କନକ ବ୍ୟୁରୋ: ନନ୍ଦନକାନନରେ ବାଘୁଣୀର ମୃତ୍ୟୁ । ୨୦ ଦିନ ଧରି ଅସୁସ୍ଥ ଥିବା ବାଘୁଣୀ ରେବତୀର ମୃତ୍ୟୁ ହୋଇଛି । ୧୮ ବର୍ଷ ବୟସରେ ତାର ମୃତ୍ୟୁ ଘଟିଛି । ଖାଦ୍ୟ ହଜମରେ ଅସୁବିଧା ଯୋଗୁଁ ଅସୁସ୍ଥ ହୋଇପଡିଥିଲା ରେବତୀ । ପାଖାପାଖି ୨୦ ଦିନ ଧରି ଆଇସିୟୁରେ ଚିକିତ୍ସିତ ହେଉଥିବା ବେଳେ ଆଜି ତାର ମୃତ୍ୟୁ ହୋଇଛି । ରେବତୀର ମୃତ୍ୟୁ ପରେ ଏବେ ନନ୍ଦନକାନ ପ୍ରାଣୀ ଉଦ୍ୟାନର ବାଘ ସଫାରୀରେ ଆଉ ୨୪ଟି ବାଘ ଅଛନ୍ତି । ୧୨ଟି ପୁରୁଷ ଓ ୧୨ ମାଇ ବାଘୁଣୀ ଅଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଉଲ୍ଲେଖ ଥାଉଁ କି, ନିକଟରେ ନନ୍ଦନକାନନ ପ୍ରାଣୀ ଉଦ୍ୟାନର ଖୁଆଡ଼ ନମ୍ବର ୯୧ରେ ରହୁଥିବା କଲରାପତରିଆ ବାଘ ‘ସୂରଜ’ର ମୃତ୍ୟୁ ଘଟିଥିଲା । ‘ସୂରଜ’ର ହଠାତ୍ ବାନ୍ତି ହେବା କାରଣରୁ ଅସୁସ୍ଥ ହୋଇ ପଡ଼ିଥିଲା ଏବଂ ଚିକିତ୍ସାଧିନ ଅବସ୍ଥାରେ ତାର ମୃତ୍ୟୁ ଘଟିଥିଲା । ତେବେ ସୁରଜର ବୟସ ୧୦ ବର୍ଷ ହେବ ବୋଲି ନନ୍ଦନକାନନ ପକ୍ଷରୁ କୁହାଯାଇଛି, ତାକୁ ସାଢ଼େ ୩ ବର୍ଷ ବୟସ ହୋଇଥିବା ବେଳେ ୨୦୧୦ରେ ଗୁଜୁରାଟର ସାକରାବାଗରୁ ଧାରା ଯାଇଥିଲା ।
୨୦୧୩ ମସିହାରେ ସୂରଜକୁ ନନ୍ଦନକାନନ ଅଣାଯାଇଥିଲା। ସୂରଜର ମୃତ୍ୟୁ ପରେ ନନ୍ଦନକାନନରେ କଲରାପତରିଆ ବାଘଙ୍କ ସଂଖ୍ୟା ୭ରେ ପହଞ୍ଚିଛି । ଏମାନଙ୍କ ମଧ୍ୟରେ ବର୍ଷା, ବିଜୁ, ମଞ୍ଜୁ, ଅନିତା, ମଙ୍ଗଳଙ୍କ ସହ ନୂଆପଡ଼ାରୁ ଧରା ହୋଇ ଆସିଥିବା ଏକ ମାଈ ଓ ଅଣ୍ଡିରା କଲରାପତରିଆ ବାଘ ଅଛନ୍ତି ।