କନକ ବ୍ୟୁରୋ : ନେତାଙ୍କୁ ବିରୋଧ କରିବାର ତରିକା ଏବେ କେତେ ଉଗ୍ର ହେଉଛି ତାହା ଆପଣ ଏହି ଚିତ୍ର ଦେଖିବା ପରେ ଅନୁମାନ କରିପାରୁଥିବେ । କେଉଁଠି ନେତା ମନ୍ତ୍ରୀଙ୍କ ଉପରେ ଚପଲ ମାଡ ହେଉଛି ତ କେଉଁଠି ରାଲିରେ ଅଣ୍ଡାମାଡ । ହେଲେ ତେଲେଙ୍ଗାନରେ କିଛି ଲୋକ ନିଜର ଦାବି ପୁରଣ ନହେବାରୁ ସିଧା ସଳଖ ବିଜେପିର ରାଷ୍ଟ୍ରୀୟ ଅଧ୍ୟକ୍ଷ ଜେ.ପି ନଡ୍ଡାଙ୍କର ଏକ ପ୍ରତିକାତ୍ମକ କବର ଖୋଳିଦେବା ସହ ସେଠାରେ ତାଙ୍କର ଫଟୋ ରଖି ତା ଉପରେ ଫୁଲମାଳ ଚଢାଇ ଦେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ତେଲେଙ୍ଗାନାର ନଲାଗୋଣ୍ଡା ଜିଲ୍ଲାରେ କିଛି ଅଜଣା ବ୍ୟକ୍ତି ରାସ୍ତା ମଝିରେ ଜେ.ପି ନଡ୍ଡାଙ୍କ କବର ଖୋଳିବା ସହ ସେହି କବର ନିକଟରେ ନଡ୍ଡାଙ୍କ ଫଟୋ ରଖି ତା ଉପରେ ଫୁଲମାଳ ଚଢାଇ ଦେଇଛନ୍ତି । ସେମାନଙ୍କର ଦାବି ପୁରଣ ନହେବା କାରଣରୁ ଏଭଳି ଅଜବ ତରିକାରେ ବିରୋଧ କରାଯାଇଥିବା କଥା କୁହାଯାଉଛି ।
ଏହି ନକଲି କବର ନିକଟରେ ଏକ ପୋଷ୍ଟର ବି ଲଗାଯାଇଛି । ଯେଉଁଥିରେ ଲେଖାଯାଇଛି କି, ମୁନୁଗୋଡେର ଚୌତୁପ୍ପଲ ଅଞ୍ଚଳରେ ଫ୍ଲୋରାଇଡ ପ୍ରସମନ ଓ ଅନୁସନ୍ଧାନ କେନ୍ଦ୍ର ସ୍ଥାପନ କରା ନଯିବା କାରଣରୁ ଜେ.ପି ନଡ୍ଡାଙ୍କ ଧ୍ୟାନ ଆକର୍ଷଣ କରିବାକୁ ଏଭଳି କରାଯାଇଛି ।
Telangana | Unidentified persons dug a grave & symbolically buried BJP president JP Nadda alleging that Regional Fluoride Mitigation & Research Center is yet to be set up in Choutuppal area in Munugode, Nalgonda district pic.twitter.com/g2aB5EDblF
— ANI (@ANI) October 20, 2022
ଏସବୁ ଭିତରେ ବିଜେପି ତରଫରୁ ତେଲେଙ୍ଗାନା କ୍ଷମତାରେ ଥିବା ଟିଆରଏସକୁ ଟାର୍ଗେଟ୍ କରିଛି । ବିଜେପି କହିଛନ୍ତି କି ମୁନୁଗୋଡାରେ ଫ୍ଲୋରାଇଡ ପ୍ରସମନ କେନ୍ଦ୍ର ସ୍ଥାପନ କରିବାରେ ରାଜ୍ୟ ସରକାର ବିଫଳ ହୋଇଛନ୍ତି । ନିଜ ବିଫଳତାକୁ ଲୁଚାଇବାକୁ ଟିଆରଏସ ଏଭଳି ନିନ୍ଦନୀୟ କାର୍ଯ୍ୟ କରୁଛି ବୋଲି ବିଜେପି ଅଭିଯୋଗ କରିଛି ।