ବଡଦାଣ୍ଡର ଭିକ୍ଷୁକରୁ ଶିକ୍ଷକ ବନିଲେ ଶ୍ରୀଜିତ ପାଢୀ । ମାନସିକ ଭାରସାମ୍ୟ ହରାଇ ପୁରୀରେ କରୁଥିଲେ ଭିକ୍ଷାବୃତି ।
କନକ ବ୍ୟୁରୋ: ପୁରୀ ବଡ଼ଦାଣ୍ଡର ଭିକାରୀରୁ ଏବେ ଶିକ୍ଷକ । ମାନସିକ ବିକାରଗ୍ରସ୍ତ ହୋଇ ପୁରୀ ବଡଦାଣ୍ଡରେ ଭିକ ମାଗୁଥିଲେ । ତାଙ୍କ ବନ୍ଧୁଙ୍କ ଦ୍ୱାରା ଉଦ୍ଧାର ହୋଇ ଚିକିତ୍ସିତ ହେବା ପରେ ସେ ଏବେ ସଂପୂର୍ଣ୍ଣ ସୁସ୍ଥ ହୋଇ ଛୋଟ ପିଲାଙ୍କୁ ପାଠ ପଢାଉଛନ୍ତି । ଏ ହେଉଛି ଶ୍ରୀଜିତ ପାଢ଼ୀଙ୍କ କାହାଣୀ । ସେ ଉଚ୍ଚ ଶିକ୍ଷିତ । ହେଲେ ସେ ବଡ଼ଦାଣ୍ଡରେ ଭିକ ମାଗୁଥିବା ଅବସ୍ଥାରେ ତାଙ୍କୁ ଠାବ କରିଯାଇଥିଲା । ଏନେଇ ସେତେବେଳେ ଗଣମାଧ୍ୟମରେ ଖୁବ୍ ଚର୍ଚ୍ଚା ସୃଷ୍ଟି ହୋଇଥିଲା ।
Kanak News is now on WhatsApp
Join and get latest news updates delivered to you via WhatsApp
କନକ ନ୍ୟୁଜରେ ଏହି ଖବର ବାଜିବା ପରେ ଶ୍ରୀଜିତଙ୍କ ସ୍କୁଲ ବନ୍ଧୁମାନେ ବଡଦାଣ୍ଡରେ ପହଂଚି ତାଙ୍କୁ ଉଦ୍ଧାର କରିଥିଲେ । ଏହାପରେ ତାଙ୍କୁ ଏସସିବିର ମାନସିକ ବିଭାଗରେ ଚିକିତ୍ସା ପାଇଁ ଭର୍ତି କରାଯାଇଥିଲା । ଖୁସିର କଥା ହେଲା ଶ୍ରୀଜିତ ଏବେ ସମ୍ପୂର୍ଣ୍ଣ ସୁସ୍ଥ ହୋଇଛନ୍ତି, ଆଉ ପିଲାଙ୍କୁ ପାଠ ବି ପଢ଼ାଉଛନ୍ତି । ଶ୍ରୀଜିତ ପୁଣି ଥରେ ମୁଖ୍ୟ ସ୍ରୋତରେ ସାମିଲ ହୋଇ ଆଗକୁ ବଢ଼ିବେ ଏଥିପାଇଁ ତାଙ୍କ ବନ୍ଧୁମାନେ ପ୍ରୟାସ ଜାରି ରଖିଛନ୍ତି ।