ବ୍ରହ୍ମପୁର ସହରରେ ଗ୍ରାହକ ସାଜି ସ୍ପିରିଟ୍ ଚୋରାଚାଲଣ ଧରିଲା ଅବକାରୀ ବିଭାଗ । ୧୭ ଶହ ୪୦ ଲିଟର ବେଆଇନ୍ ସ୍ପିରିଟ୍ ଜବତ, ୩ ଗିରଫ ।
କନକ ବ୍ୟୁରୋ: ଗ୍ରାହକ ସାଜି ସ୍ପିରିଟ୍ ଚୋରାଚାଲଣ ଧରିଲା ଅବକାରୀ ବିଭାଗ । ୧୭ ଶହ ୪୦ ଲିଟର ବେଆଇନ୍ ସ୍ପିରିଟ୍ ଜବତ କରାଯାଇଛି । ଘଟଣାରେ ଦାଦା ପୁତୁରାଙ୍କ ସହ ଆଉ ୩ ଜଣଙ୍କୁ ଗିରଫ କରଯାଇଛି । ଏହାସହ ସ୍କୁଟି ଜବତ କରିଛି ଅବକାରୀ ବିଭାଗ । ବ୍ରହ୍ମପୁର ସହର ଓ ଆଖପାଖ ଅଞ୍ଚଳରେ ପ୍ରସ୍ତୁତ ହେଉଥିବା ନକଲି ବିଦେଶୀ ମଦ ପାଇଁ ଏହି ସ୍ପିରିଟ ବ୍ୟବହାର କରାଯାଉଥିବା ଜଣାପଡ଼ିଛି । ତେଣୁ ସ୍ପିରିଟ୍ ଚୋରା ଚାଲାଣକୁ ଗ୍ରାହକ ସାଜି ଧରିଲେ ଅବକାରୀ ଗୁଇନ୍ଦା ବିଭାଗର ମହିଳା ଇନ୍ସପେକ୍ଟର ।
Kanak News is now on WhatsApp
Join and get latest news updates delivered to you via WhatsApp
ଗଂଜାମ ଜିଲ୍ଲାରେ ଅସଲି ବୋତଲରେ ନକଲି ବିଦେଶୀ ମଦ ବିକ୍ରି କରୁଥିବା ବେପାରୀ ଧରାପଡ଼ିବା ପରେ, ମଦ ପ୍ରସ୍ତୁତିରେ ବ୍ୟବହାର ହେଉଥିବା ମୁଖ୍ୟ କଞ୍ଚାମାଲ ସ୍ପିରିଟ ଚେରକୁ ଧରିବାକୁ ଉଦ୍ୟମ ଆରମ୍ଭ କରିଥିଲା ଅବକାରୀ ଗୁଇନ୍ଦା ବିଭାଗ । ଗତ ମାର୍ଚ୍ଚ ୩୧ ତାରିଖରେ ଅବକାରୀ ଗୁଇନ୍ଦା ବିଭାଗ ଦିଗପହଣ୍ଡି ନିକଟସ୍ଥ ଫାସିଗୁଡ଼ ଠାରେ ଏକ ନକଲି ବିଦେଶୀ ମଦ ବେପାରୀକୁ ଧରିଥିଲା । ହୋମିଓପ୍ୟାଥ୍ ସ୍ପିରିଟ ଚୋରାରେ ଆଣି ଘରେ ରଖି ନକଲି ବିଦେଶୀ ମଦ ତିଆରି କରୁଥିଲା ବେପାରୀ ଜଣକ । ମାଷ୍ଟରମାଇଣ୍ଡକୁ ଧରିବାକୁ ନୂଆ ଯୋଜନା କରିଥିଲା ଅବକାରୀ ବିଭାଗ । ଶେଷରେ ନିଜେ ଗ୍ରାହକ ସାଜିଥିଲେ ଗୁଇନ୍ଦା ମହିଳା ଇନ୍ସପେକ୍ଟର । ସେପଟେ ଆଜି ଭୋରରୁ ଗଜପତି ଜିଲ୍ଲା ଅଡବା ଓ ମୋହନା ଅଞ୍ଚଳରୁ ୧୦୫କିଲୋଗ୍ରାମ ଗଞ୍ଜେଇ ୟୁପି ଓ ବିହାର ଭଳି ବାହାର ରାଜ୍ୟକୁ ଏକ କାର ଯୋଗେ ଚୋରା ଚାଲାଣ ହେଉଥିଲା । ପୂର୍ବ ସୂଚନା ଅନୁସାରେ ଅବକାରୀ ଗୁଇନ୍ଦା ବିଭାଗର ଏକ ଟିମ୍ ବ୍ରହ୍ମପୁର ସହର ଉପଖଣ୍ଡରୁ ଉକ୍ତ କାର୍ ସହ ଗଞ୍ଜେଇ ଜବତ କରିବା ସହ ଏହି ମାମଲାରେ ୭ଜଣଙ୍କୁ ଗିରଫ କରିଛି ।