କନକ ବ୍ୟୁରୋ : ଭଦ୍ରକରେ ସାମ୍ପ୍ରଦାୟିକ ଉତେଜନା । ସୋସିଆଲ ମିଡିଆରେ ରାମ ଓ ସୀତାଙ୍କୁ ଅଶ୍ଳିଳ କଂମେଟକୁ ନେଇ ଏହି ଉତେଜନା ଦେଖା ଦେଇଛି । ବଜରଙ୍ଗ ଦଳ ଓ ବିଶ୍ୱହିନ୍ଦୁ ପରିଷଦର କର୍ମୀମାନେ ଏହାର ତୀବ୍ର ବିରୋଧ କରିଛନ୍ତି । ସହରର କଲେଜ ଛକ ନିକଟରେ ବେଶ୍ କିଛି ସମୟ ଧରି ରାସ୍ତାରୋକ କରାଯାଇଥିଲା । ରାସ୍ତା ଉପରେ ଟାୟାର ଜାଳି ଘଟଣାର ପ୍ରତିବାଦ କରାଯାଇଥିଲା । ଉତେଜନା ଯୋଗୁଁ ସହରରେ ପରିସ୍ଥିତି ଏପରି ହୋଇଥିଲା ଦେ ଅଧିକାଂଶ ସ୍ଥାନରେ ଦୋକାନ ବଜାର ମଧ୍ୟ ବନ୍ଦ କରାଯାଇଥିଲା । ବିଶ୍ୱ ହିନ୍ଦୁ ପରିଷଦ ଓ ବଜରଙ୍ଗ ଦଳର କର୍ମୀମାନେ ଗୈରୀକ ପତକା ଧରି ଥାନା ଆଗରେ ବିକ୍ଷୋଭ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସୋସିଆଲ ମିଡିଆ ଫେସବୁକରେ ମୁସଲମାନ ସମ୍ପ୍ରଦାୟର ଜଣେ ଯୁବକ ଏହି ଅଶ୍ଳୀଳ କମେଂଟ କରିଥିବା ନେଇ ଅଭିଯୋଗ ହେବା ପରେ ସାରା ସହରରେ ନିଆଁ ଭଳି ଏହି ଖବର ବ୍ୟାପି ଯାଇଥିଲା । ବେଶ୍ କମ୍ ସମୟ ମଧ୍ୟରେ ଭଦ୍ରକ ଟାଉନ ଥାନା ଆଗରେ ପ୍ରତିବାଦକାରୀଙ୍କ ଗହଳି ବଢ଼ିବାରେ ଲାଗିଲା । ଆଇନଶୃଙ୍ଖଳା ପରିସ୍ଥତି ରକ୍ଷା କରିବାକୁ ଯାଇ ପୁଲିସ୍ ସାରା ସହରରେ ୧୪୪ ଧାରା ଜାରି କରିଛି । କୋ÷ଣସି ସ୍ଥାନରେ ଅଧିକ ସଂଖ୍ୟାରେ ଲୋକଙ୍କୁ ଏକାଠି ହେବାକୁ ଅନୁମତି ଦିଆଯାଉ ନାହିଁ ।
ଏହା ସହ ଦେଖନ୍ତୁ ଏହି ଭିଡିଓ-