ଓୟୁଏଟି ଛାତ୍ରୀଙ୍କ ମୃତ୍ୟୁ ଘଟଣାରେ ସାଂଘାତିକ ମୋଡ! ଧକ୍କା କରିଥିବା ଗାଡି ଚଢୁଛନ୍ତି ପୂର୍ବତନ ବାଚସ୍ପତି କିଶୋର ମହାନ୍ତି
କନକ ବ୍ୟୁରୋ : ଓୟୁଏଟି ଛାତ୍ରୀଙ୍କ ମୃତ୍ୟୁ ଘଟଣାରେ ଆସିଛି ସାଂଘାତିକ ମୋଡ । ଦୁର୍ଘଟଣା କରିଥିବା ସିଦ୍ଧାର୍ଥ କନଷ୍ଟ୍ରକ୍ସନର ଏହି ଗାଡି ଚଢୁଛନ୍ତି ପୂର୍ବତନ ବାଚସ୍ପତି ତଥା ବିଜେଡି ନେତା କିଶୋର ମହାନ୍ତି । ଏହା ସହ କିଶୋର ମହାନ୍ତିଙ୍କ ପରିବାର ଏହି ଗାଡିକୁ ଦୀର୍ଘ ୮ ବର୍ଷ ହେବ ବ୍ୟବହାର କରୁଥିବା ସୂଚନା ମିଳିଛି । ତେବେ ଦୁର୍ଘଟଣା ପରେ ଡ୍ରାଇଭର୍ ଫେରାର୍ ଅଛି ।
Kanak News is now on WhatsApp
Join and get latest news updates delivered to you via WhatsApp
ରବିବାର ରାତି ପ୍ରାୟ ସାଢେ ୧୦ ଟା ବେଳେ ଏକ ସଫାରୀ ଗାଡି ଓୟୁଏଟି ଛାତ୍ରୀ ସୁଚିସ୍ମିତ ବିଶ୍ୱାଳଙ୍କ ଉପରକୁ ମାଡିଯାଇଥିଲା । ଏହି ଘଟଣାରେ ସୁଚିସ୍ମିତାଙ୍କ ମୃତ୍ୟୁ ଘଟିଥିବା ବେଳେ ଅନ୍ୟ ଜଣେ ଛାତ୍ରୀ ପ୍ରଜ୍ଞା ତିୱାରୀ ଜୀବନ ସହ ସଂଘର୍ଷ କରୁଛନ୍ତି । ପାରିପାର୍ଶ୍ୱିକ ସୂଚନ ଅନୁସାରେ ସଫାରୀରେ ବସିଥିବା ଯୁବକମାନେ ମଦ ପିଇଥିଲେ ଏବଂ ମଦ ନିଶାରେ ସେମାନେ ଏହି ଦୁର୍ଘଟଣା ଘଟାଇଥିବା କୁହାଯାଉଛି । ଘଟଣାକୁ ନେଇ ଓୟୁଏଟି ପରିସରରେ ଛାତ୍ରଛାତ୍ରୀମାନେ ପ୍ରତିବାଦ କରିବା ସହ ମୃତ ଛାତ୍ରୀ ସୁଚିସ୍ମିତା ବିଶ୍ୱାଳଙ୍କ ବାପା ହତ୍ୟା ଅଭିଯୋଗ ଆଣିଛନ୍ତି ।
ସେପଟେ କମିଶନରେଟ ପୁଲିସ ବିଧାୟକ ଦେବାଶିଷ ସାମନ୍ତରାୟଙ୍କ ଘରେ ପଂହଚି ଛାନଭିନ କରିଛି । ଗାଡି କିଏ ଚଳାଉଥିଲା ସେନେଇ ଅନୁସନ୍ଧାନ କରୁଛି ପୁଲିସ । ତେବେ ଏହି ଘଟଣାରେ ଏଯାଏଁ କାହାରିକୁ ଗିରଫ କରାଯାଇନାହିଁ ।