ଆଇସିସି, ଆଇଏନଡବ୍ଲୁଇସି ପକ୍ଷରୁ ମହିଳା ଉଦ୍ୟୋଗୀମାନଙ୍କ ଆଲୋଚନାଚକ୍ର । “ନୀତି, ପାଣ୍ଠି ଏବଂ ଲାଭ” ଉପରେ ଗୁରୁତ୍ୱ ।
କନକ ବ୍ୟୁରୋ: ଆଇସିସି, ଆଇଏନଡବ୍ଲୁଇସି ପକ୍ଷରୁ ମହିଳା ଉଦ୍ୟୋଗୀମାନଙ୍କ ନିମନ୍ତେ “ନୀତି, ପାଣ୍ଠି ଏବଂ ଲାଭ” ଉପରେ ଆଲୋଚନାଚକ୍ର ଆୟୋଜିତ ହୋଇଛି । ଶିଳ୍ପ ଉଦ୍ୟୋଗର ବିଶେଷ ଦିଗ ଉପରେ ଆଲୋଚନା କରିବା ପାଇଁ ଓ – ହବ୍ ଅଡିଟୋରିୟମ ଠାରେ ଶିଳ୍ପ ବିଶେଷଜ୍ଞ, ମହିଳା ଉଦ୍ୟୋଗୀ ଏବଂ ନୀତି ନିର୍ମାତା ମାନେ ଏକତ୍ରିତ ହୋଇଥିଲେ । ଆଇ ସି ସି,ଆଇ ଟି ଓ ଷ୍ଟାର୍ଟ ଅପ୍ କମିଟି ଏବଂ ଆଇ ସି ସି ଜାତୀୟ ମହିଳା ଉଦ୍ୟୋଗୀ ପରିଷଦ ଦ୍ୱାରା ଷ୍ଟାର୍ଟ ଅପ୍ ଓଡ଼ିଶା ସହଯୋଗ ଦ୍ୱାରା ସଫଳ ଭାବେ ଆୟୋଜିତ ହୋଇଯାଇଛି ।
Kanak News is now on WhatsApp
Join and get latest news updates delivered to you via WhatsApp
କାର୍ଯ୍ୟକ୍ରମଟିରେ ଶିଳ୍ପ ଉଦ୍ୟୋଗର ବିଭିନ୍ନ ଦିଗରେ ଥିବା ନୀତି, ପାଣ୍ଠି ଏବଂ ଲାଭ ଆଦି ବିଷୟରେ ଆଲୋଚନା ହୋଇଥିଲା । ଏହି କାର୍ଯ୍ୟକ୍ରମରେ ଷ୍ଟାର୍ଟ ଅପ୍ ଓଡ଼ିଶାର ନୀତିଗୁଡିକ ଉପସ୍ଥାପନା କରାଯାଇଥିଲା । ଯାହା କି ପରବର୍ତ୍ତୀ ସମୟରେ ମହିଳା ଉଦ୍ୟୋଗୀ ମାନଙ୍କୁ ରାଜ୍ୟରେ ସେମାନଙ୍କ ପାଇଁ ଉପଲବ୍ଧ ସୁବିଧା ସମ୍ପର୍କରେ ଅବଗତ କରାଇବା ସହ ତାଙ୍କ ନିମନ୍ତେ ଥିବା ବ୍ୟବସ୍ଥାର ଲାଭ ସେମାନଙ୍କୁ ଦେଇପାରିବ ।