‘ହ୍ୱାର୍ଟସଆପ’ ଆଣି ପାରେ ଆପଣଙ୍କ ପାଇଁ ବିପଦ ! ଜାଣନ୍ତୁ ଏହାର କାରଣ
ଲୋକପ୍ରିୟ ସୋସିଆଲ ମିଡିଆ ମେସେଜିଂ ଆପ୍ ହ୍ୱାର୍ଟସଆପରେ କିଛି ଦିନ ହେଲା ଏକ ଫେକ୍ ୟୁ.ଆର.ଏଲ୍ ଲିଙ୍କ ଭାଇରାଲ ହେବାକୁ ଲାଗିଛି । ଯେଉଁଥିରେ ହ୍ୱାର୍ଟସଆପକୁ ମଲ୍ଟି କଲରରେ ଡାଉନଲୋଡ କରିବାକୁ ଦର୍ଶାଯାଇଛି । ତେବେ ଭାଇରାଲ ହୋଇଥିବା ଏହି ଲିଙ୍କଟି ଏକ ମିଛ ତଥା ଫେକ୍ ଲିଙ୍କ୍ ଅଟେ ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ମୋବାଇଲକୁ ଆସୁଥିବା ଏହି ଲିଙ୍କଟି ଉପରେ କ୍ଲିକ୍ କରିବାଦ୍ୱାରା ଏହା ସ୍ମାର୍ଟଫୋନର ବ୍ରାଉଜରରେ ଏକ ୱେବସାଇଟ୍ ଓପଲ ହୋଇଥାଏ । ତେବେ ଏଠାରେ ଆମେ କହି ରଖୁଛୁ କି ଏହି ୱେବସାଇଟଟି ହ୍ୱାର୍ଟସଆପର ଅଫିସିଆଲ ୱେବସାଇଟ୍ ନୁହେଁ । କାରଣ ଏହି ୱେବସାଇଟଟି ଖୋଲିବା କ୍ଷଣି ଉକ୍ତ ଲିଙ୍କଟି ଆପଣା ଛାଏଁ ବ୍ୟବହାରକାରୀଙ୍କ ମୋବାଇଲର କଂଟାକ୍ଟ ଲିଷ୍ଟରେ ଥିବା ସମସ୍ତ ନମ୍ବରକୁ ଆପେ ଆପେ ସେୟାର ହୋଇଯାଇଥାଏ ।
ତେବେ ଏହି ଲିଙ୍କଟି ମୋବାଇଲରେ ଥିବା କଂଟାକ୍ଟ ଲିଷ୍ଟରେ ସେୟାର ହୋଇଯିବା ପରେ ପରେ ଏକ ମେସେଜ ମଧ୍ୟ ଯାଇଥାଏ । ଯେଉଁଥିରେ ଲେଖାଥାଏ କି, ‘ଆଇ ଲଭ୍ ଦ ନ୍ୟୁ କଲର ଅଫ୍ ଦ ହ୍ୱାର୍ଟସଆପ୍’ । ଏଥିସହ ୱେବସାଇଟର ଫେକ୍ ଲିଙ୍କଟି ମଧ୍ୟ ସଂଯୋଗ ହୋଇ ଯାଇଥାଏ । ତେବେ ଏହି ୱେବସାଇଟ୍ ଉପରେ କ୍ଲିକ୍ କରିବା ଦ୍ୱାରା କିଛି ବ୍ୟବହାରକାରୀଙ୍କ ସ୍ମାର୍ଟଫୋନରେ ଏଣ୍ଡ୍ରୟଏଡ୍ ଆପ ଡାଉନଲୋଡ ହୋଇଯାଉଥିବା ଭଳି ଅଭିଯୋଗ ମିଳିଛି ।
ଏହି ଏଣ୍ଡ୍ରୟଏଡ୍ ଆପ ଡାଉନଲୋଡ ହେବା ପରେ ସୂଚନା ମିଳିଥାଏ କି, ହ୍ୱାର୍ଟସଆପର କଲର କେବଳ ହ୍ୱାର୍ଟସଆପ୍ ୱେବସାଇଟରେ ଉପଲବ୍ଧ ଅଟେ । ଏଥିପାଇଁ ଆପଣଙ୍କୁ ‘ବ୍ୟାକହ୍ୱାର୍ଟସ’ ନାମକ ଏକ ଆପକୁ ଡାଉନଲୋଡ କରିବାକୁ ପଡିବ । ତେବେ ଏହି ଫେକ୍ ଆପଟି ଭାଇରାଲ ହେବା ପରେ ଗୁଗଲ ଏହାକୁ ପ୍ଲେଷ୍ଟୋରରୁ ବ୍ୟାନ କରିଦେଇଛି ।