କନକ ବ୍ୟୁରୋ : ସୁଙ୍କି ଲ୍ୟାଣ୍ଡମାଇନ୍ ବିସ୍ଫୋରଣ ଘଟଣାରେ ଦେଖା ଦେଇଛି ତୀବ୍ର ଅସନ୍ତୋଷ । ତେବେ ପୁଲିସ କର୍ମଚାରୀଙ୍କ ପାଇଁ ସର୍ବନିମ୍ନ ସୁରକ୍ଷା ବ୍ୟବସ୍ଥା ନଥିଲା । ପୁଣି ଏକା ସାଙ୍ଗରେ ୧୩ଜଣ କର୍ମଚାରୀଙ୍କୁ ମାଓ ପ୍ରବଣ ଅଂଚଳରେ ଗୋଟିଏ ଗାଡିରେ ପଠାଇ ଦିଆଗଲା । ଫଳରେ ମାଓବାଦୀଙ୍କ ସହଜ ଟାର୍ଗେଟର ଶିକାର ହେଲେ ଏହି ପୁଲିସ କର୍ମଚାରୀ । ମାଓବାଦୀ ଅଂଚଳ ପାଇଁ ରହିଥିବା ଷ୍ଟାଣ୍ଡାର୍ଡ ଅପରେଟିଂ ପ୍ରୋସିଜିଓରକୁ ଗୁରୁତ୍ୱ ନଦେଇ ବରିଷ୍ଠ ଅଧିକାରୀମାନେ ଜାଣିଶୁଣି ସେମାନଙ୍କୁ ମରଣ ମୁହଁକୁ ଠେଲି ଦେଇଛନ୍ତି । ଏଭଳି ଅଭିଯୋଗ ଆଣିଛନ୍ତିି ହାବିଲଦାର କନେଷ୍ଟବଳ ମହାସଂଘ ।
Kanak News is now on WhatsApp
Join and get latest news updates delivered to you via WhatsApp
ଅନ୍ୟପଟେ ମାଓ ଆକ୍ରମଣରେ ୮ଜଣ ପୁଲିସ କର୍ମଚାରୀଙ୍କ ମୃତ୍ୟୁ ହେବା ପରେ ତୀବ୍ର ପ୍ରତିକ୍ରିୟା ରଖିଛନ୍ତି ଡିଆଇଜି ଏସ୍. ସାଇନି । ମାଓବାଦୀଙ୍କ କାର୍ଯ୍ୟକୁ ନିନ୍ଦା କରିବା ସହ ଏହାର ମୁହଁତୋଡ୍ ଜବାବ ଦିଆଯିବ ବୋଲି ଚେତାଇ ଦେଇଛନ୍ତିି । ଏହା ସହ ପୁଲିସ କର୍ମଚାରୀଙ୍କୁ ନିର୍ମମ ଭାବେ ହତ୍ୟା କରାଯିବା ପରେ ମାନବାଧିକାର କର୍ମୀ କୁଆଡେ ଯାଇଛନ୍ତିି ବୋଲି ପ୍ରଶ୍ନ କରିଛନ୍ତି ସାଇନି ।