ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସରକାର ଉଜ୍ଜ୍ୱଳା ଗ୍ୟାସ ଯୋଜନାକୁ ମହିଳାମାନଙ୍କ ପାଇଁ ସବୁଠାରୁ ବଡ ପରିବର୍ତ୍ତନ କାରୀ ଯୋଜନା ବୋଲି ସମ୍ବନ୍ଧିତ କରାଯାଇଛି । ଖୋଦ ପ୍ରଧାନମନ୍ତ୍ରୀ ମୋଦି ଏହି ଯୋଜନାର ଭୁରି ଭୁରି ପ୍ରଶଂସା ଅନେକ ମଂଚ ତଥା କାର୍ଯ୍ୟକ୍ରମରେ କରିସାରିଛନ୍ତି । କିନ୍ତୁ ଚକିତ କଲା ଭଳି କଥା ସେତେବେଳେ ସାମ୍ନାକୁ ଆସିଥିଲା ଯେତେବେଳେ ମୋଦିଙ୍କ ଏହି ଯୋଜନାର ସତ୍ୟତା ସାମ୍ନାକୁ ଆସିଥିଲା ।
Kanak News is now on WhatsApp
Join and get latest news updates delivered to you via WhatsApp
ପ୍ରଥମ କଥା ହେଲା, ମୋଦିଙ୍କ ଏହି ଯୋଜନା ଆଧାରରେ ଗରିବ ମହିଳମାନଙ୍କୁ ପ୍ରଦାନ କରାଯାଉଥିବା ଗ୍ୟାସ କନେକ୍ସନ ସିଲିଣ୍ଡର ଏବଂ ଚୂଲା ନା ତ ମାଗଣା ନା ହିଁ ସିଲିଣ୍ଡରରେ କୌଣସି ସବସିଡି ମିଳୁଛି । କୌଣସି ବି ଲାଭାର୍ଥୀଙ୍କୁ ଗ୍ୟାସ କନେକ୍ସନ ନେବା ହିଁ ୧୭୫୦ ଟଙ୍କା ପରିଶୋଧ କରିବାକୁ ପଡିଥାଏ । ଏଥିମଧ୍ୟରୁ ୯୯୦ ଟଙ୍କା ଗ୍ୟାସ ଚୂଲା ପାଇଁ ନିଆଯାଇଥାଏ । ଯେବେକି ୭୬୦ ଟଙ୍କା ପ୍ରଥମ ସିଲିଣ୍ଡର ବାବଦକୁ ମିଳିଥାଏ । ତେବେ ସରକାରଙ୍କ ତରଫରୁ ଦାବି କରାଯାଉଥିବା ପ୍ରତି ଗ୍ୟାସ କନେକ୍ସନ ତଥା ଉପଭୋକ୍ତାଙ୍କୁ ୧୬୦୦ଟଙ୍କାର ଆର୍ଥିକ ସହାୟତା ପ୍ରଦାନ କରାଯାଉଛି, ଯାହାକି ସଂପୂର୍ଣ୍ଣ ଭାବରେ ମିଥ୍ୟା ଅଟେ ।
ସୂଚନା ମୁତାବକ, ସରକାରଙ୍କ ଏହି ଯୋଜନା ଆଧାରରେ ନିଆଯାଉଥିବା କନେକ୍ସନରେ ପ୍ରଥମେ ୬ଟି ସିଲିଣ୍ଡରର ରିଫିଲିଂ ଉପରେ ମିଳୁଥିବା ସବସିଡି ନିଜେ ହିଁ ରଖି ଦିଅନ୍ତି. ଯାହାଦ୍ୱାରା ଆର୍ଥିକ ସହାୟତା ବାବଦକୁ ଦିଆଯାଉଥିବା ୧୬୦୦ ଟଙ୍କା ପରିଶୋଧ ହୋଇପାରିବ । ସରକାର କେବଳ ୧୫୦ ଟଙ୍କାର ରେଗ୍ୟୁଲେଟର ଫ୍ରି ଦେଇଥାନ୍ତି । ଏହା ବଦଳରେ ପିତଳ ବର୍ଣ୍ଣର ବାଲା ଚୁଲାର ବଦଳରେ ଲୁହାର ବର୍ଣ୍ଣର ଲଗାଯାଇଥିବା ଚୁଲା ଉପଭୋକ୍ତାଙ୍କୁ ପ୍ରଦାନ କରାଯାଇଥାଏ । ଖାଲି ଏତିକି ନୁହେଁ ଗ୍ୟାସ ପାଇଁ ଦିଆଯାଉଥିବା ପାଇପ ମଧ୍ୟ ଛୋଟ ଦିଆଯାଇଥାଏ । ଏଠାରେ ଆମେ କହି ରଖୁଛୁ କି, ଉଜ୍ଜ୍ୱଳା ଯୋଜନାର ଉପଭୋକ୍ତାଙ୍କୁ ପ୍ରଥମେ ୬ଟି ସିଲିଣ୍ଡର ବଜାର ମୂଲ୍ୟରେ କିଣିବାକୁ ପଡିଥାଏ । ଯାହାକି ୭୫୦ରୁ ୯୦୦ ଟଙ୍କା ମଧ୍ୟରେ ପଡିଥାଏ । ଗୋଟିଏ ସିଲିଣ୍ଡର ଉପରେ ସବସିଡି ୨୪୦ରୁ ୨୯୦ ଟଙ୍କା ମିଳିଥାଏ । ଏହି ଆକଳନରୁ ସରକାର ପ୍ରଥମ ୬ଟି ସିଲିଣ୍ଡରର ରିଫିଲିଂ ସମୟରେ ପାଖାପାଖି ୧୭୪୦ ଟଙ୍କା ପ୍ରତି ଗ୍ରାହକଙ୍କ ପିଛା ଆଦାୟ କରିଥାନ୍ତି ।
ତେବେ ପ୍ରଧାନମନ୍ତ୍ରୀ ଉଜ୍ଜ୍ୱଳା ଯୋଜନା ଡଟ୍ କମ୍ ନାମକ ସରକାରୀ େଓବସାଇଟ ମୁତାବକ ଏହି ଯୋଜନା ଆଧାରରେ କେବଳ ମହିଳାମାନେ ହିଁ ଆବେଦକ ହୋଇପାରିବେ । ଯେଉଁମାନଙ୍କର ନାଁ ବିପିଏଲ ଲିଷ୍ଟରେ ରହିଥିବ । ଏହାବ୍ୟତୀତ, ଆବେଦକଙ୍କ ନାମ ଉଭୟ ସାମାଜିକ-ଆର୍ଥିକ ଜନଗଣନା-୨୦୧୧ ତାଲିକାରେ ମଧ୍ୟ ଥିବା ଦରକାର । ଏକ ଆକଳନ ମୁତାବକ, ୨୪ କୋଟି ଘରେ ପାଖାପାଖି ୧୦ କୋଟି ପରିବାରଙ୍କ ଚୁଲା କାଠ, କୋଇଲାରେ ଜଳୁଛି , ଯାହାକି ସରକାରଙ୍କ ଏହି ଜନହୀତକର ଯୋଜନା ଠାରୁ ବହୁ ଦୂରରେ ରହିଛି ।