ଗତ ଦୁଇ ବର୍ଷ ହେଲା ଟେଲିକମ ଜଗତରେ ଏକ ପ୍ରକାରର ତାରିଫ୍ ୱାର ଲାଗି ରହିଥିଲା , ଯାହା ଏବେ ଶେଷ ହେବା ପରିସ୍ଥିତିରେ ପହଂଚିଛି । ଏହି ତାରିଫ ୱାର ଅବସରରେ ସମସ୍ତ ଟେଲିକମ କଂପାନୀଗୁଡିକ ଗୋଟିଏ ପରେ ଗୋଟିଏ ଅଫର୍ସଲଲଂଚ କରିଛନ୍ତି, ହେଲେ ଗତ କିଛି ମାସ ହେଲା ଏଥିପାଇଁ କଂପାନୀମାନଙ୍କୁ ବହୁତ କ୍ଷତି ସହିବାକୁ ପଡିଛି । ଯେଉଁଥିପାଇଁ କିଛି ଦିନ ହେଲା କୌଣସି କଂପାନୀ ସେଭଳି କୌଣସି ଶସ୍ତା ପ୍ଲାନ କିମ୍ବା ଅଫରମାନ ଲଂଚ କରିବା ବନ୍ଦ କରିଦେଇଛନ୍ତି । ଯାହାକି ସଂକେତ ଦେଉଛି କି, ଏଥିପାଇଁ ଡାଟା ପ୍ଲାନ ଏବଂ ତାରିଫ୍ ପ୍ଲାନର ଦାମ ବୃଦ୍ଧି ପାଇପାରେ ।
Kanak News is now on WhatsApp
Join and get latest news updates delivered to you via WhatsApp
ଇକୋନମିକ୍ସ ଟାଇମ୍ସରେ ପ୍ରକାଶିତ ଖବର ଅନୁସାରେ, ଏକ୍ସପର୍ଟସ ଏବଂ ଇଂଣ୍ଡଷ୍ଟ୍ରି ଏଗ୍ଜକ୍ୟୁଟିଭିଙ୍କ କହିବା କଥା ହେଲା କି, ଆଗାମୀ ଦୁଇ ମାସ ଭିତରେ ତାରିଫ ପ୍ଲାନର ଦାମ ବୃଦ୍ଧି ପାଇବ । ଏବଂ ଏଥିସହିତ ହିଁ ଗତ ଦୁଇ ବର୍ଷରୁ ଚାଲି ଆସୁଥିବା ତାରିଫ ୱାର ଶେଷ ହୋଇଯିବ । ଏକ୍ସପର୍ଟସଙ୍କ କହିବା କଥା ହେଲା, ଦାମ ବଢାଇବା ମାମଲାରେ ରିଲାଏନ୍ସ ଜିଓର ବଡ ଭୂମିକ ରହିବ । କାହିଁକି ନା ଜିଓ କାରଣରୁ ହିଁ ଏଭଳି ପରିସ୍ଥିତି ବର୍ତ୍ତମାନ ଉପୁଜିଛି । ରିଲାଏନ୍ସ ଜିଓ ସେପ୍ଟେମ୍ବର ୨୦୧୬ରୁ ହିଁ ଟେଲିକମ ବଜାରରେ ପାଦ ଥାପିବା ସହିତ ହିଁ ଜିଓ ଶସ୍ତା ଏବଂ ମାଗଣା ପ୍ଲାନ କାରଣରୁ ସବୁବେଳେ ହଇଚଇ ସୃଷ୍ଟି କରିଛି । ଜିଓର ତାରିଫ ପ୍ଲାନର ଦାମ କମ ହେବା କାରଣରୁ ଅନ୍ୟ କଂପାନୀମାନଙ୍କୁ ବି ନିଜ ଗ୍ରାହକକୁ ବାନ୍ଧି ରଖିବା ପାଇଁ ଜିଓ ଭଳି ବିଭିନ୍ନ ଶସ୍ତା ଏବଂ ଆକର୍ଷଣୀୟ ତାରିଫ୍ ପ୍ଲାନ ଲଂଚ କରିବାକୁ ପଡିଥିଲା । ଏପରିକି ଜିଓ ପାଇଁ ତ ଅନେକ କଂପାନୀ ବିଲୟ ହୋଇସାରିଛି ।
ମିଳିଥିବା ସୂଚନା ମୁତାବକ, ବର୍ତ୍ତମାନ ବଜାରରେ ଜିଓ ବ୍ୟତୀତ ଏୟାରଟେଲ ଏବଂ ଭୋଡାଫୋନ ହିଁ ଦୁଇଟି ବଡ କଂପାନୀ ବଂଚିଛି । ଏଭଳି ପରିସ୍ଥିତିରେ ତାରିଫ ପ୍ଲାନର ଦାମ ବଢାଇବା ମାହୋଲ ସୃଷ୍ଟି ହେଉଛି । ଯଦିଓ ଏଯାବତ୍ ଜିଓ, ଭୋଡାଫୋନ ଆଇଡିଆ କିମ୍ବା ଜିଓ ଏପ୍ରସଙ୍ଗରେ କୌଣସି ବୟାନ ମିଳିପାରିିନାହିଁ ତଥାପି ଯଦି ପରିସ୍ଥିତିକୁ ନଜରରେ ରଖାଯାଏ ତେବେ ଟେଲିକମ କଂପାନୀଗୁଡିକ ନିଜ ମାସିକ ପ୍ଲାନର ଦାମକୁ ବଢାଇ ଦେଇପାରନ୍ତି ।