କନକ ବ୍ୟୁରୋ : ମୌକା ଥିଲା ବିହାର ନାଳନ୍ଦା ମୁକ୍ତ ବିଶ୍ୱବିଦ୍ୟାଳର ଦିକ୍ଷାନ୍ତ ଉତ୍ସବର । ଯୋଗ ଦେଇଥିଲେ ବିହାର ଶିକ୍ଷାମନ୍ତ୍ରୀ ଚନ୍ଦ୍ରଶେଖର । ଆଶା ଥିଲା ଯେଉଁ ନୂଆ ଛାତ୍ରଛାତ୍ରୀ ବିଶ୍ୱବିଦ୍ୟାଳୟରେ ପାଠ ପଢିବା ପାଇଁ ଆସିଛନ୍ତି ତାଙ୍କୁ ଶିକ୍ଷାମନ୍ତ୍ରୀ କିଛି ଗୁରୁତ୍ୱପୂର୍ଣ୍ଣ ଶିକ୍ଷା ଦେବେ । କିଛି ଶିକ୍ଷଣୀୟ କଥା କହିବେ । କିନ୍ତୁ ଘଟଣା ସେହି ସମୟରେ ସମସ୍ତଙ୍କୁ ଆଶ୍ଚର୍ଯ୍ୟ କରିଥିଲା ଯେତେବେଳେ ଶିକ୍ଷାମନ୍ତ୍ରୀ ରାମଚରିତ ମାନସ ଉପରେ ବିବାଦୀୟ ବୟାନ ଦେଇଥିଲେ । ଯେଉଁ ରାମଚରିତ ମାନସକୁ ଜନମାନସ ବେଶ ଶ୍ରଦ୍ଧା ସହକାରେ ପଠନ କରନ୍ତି ତାକୁ ସେ ଏକ ଘୃଣା ବାଂଟୁଥିବା ଗ୍ରନ୍ଥ ଭାବେ ସମ୍ବୋଧନ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ରାମଚରିତ ମାନସକୁୁ ନେଇ କେବଳ ବିବାଦୀୟ ବୟାନ ଦେଇନଥିଲେ ଶିକ୍ଷାମନ୍ତ୍ରୀ ବଂର ନିିଜ ଭାଷଣରେ ଏକଥା ପ୍ରମାଣ କରିବାକୁ ଚେଷ୍ଟା କରିଥିଲେ ଯେ କି ନାରୀ ଜାତିଙ୍କୁ ଶିକ୍ଷାଠୁ ଦୂରେଇ ରଖିବା କଥା ରାମଚରିତ ମାନସରେ ମଧ୍ୟ ସ୍ଥାନ ପାଇଛି । ବୟାନକୁ ନେଇ ବିବାଦ ଦେଖାଯାଇଥିଲେ ବି ମନ୍ତ୍ରୀ କ୍ଷମା ମାଗିବାକୁ ମନା କରିଛନ୍ତି ।
ଶିକ୍ଷାମନ୍ତ୍ରୀ ଚନ୍ଦ୍ରଶେଖରଙ୍କୁ ରାମଚରିତ ମାନସ ଉପରେ ଦିଆଯାଇଥିବା ବୟାନକୁ ନେଇ ବିବାଦ ଦେଖାଦେଇଛି । ବୟାନକୁ ନେଇ ବିଜେପି ସହ ବିଭିନ୍ନ ରାଜନୈତିକ ଦଳ ଓ ଆଧ୍ୟାତ୍ମିକ ଗୁରୁ ଘୋର ନିନ୍ଦା କରିଛନ୍ତି । ଅଯୋଧ୍ୟା ସନ୍ଥ ଜଗଦଗୁରୁ ପରମହଂସ ଆଚାର୍ଯ୍ୟ ମନ୍ତ୍ରୀଙ୍କଠୁ କ୍ଷମା ଦାବି କରିଛନ୍ତି । ଏଥିସହ ବିହାର ସରକାର ତାଙ୍କୁ ପଦରୁ ଇସ୍ତଫା କରିବା ଉଚିତ ବୋଲି ସେ କହିଛନ୍ତି
ବିହାର ଶିକ୍ଷାମନ୍ତ୍ରୀ ଚନ୍ଦ୍ରଶେଖର ‘ ରାମଚରିତ ମାନସ’କୁ ନେଇ କହିଥିବା ବିବାଦୀୟ ବୟାନକୁ ବିଭିନ୍ନ ଆଡ଼ୁ ବିରୋଧ କରାଯାଇଛି ।