କନକ ବ୍ୟୁରୋ : ଖଣ୍ଡପଡା ଜୋନ-୬ ଓ ୭ ନିର୍ବାଚନ ମଣ୍ଡଳୀରେ ଆମ ଓଡିଶା ପାର୍ଟି ସମର୍ଥୀତ ଜିଲ୍ଲା ପରିଷଦ ସଭ୍ୟ ପ୍ରାର୍ଥୀଙ୍କୁ ଭୋଟ ଦେଇ ଜିତାଇବାକୁ ଅନୁରୋଧ କରିଛନ୍ତି ଦଳର ସଭାପତି ସୌମ୍ୟରଂଜନ ପଟ୍ଟନାୟକ । ଏଥିପାଇଁ ଦଳ ପକ୍ଷରୁ ଏକ ଘୋଷଣାପତ୍ର ପ୍ରକାଶ କରାଯାଇଛି । ଓଡିଶାର ସାର୍ବାଙ୍ଗୀନ ବିକାଶ, ନାରୀର ସୁରକ୍ଷା, ଓଡିଆ ଭାଷାର ସୁରକ୍ଷା, ବେକାରୀ ସମସ୍ୟା ଦୂରୀକରଣ ଏବଂ ନିଶାମୁକ୍ତ ଓଡିଶା ଗଠନ କରିବା ଦଳର ପ୍ରଧାନ ଲକ୍ଷ୍ୟ ବୋଲି କୁହାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ସେପଟେ ଖଣ୍ଡପଡା ଅଂଚଳର ବିକାଶ ପାଇଁ ମଧ୍ୟ ୧୩ ଦଫା ଘୋଷଣା ପତ୍ର ଜାରି କରିଛି ଆମ ଓଡିଶା ପାର୍ଟି । ପ୍ରତିଯୋଗ୍ୟ ପରିବାରକୁ ଘର ଓ ଶୌଚାଳୟ ଯୋଗାଇବା । ପ୍ରତିଘରକୁ ପାନୀୟ ଜଳଯୋଗାଣ ବ୍ୟବସ୍ଥା, ଡାକ୍ତରଖାନାରେ ସ୍ୱାସ୍ଥ୍ୟସେବାର ଉନ୍ନତି ସହ ଗରିବଙ୍କୁ ମାଗଣା ସ୍ୱାସ୍ଥ୍ୟସେବା ଯୋଗାଇବା, ପ୍ରତି ଗାଁରେ ସୁବ୍ୟବସ୍ଥିତ ପାଠାଗାର ପ୍ରତିଷ୍ଠା ପାଇଁ ଦଳ ପ୍ରତିଶ୍ରୁତି ଦେଇଛି ।
ଏହାସହ ଦଳ ଗାଁରେ ଶିଶୁ ଉଦ୍ୟାନ, ବହୁମୁଖୀ ସ୍ପୋର୍ଟସ କମ୍ପେ୍ଲକ୍ସ ଓ ପାର୍କ ପ୍ରତିଷ୍ଠା, ପତିତ ଜମି ଉଦ୍ଧାର ସହ ପ୍ରତି ପଂଚାୟତରେ ସାମାଜିକ ଓ ଆର୍ଥିକ ବନାନୀ ସୃଷ୍ଟି କରିବା ପାଇଁ ଘୋଷଣାପତ୍ରରେ ଉଲ୍ଲେଖ କରିଛି । ପୁରାଜନ ଜଳ ଉତ୍ସହର ସୁରକ୍ଷା ସହ ନୂତନ ଜଳ ଉତ୍ସ ସୃଷ୍ଟି, ଜଳ ନିଷ୍କାସନ ପାଇଁ ଯୋଜନା, ଶିକ୍ଷିତ ଯୁବଗୋଷ୍ଠୀଙ୍କ ଦକ୍ଷତା ବୃଦ୍ଧି ସହ କର୍ମନିଯୁକ୍ତି ପ୍ରଦାନ କରିବାକୁ ଦଳ ଗୁରୁତ୍ୱ ଦେଇଛି ।
ସବୁ ଦିନିଆ ପକ୍କା ରାସ୍ତା ନିର୍ମାଣ ଓ ସରକାରୀ ବିଦ୍ୟାଳୟଗୁଡିକରେ ଶିକ୍ଷାର ମାନ ଉନ୍ନତି କରିବା ପାଇଁ ଆମ ଓଡିଶା ପାର୍ଟି ପ୍ରଚେଷ୍ଟା କରିବ ବୋଲି ଇସ୍ତାହାରରେ କୁହାଯାଇଛି । ଦଳର ଚିହ୍ନ ବାଳକ-ବାଳିକାରେ ଭୋଟ ଦେଇ ଦଳର ସମର୍ଥୀତ ପ୍ରାର୍ଥୀଙ୍କୁ ଜିତାଇବାକୁ ଆହ୍ୱାନ ଦେଇଛନ୍ତି ଦଳ୍ର ମୁଖ୍ୟ ସୌମ୍ୟରଂଜନ ପଟ୍ଟନାୟକ ।