ସେବେ ଭିକ୍ଷାବୃତ୍ତି କରୁଥିଲେ… କିନ୍ନର ଆଜି ‘ନାଇଟ ଫୁଡକୋର୍ଟ’ର ମାଲିକ ।
କନକ ବ୍ୟୁରୋ: ଅନେକ ସମୟ ଧରି ସମାଜରେ ଅବହେଳିତ ହୋଇ ରହିଥିଲେ କିନ୍ନର ସମ୍ପ୍ରଦାୟ । ସମାଜରେ ତାଙ୍କୁ ଘୃଣ୍ୟ ଦୃଷ୍ଟିରେ ମଧ୍ୟ ଦେଖାଯାଉଥିଲା । ତେବେ ଏହିଭଳି କିଛି କିନ୍ନର ରହିଛନ୍ତି ଯେଉଁମାନେ ସମସ୍ତ ଭାବନାକୁ ପରିବର୍ତ୍ତନ କରି ନୂଆ ଆରମ୍ଭ କରିଛନ୍ତି । କର୍ଣ୍ଣାଟକର ଉଡ୍ଡୁପୀ ଜିଲ୍ଲାରେ ରହୁଥିବା ଏକ କିନ୍ନର ଗୋଷ୍ଠୀ ରାତ୍ରୀ ଭୋଜନର ଅନୁଧ୍ୟାନ କରୁଥିବା ଲୋକଙ୍କ ପାଇଁ ଭୋଜନାଳୟ ଖୋଲିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଦିନେ ଯେଉଁ ଉଡ୍ଡୁପୀର ରାସ୍ତାରେ ଭିକ୍ଷାବୃତ୍ତି କରି ନିଜର ଜୀବନ ବିତାଉଥିଲେ ଆଜି ସେଠାରେ ସେମାନେ ଲୋକଙ୍କ ପାଇଁ ଭୋଜନାଳୟ ଖୋଲିପାରିଛନ୍ତି । ଏ କାହାଣୀ ହେଉଛି ପୂର୍ବା, ବୈଷ୍ଣବୀ ଏବଂ ଚନ୍ଦନାଙ୍କର । ଉଡ୍ଡୁପୀ ବସଷ୍ଟାଣ୍ଡ ନିକଟରେ ସେମାନେ ଭୋଜନାଳୟ ଆରମ୍ଭ କରିଛନ୍ତି । ରାତିରେ ଯାତ୍ରା କରୁଥିବା ଏବଂ କାମ କରୁଥିବା ଲୋକଙ୍କ ପାଇଁ ସେମାନେ ଏହି ଭୋଜନାଳୟ ଖୋଲିଛନ୍ତି । ଏହା ଦ୍ୱାରା ଅନେକ ଫାଇଦା ପାଇପାରୁଛନ୍ତି ଲୋକେ ।
ଭୋଜନାଳୟରେ ସ୍ୱାଧିଷ୍ଟ ଜଳଖିଆ, ଚା ପରଷା ଯାଉଛି । ରାତିରେ ସହରରେ ଅନେକ ଲୋକ ହୋଟେଲକୁ ବନ୍ଦ କରିଦେଇଥାନ୍ତି । ତେବେ କିନ୍ନର ଗୋଷ୍ଠୀର ଏହି ଭୋଜନାଳୟ ଖୋଲିବା ପରେ ଲୋକେ ଆସି ଏଠାରେ ସେମାନଙ୍କ ଖାଦ୍ୟର ମଜା ନେଉଛନ୍ତି । ତେବେ ଏହି ତିନି କିନ୍ନର ପ୍ରତିକ୍ରିୟା ରଖିଛନ୍ତି ଯେ, ଜନତାଙ୍କ ପାଖରୁ ଏହାକୁ ନେଇ ଉତ୍ସାହଜନକ ପ୍ରତିକ୍ରିୟା ମିଳୁଛି । ଲୋକଙ୍କ ପାଖରୁ ସମ୍ମାନ ମିଳୁଛି । ଆମେ ବର୍ତ୍ତମାନ ମୁଣ୍ଡଉଠାଇ ଚାଲିପାରୁଛୁ ।