କନକ ବ୍ୟୁରୋ: ଚାହୁଁଚାହୁଁ ଜଳିଗଲା ସବୁକିଛି । କିଛି ସମୟ ଭିତରେ ଦୋକାନର ସବୁକିଛି ଜଳିପୋଡ଼ି ଝାରଖାର ହୋଇଯାଇଛି । ସୁନ୍ଦରଗଡ଼ ରାଜଗାଙ୍ଗପୁର ସହରର ରାସ୍ତା କଡ଼ରେ ଏକ ଦୋକାନରେ ଏଭଳି ଭୟଙ୍କର ଅଗ୍ନିକାଣ୍ଡ ଘଟିଛି । ସର୍ଟ ସର୍କିଟ ଯୋଗୁଁ ଏହି ଅଗ୍ନିକାଣ୍ଡ ଘଟିଥିବା ପ୍ରାଥମିକ ସୂଚନାରୁ ଜଣାପଡ଼ିଛି । ନିଆଁ ଲାଗିବାରୁ ଦୋକାନରେ ଥିବା ଲକ୍ଷାଧିକ ଟଙ୍କାର ସାମଗ୍ରୀ ପୋଡ଼ି ଯାଇଥିବା ଅଭିଯୋଗ ହୋଇଛି । ତେବେ ଖବର ପାଇ ଅଗ୍ନିଶମ ବିଭାଗ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଛି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ଅନୁସାରେ, ରାତି ପ୍ରାୟ ସାଢ଼େ ୯ଟା ବେଳେ ଦୋକାନରୁ ଧୂଅାଁ ବାହାରୁଥିବା କିଛି ଲୋକ ଦେଖିବାକୁ ପାଇଥିଲେ । ପରେ ନିଆଁକୁ ଆୟତ୍ତ କରିବାକୁ ଅଗ୍ନିଶମ ବିଭାଗକୁ ଖବର ଦିଆଯାଇଥିଲା । ସେତେବେଳକୁ ଦୋକାନର ଅନେକ ସାମଗ୍ରୀ ପୋଡ଼ି ଜଳିଯାଇଥିଲା ।