ପ୍ରେମ କରି ଖାଇଲେ ଧୋକ୍କା, ତେଣୁ ସାଜିଗଲେ ‘ବେବଫା ଚା’ ବାଲା’ ! ପ୍ରେମୀ ଯୁଗଳ ଏବଂ ହତାସ୍ ପ୍ରେମୀଙ୍କ ପାଇଁ ଏହି ଦୋକାନରେ ଚା’ର ଦାମ ଅଲଗା ଅଲଗା
ଆପଣ ବେବଫା ସନମ, ବେବଫା ମୋହବତ ଏବଂ ବେବଫା ପ୍ରେମିକଙ୍କ ବିଷୟରେ ତ ନିଶ୍ଚୟ ଶୁଣିଥିବେ କିନ୍ତୁ ଆଜି ଆମେ ଆପଣଙ୍କୁ ଜଣାଇବୁ ‘ବେବଫା ଚାହା ବାଲା’ ସଂପର୍କରେ । ଲକ୍ଷ୍ନୋରେ ଏଭଳି ଜଣେ ଚାହା ଦୋକାନୀ ଅଛନ୍ତି , ଯିଏ କି ଯୁବପୀଢିଙ୍କ ପାଇଁ ଖାସ୍ ପସନ୍ଦ ପାଲଟିଯାଇଛନ୍ତି । ଯାହାଙ୍କର ନାଁ ବି ରହିଛି ଏକଦମ୍ ନିଆରା । ତେବେ ଏହି ଦୋକନୀ ବେବଫା ଚା’ ବାଲା ନାଁରେ ବେଶ୍ ପରିଚିତ । ଖାସ୍ କଥା ହେଲା କି ଏଠାରେ ପ୍ରେମୀ ଯୁଗଳ ଏବଂ ପ୍ରେମରେ ପ୍ରତାରିତ ହୋଇଥିବା ଲୋକଙ୍କ ପାଇଁ ଚା’ର ମୂଲ୍ୟ ଅଲଗା ଅଲଗା ରହିଛି ।
Kanak News is now on WhatsApp
Join and get latest news updates delivered to you via WhatsApp
ଲକ୍ଷ୍ନୋର ଫନ ମଲ ସାମ୍ନାରେ ଏହି ଦୋକାନରେ ବକୱାସ୍ ମ୍ୟାଗି, ବେଇମାନ ମାଇକ୍ରୋନି ଏବଂ ବଦନାମ କଫି ଭଳି ଅଜବଗଜବ ନାଁରେ ସବୁକିଛି ମିଳିଥାଏ, ଯାହା ଦୋକାନୀର ମାଲିକ ତଥା ଆଦିତ୍ୟ ସିଂହଙ୍କ ପ୍ରେମିକାଙ୍କୁ ବହୁତ ପସନ୍ଦ ଥିଲା । ଆଦିତ୍ୟ କହୁନ୍ତି କି, ଯେତେବେଳେ ତାଙ୍କର ହୃଦୟ ଭାଙ୍ଗିଥିବା ସେତେବେଳେ ସେ ଚା’ ଦୋକାନ ଖୋଲିବାକୁ ନିଷ୍ପତି ନେଇଥିଲେ । ଏବଂ ଦୋକାନର ନାଁ ରଖିଦେଇଥିଲେ ‘ବେବଫା ଚାହା ବାଲା’ ।
ଏଠାରେ ପ୍ରେମୀ ଯୁଗଳଙ୍କ ପାଇଁ ଚା’ ଦାମ ୧୫ ଟଙ୍କା ରହିଥିବା ବେଳେ ପ୍ରେମରେ ପ୍ରତାରିତ ହୋଇଥିବା ବ୍ୟକ୍ତିଙ୍କ ପାଇଁ ୧୦ ଟଙ୍କା ରଖାଯାଇଛି । ସେହିପରି ଯାହାବି ଏଠାରେ ମିଳିଥାଏ ତାର ନାଁ ବି ଆଦିତ୍ୟଙ୍କ ଭଙ୍ଗା ହୃଦୟ ଭଳି ଦିଆଯାଇଛି । ତେଣୁ ନିଜର ଏଭଳି ନିଆରା ନାଁ କାରଣରୁ ଏହି ଦୋକାନ ବେଶ୍ ଲୋକପ୍ରିୟତା ଅର୍ଜନ କରିଛି । ଏହି ଦୋକାନକୁ ଆସୁଥିବା ଗ୍ରାହକମାନେ ସବୁବେଳେ ଆଦିତ୍ୟଙ୍କର ହାଲଚାଲ ପଚାରି ବୁଝିଥାନ୍ତି । ଏଠାରେ ବିଭିନ୍ନ ପ୍ରକାରର ଚା’ ଉପଲବ୍ଧ ।