରାହୁଲ ଆମେଥି ଅ।।ସନରୁ ପ୍ରତିଦ୍ୱନ୍ଦ୍ୱିତା କରିଥିଲେ । ୨୦୦୯ରେର ମଧ୍ୟ ନିଜ ବିଜୟ ଯାତ୍ରା ବଜାୟ ରଖି ଆସନ ଜିତିଥିଲେ । ୨୦୧୪ରେ କ୍ରମାଗତ ତୃତୀୟଥର ପାଇଁ ଏହି ଆସନ ରାହୁଲଙ୍କ ଦେଇଥିଲା ବିଜୟର ହ୍ୟାଟ୍ରିକ । ୨୦୧୯ରେ ବଦଳିଥିଲା ଆମେଠି ଚିତ୍ର । ରାହୁଲଙ୍କ ଗଡରେ ଧସେଇ ପଶିଥିଲା ବିଜେପି ଓ ପ୍ରାଥୀ ସ୍ମୃତି ଇରାନୀ ଆମେଠି ଉପରେ କବଜା କରିଥିଲ । ଏଥରକ କିଏ ହେବ ଆମେଥିିର କଂଗ୍ରେସ ଚେହେରା ତାକୁ ନେଇ କିଛି ଦିନ ହେବ ଦଳ ବିଚାର କରିବା ପରେ କିଶୋରୀ ଲାଲଙ୍କୁ ବାଛିଛନ୍ତି ।
କଂଗ୍ରେସର ‘ଆମେଥି’ ଚେହେରା କେ.ଏଲ ଶର୍ମା
-ଦୀର୍ଘ ଦଶନ୍ଧି ଧରି କଂଗ୍ରେସ ଓ ଗାନ୍ଧୀ ପରିବାର ସହ ଜଡିତ ଅଛନ୍ତି କିଶୋରୀ ଲାଲ
-ପଂଜାବରେ ଜନ୍ମିତ କିଶୋର ୧୯୮୩ରେ କଂଗ୍ରେସରେ ଯୋଗ ଦେଇଥିଲେ
-ପ୍ରଥମ ଥର ପାଇଁ ୧୯୮୩ରେ ଆମେଥିରୁ ନିର୍ବାଚନ ଲଢିଥିଲେ
-ରାଜୀବ ଗାନ୍ଧୀଙ୍କ ଜଣେ ବିଶ୍ୱସ୍ତ ସହଯୋଗୀ ଥିଲେ
ଆମେଥି ଆସନରେ ୨୦୦୪ରୁ ରାହୁଲ ଜିତି ଆସୁଥିବା ବେଳେ ୨୦୧୯ରେ ଏହି ବିଜୟରେ ବ୍ରେକ ଲଗାଇଥିଲେ ସ୍କୃତି ଇରାନୀ । ଚଳିତ ଥର ମଧ୍ୟ ସ୍ମୃତି ଇରାନୀଙ୍କୁ ପ୍ରାର୍ଥୀ କରିଛି ବିଜେପି । ତେବେ ଚଳିତ ନିର୍ବାଚନରେ ଏହି ଆସନରେ ସ୍ମୃତିଙ୍କୁ ଟକ୍କର ଦେବେ କଂଗ୍ରେସର କିଶୋରୀ ଲାଲ ଶର୍ମା । ବିଳମ୍ବରେ ହେଉ ପଛେ କଂଗ୍ରେସ ଆମେଥୀ ସସପେନ୍ସ ଉପରୁ ପର୍ଦ୍ଦା ଉଠାଇଛି ସତ ଏବେ ପ୍ରଶ୍ନ ଉଠୁଛି ଯେଉଁ ଗଡ଼ରେ ଦଳ ୨୫ବର୍ଷ ଧରି ରାହୁଲ ଓ ସୋନିଆ ମୁଳଦୁଆକୁ ମଜଭୁତ କରି ରଖିଥିଲେ ତାକୁ କେତେଦୂର ବଜାୟ ରଖିବାରେ ସଫଳ ହେବେ କିଶୋର ଲାଲ ଶର୍ମା ।