ଗୋଟିଏ ପ୍ରଶ୍ନ, ଦୁଇଟି ଉତ୍ତର । ପ୍ରତି ହଜାରରେ ଜଣେ ବ୍ୟକ୍ତି ଦୁଇଟି ଉତ୍ତର ଜାଣିଛନ୍ତି । ଆଉ ଆପଣ?
ଗତ କିଛି ଦିନ ଧରି ଦ୍ୱନ୍ଦ୍ୱରେ ରହିଛି ଇଂଟରେନେଟ । କାରଣ ଗୋଟିଏ ପ୍ରଶ୍ନ ଅର୍ଥାତ୍ ଲଜିକ୍ ପଜଲ୍ର ରହିଛି ଦୁଇଟି ଉତ୍ତର । ଯାହାକୁ ନେଇ ଚାଲିଛି ଅନଲାଇନ ବିତର୍କ । ବିଶେଷଜ୍ଞଙ୍କ ଅନୁସାରେ, ପ୍ରଶ୍ନଟି ସଠିକ୍ ଅଟେ ଏବଂ ତାର ଦୁଇଟି ଉତ୍ତର ରହିବା ମଧ୍ୟ ଠିକ୍ । ଡେଲି ମେଲ୍ ଅନୁସାରେ, ପ୍ରତି ୧ ହଜାରରେ ମାତ୍ର ଜଣେ ବ୍ୟକ୍ତି ଏମିତି ବାହାରିବେ, ଯିଏ ଏହାର ଦ୍ୱିତୀୟ ଉତ୍ତରଟିକୁ ଖୋଜି ବାହାର କରିପାରିବେ ।
Kanak News is now on WhatsApp
Join and get latest news updates delivered to you via WhatsApp
ପ୍ରଶ୍ନଟି ହେଉଛି
୧ + ୪ = ୫
୨ + ୫ = ୧୨
୩ + ୬ = ୨୧
୮ + ୧୧= ???
ପ୍ରଶ୍ନର ଦୁଇଟି ଉତ୍ତର ଯାହାକୁ ନେଇ ଇଂଟରେନେଟରେ ବିତର୍କ ଚାଲିଛି
ଏହି ଲଜିକ୍ ପଜଲ୍ର ଉତ୍ତର ଦୁଇଟି ହେଲା ୪୦ ଓ ୯୬
ଆପଣ ପଚାରିବେ, କେମିତି ହେଲା? ନଜର ପକାନ୍ତୁ
ପ୍ରଥମ ଉତ୍ତର
ପ୍ରଥମ ଉତ୍ତର ପାଇଁ ୧ ରେ ୪ ମିଶିଲେ ୫
ଏହାପରେ ପ୍ରଥମ ଉତ୍ତର ସହ ୨ ଓ ୫ ମିଶାଇଲେ ଆପଣ ପହଂଚିବେ ୧୨ରେ
ସେହିଭଳି ୩ ଓ ୬, ୧୨ରେ ମିଶାଇଲେ ହେବ ୨୧
ଶେଷରେ ୮ + ୧୧ + ୨୧ ହେବ ୪୦
ତେଣୁ ସରଳତାର ସହ ହିସାବ କରିଗଲେ ଏହାର ପ୍ରଥମ ଉତ୍ତର ହେବ ୪୦
ତେବେ ଦ୍ୱିତୀୟ ଉତ୍ତର ଟିକିଏ ଜଟିଳ
ଦ୍ୱିତୀୟ ଉତ୍ତର
ପ୍ରଥମ ସମୀକରଣ ଅନୁସାରେ କିଛି ଏଭଳି ଫର୍ମୁଲା ପକାଇଲେ ଉତ୍ତର ହେବ ୫
୧ + (୧ ଗୁଣନ ୪) = ୫
ଏହି ଫର୍ମୁଲାକୁ ଧରି ଆଗକୁ ବଢିଲେ କିଛି ଏଭଳି ଢଙ୍ଗରେ ସମାଧାନ ହେବ ଏହି ଲଜିକ୍ ପଜଲ୍ ।
୨ + (୨ ଗୁଣନ ୫) = ୧୨
୩ + (୩ ଗୁଣନ ୬) = ୨୧
୮ + (୮ ଗୁଣନ ୧୧) = ୯୬
ଅର୍ଥାତ୍ ଦ୍ୱିତୀୟ ଉତ୍ତରଟି ହେବ ୯୬
ଏହି ପଜଲ୍କୁ ନେଇ ଏବେ ଇଂଟରନେଟ ଉଠୁଛି ପଡୁଛି । ତେବେ ବିଶେଷଜ୍ଞଙ୍କ ଅନୁସାରେ, ଏହା ଏକ ମ୍ୟାଥ୍ ପଜଲ୍ ନୁହେଁ ବରଂ ଲଜିକ୍ ପଜଲ୍ ତେଣୁ ଉଭୟ ଉତ୍ତରକୁ ଠିକ୍ ଧରିବାରେ କିଛି ଅସୁବିଧା ନାହିଁ ।