ପରିତ୍ୟକ୍ତା ପତ୍ନୀଙ୍କୁ ମାସିକ ୪ ଲକ୍ଷ ଟଙ୍କା ସହ ବାର୍ଷିକ ରୋଜଗାରର ୧୫ ପ୍ରତିଶତ ଅର୍ଥ ଦେବେ ସ୍ୱାମୀ
ଶୁଣିବାକୁ ଆଶ୍ଚର୍ଯ୍ୟ ଲାଗୁଥିଲେ ବି କଥାଟା ସତ । ଜଣେ କୋଟିପତି ସ୍ୱାମୀଙ୍କୁ ତାଙ୍କ ପରିତ୍ୟକ୍ତା ସ୍ତ୍ରୀର ଭରଣପୋଷଣ ପାଇଁ ମାସିକ ୪ ଲକ୍ଷ ଟଙ୍କା ସହ ବାର୍ଷିକ ରୋଜଗାରର ୧୫ ପ୍ରତିଶତ ପତ୍ନୀଙ୍କ ନାମରେ ଜମା କରିବାକୁ ଦିଲ୍ଲୀ ହାଇକୋର୍ଟ ନିର୍ଦ୍ଦେଶ ଦେଇଛନ୍ତି । ଉଲ୍ଳେଖଯୋଗ୍ୟ, ବ୍ୟକ୍ତି ଜଣକ ବ୍ୟବସାୟ କ୍ଷେତ୍ରରେ ଜଣେ ‘ସୁପରରିଚ୍’ ବ୍ୟକ୍ତିତ୍ୱ ଭାବେ ପରିଚିତ । ତାଙ୍କ ସଂପୂର୍ଣ୍ଣ ବ୍ୟବସାୟ ଫାର୍ମା ଦାମ ୧,୦୦୦ କୋଟି ବୋଲି ଆକଳନ କରାଯାଇଛି । ବ୍ୟକ୍ତିଙ୍କ ପତ୍ନୀଙ୍କ ସହ ତାଙ୍କର ଏକ ମାତ୍ର କନ୍ୟା ମଧ୍ୟ ରହୁଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ, ବ୍ୟବସାୟୀଙ୍କ ପତ୍ନୀ ଅଭିଯୋଗ ଆଣିଥିଲେ ଯେ ୨୦୦୮ ମସିହାରେ ତାଙ୍କୁ ତାଙ୍କ ଶ୍ୱଶୂରଘର ଲୋକେ ତଡ଼ି ଦେଇଥିଲେ । ସେ ତାଙ୍କର ଭରଣପୋଷଣ ପାଇଁ କୋର୍ଟରେ ଏକ ଆବେଦନ କରିଥିଲେ । ତାଙ୍କର ସେହି ଆବେଦନର ଶୁଣାଣି ହେବା ପୂର୍ବରୁ ୨୦୧୧ ମସିହାରେ ମହିଳାଙ୍କ ସ୍ୱାମୀ ବିବାହ ବିଚ୍ଛେଦ ନେଇ ଏକ ଆବେଦନ କରିଥିଲେ । ସେହି ବର୍ଷ ଅଗଷ୍ଟ ୪ ତାରିଖରେ ମହିଳା ଟ୍ରାଏଲ୍ କୋର୍ଟରେ ପୁଣି ଥରେ ଆବେଦନ କରିଥିଲେ । ୨୦୧୩ ମସିହାରେ ମାଜିଷ୍ଟ୍ରେଟ୍ କୋର୍ଟ ମହିଳାଙ୍କ ଭରଣପୋଷଣ ପାଇଁ ତାଙ୍କ ସ୍ୱାମୀଙ୍କୁ ୧.୨୫ ଲକ୍ଷ ଦେବାକୁ ନିର୍ଦ୍ଦେଶ ଦେଇଥିଲେ । ୨୦୧୪ ମସିହାରେ ଏହି ମାମଲା ସୁପ୍ରିମକୋର୍ଟକୁ ଯାଇଥିଲା ମାତ୍ର ସୁପ୍ରିମକୋର୍ଟ ଏହାକୁ ପୁଣି ଥରେ ଟ୍ରାଏଲକୋର୍ଟକୁ ପଠାଇ ଦେଇଥିଲେ ।
ମହିଳା ଜଣକ ତାଙ୍କ ସ୍ୱାମୀଙ୍କ ଠାରୁ ମାସିକ ୭ ଲକ୍ଷ ଦାବି କରିଥିବା ବେଳେ ଉକ୍ତ ବ୍ୟକ୍ତ ଜଣକ ଜଣାଇଛନ୍ତି ଯେ, ସେ ବିଭିନ୍ନ ସ୍ଥାନରେ କାର୍ଯ୍ୟ କରନ୍ତି । ମାତ୍ର ତାଙ୍କର ମାସିକ ଦରମା ମାତ୍ର ୯୦,୦୦୦ । ଉଲ୍ଲେଖଯୋଗ୍ୟ, ୨୦୧୦ ମସିହାରେ ବ୍ୟବସାୟୀ ଜଣକ ‘ସୁପର୍ ରିଚ୍ ବିଜ୍ନେସମ୍ୟାନ୍’ ବୋଲି ଏକ ପତ୍ରିକାରେ ପ୍ରକାଶ ପାଇଥିବା ବେଳେ ତାଙ୍କ ବ୍ୟକ୍ତିଗତ ଘର କୌଣସି ପଞ୍ଚତାରିକା ଘରଠାରୁ କମ୍ ନୁହେଁ ବୋଲି ସୂଚନା ରହିଛି ।