କନକ ବ୍ୟୁରୋ : ଜାତୀୟ ଗଣମାଧ୍ୟମ ରିପବ୍ଲିକ୍ ଟିଭିରେ ପ୍ରସାରିତ ଏହି ଖବରକୁ ଗୋଟିଏ ଦିନ ବିତିଲାଣି, ହେଲେ ନା’ ସାଂସଦ କୌଣସି ଟ୍ୱିଟ୍ କରୁଛନ୍ତି, ନା’ କୌଣସି ସ୍ପଷ୍ଟ ସୂଚନା ଦେଉଛନ୍ତି । ଏହାରି ଭିତରେ ବିଜେପିର ଆଭିମୁଖ୍ୟ ରାଜନୀତିକୁ ସରଗରମ କରିଛି ।
Kanak News is now on WhatsApp
Join and get latest news updates delivered to you via WhatsApp
ସାଂସଦ ବୈଜୟନ୍ତ ପଣ୍ଡାଙ୍କ ନିରବତାକୁ ନେଇ ଗୋଟିଏ ପଟେ ସନ୍ଦେହ ବଢୁଥିବା ବେଳେ ଆଉ ଗୋଟିଏ ପଟେ ଅବେଳାରେ ବିଜେପିର ପ୍ରଶଂସା ଆଉ ଗୋଟିଏ ଦିଗ ଆଡକୁ ଇସାରା କରୁଛି । ଆଜି କେନ୍ଦ୍ର ଗ୍ରାମ୍ୟ ଉନ୍ନୟନ ମନ୍ତ୍ରୀ ରାମ କ୍ରିପାଲ ଯାଦବ, ବୈଜୟନ୍ତଙ୍କୁ ସାର୍ଟିଫିକେଟ୍ ଦେବାକୁ ଯାଇ କହିଛନ୍ତି- ପଣ୍ଡା ଜୀ ବହୁତ ଭଲ ଲୋକ ।ସାଂସଦ ବୈଜୟନ୍ତ ପଣ୍ଡା ବିଜେପିରେ ଯୋଗ ଦେବା ଚର୍ଚ୍ଚା କିଛି ନୂଆ କଥା ନୁହେଁ । କିନ୍ତୁ ରିପବ୍ଲିକ୍ ଟିଭିର ଖବର ପ୍ରସାରଣ ପରେ ଭିତରେ ଭିତରେ ହେଉଥିବା ଏହି ଚର୍ଚ୍ଚା ଏବେ ଖୋଲାଖୋଲି ଚାଲିଛି । ଧର୍ମେନ୍ଦ୍ର ପ୍ରଧାନଙ୍କ ବୟାନ ସ୍ଥିତିକୁ ଆହୁରି ଗୋଳମାଳିଆ କରିଛି ।
ଓଡ଼ିଶାକୁ ଆଗେଇ ନେବାକୁ ପ୍ରତିବଦ୍ଧ ଥିବା ନେତାକୁ ଦଳରେ ସ୍ୱାଗତ କରାଯିବ ବୋଲି ଧର୍ମେନ୍ଦ୍ର ପ୍ରଧାନ କହୁଥିବା ବେଳେ ରାଜ୍ୟ ସ୍ତରୀୟ ବିଜେପି ନେତା କହୁଛନ୍ତି, ବିଜେଡ଼ି ନେତା ଦଳରରେ ଅଣନିଶ୍ୱାସୀ ହୋଉଯାଉଛନ୍ତି । ଆଉ ଏହି ପ୍ରସଙ୍ଗରେ ଦାମ ରାଉତ କହିଛନ୍ତି-ଦଳ ଛାଡ଼ିଲେ, ପଦ ପଳାଇବ । ସମୟ ବିତୁଛି ସସପେନ୍ସ ବଢୁଛି, ଆଉ ବିଜେପି ପ୍ରଶଂସାରେ ପୋତୁଛି । ସାଂସଦଙ୍କ ରାଜନୈତିକ ସଚିବ କହୁଛନ୍ତି, ଆମେ ଏବାବଦରେ ଅବଗତ ନାହୁଁ । ଏ ଉତ୍ତର ଓଡିଶାବାସୀଙ୍କ ମନରେ ଥିବା ଦନ୍ଦ୍ୱକୁ ଦୂର କରିପାରୁନଥିବା ବେଳେ ,ଅନେକ ପ୍ରଶ୍ନକୁ ସାମ୍ନାକୁ ଆଣୁଛି ।