କଂଗ୍ରେସର କୋରାପୁଟ୍ ବନ୍ଦ ଡାକରା । ଆସନ୍ତା ୯ରେ ଧାରଣାରେ ବସିବ ଜିଲ୍ଲା କଂଗ୍ରେସ
କନକ ବ୍ୟୁରୋ : ଆସନ୍ତା ୯ ତାରିଖରେ କୋରାପୁଟ ଜିଲ୍ଲା ବନ୍ଦ ଡାକରା ଦେଇଛି ଜିଲ୍ଲା କଂଗ୍ରେସ କମିଟି । ଜୟପୁରରେ କେନ୍ଦ୍ରୀୟ ବିଶ୍ୱବିଦ୍ୟାଳୟ ପ୍ରତିଷ୍ଠା ଓ ଜିଲ୍ଲାଭିତିକ ନିଯୁକ୍ତି ସମେତ ୫ ଦଫା ଦାବିରେ ୧୨ ଘଂଟା ବନ୍ଦ ପାଳନ କରାଯିବ । ଏନେଇ ଡିସିସି ସଭାନେତ୍ରୀ ମୀନାକ୍ଷୀ ବାହିନୀପତିଙ୍କ ସଭାପତିତ୍ୱରେ ସ୍ଥାନୀୟ ବାଙ୍କମଠରେ ପ୍ରସ୍ତୁତି ବୈଠକ ହୋଇଥିଲା ।
Kanak News is now on WhatsApp
Join and get latest news updates delivered to you via WhatsApp
ବିଭିନ୍ନ ଦାବି ନେଇ ଗତ ୨୯ ତାରିଖରେ ଜୟପୁର ମୁଖ୍ୟ ଡାକଘର ନିକଟରେ କଂଗ୍ରେସ ପକ୍ଷରୁ ଧାରଣା ଦିଆଯାଇଥିଲା । ହେଲେ କୌଣସି ପଦକ୍ଷେପ ନିଆଯାଇନାହିଁ । ତେଣୁ ବନ୍ଦ ପାଳନ ପାଇଁ ନିଷ୍ପତି ନିଆଯାଇଥିବା ବୈଠକରେ ସୂଚନା ଦିଆଯାଇଛି ।