ପ୍ରଥମ ଇଂନିସରେ ୧୯୭ ରନରେ ଅଲଆଉଟ୍ ହେଲା ଦକ୍ଷିଣ ଆଫ୍ରିକା । ପ୍ରଥମ ଇଂନିସରେ ୧୩୦ ରନରେ ଆଗୁଆ ଟିମ୍ ଇଣ୍ଡିଆ ।
କନକ ବ୍ୟୁରୋ: ଭାରତ-ଦକ୍ଷିଣ ଆଫ୍ରିକା ପ୍ରଥମ ଟେଷ୍ଟର ତୃତୀୟ ଦିନରେ ଦକ୍ଷିଣ ଆଫ୍ରିକାକୁ ୧୯୭ ରନରେ ଅଲଆଉଟ୍ କରିଛି ଟିମ୍ ଇଣ୍ଡିଆ । ଯାହା ଫଳରେ ଦଳ ପ୍ରଥମ ଇଂନିସରେ ଦକ୍ଷିଣ ଆଫ୍ରିକାଠାରୁ ୧୩୦ ରନର ଲିଡ୍ ନେଇଛି । ତେବେ ଭାରତ ପକ୍ଷରୁ ଦ୍ରୁତ ବୋଲର ମହମ୍ମଦ ଶାମି ୫ ୱିକେଟ୍ ଅକ୍ତିଆର କରିବା ସହ ଦକ୍ଷିଣ ଆଫ୍ରିକା ବ୍ୟାଟ୍ସମ୍ୟାନଙ୍କ ପାଇଁ କାଳ ସାଜିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଏହି ଟେଷ୍ଟ ମ୍ୟାଚରେ ପ୍ରଥମ ଭାରତ ପ୍ରଥମେ ବ୍ୟାଟିଂ କରି ୩୨୭ ରନ୍ କରିବା ପରେ ବ୍ୟାଟିଂକୁ ଓହ୍ଲାଇଥିଲା । ଦଳ କିନ୍ତୁ ମାତ୍ର ୨ ରନରେ ନିଜର ପ୍ରଥମ ବ୍ୟାଟ୍ସମ୍ୟାନଙ୍କୁ ହରାଇଥିଲା । ଏହାପରେ ବି ଦଳର ଲଗାତାର ୱିକେଟ୍ ପତନ ଦଳକୁ ବ୍ୟାକଫୁଟରେ ରଖିଥିଲ।। ହେଲେ ଶେଷ ଆଡକୁ ଦକ୍ଷିଣ ଆଫ୍ରିକା ବ୍ୟାଟ୍ସମ୍ୟାନମାନେ କିଛି ଆଖି ଦୃଶିଆ ସଟ୍ ଖେଳିବା ସହିତ ଦଳର ସ୍କୋରକୁ ଆଗକୁ ବଢାଇଥିଲେ ।
Milestone Alert 🚨 – 200 Test wickets for @MdShami11 👏👏#SAvIND pic.twitter.com/YXyZlNRkQ1
— BCCI (@BCCI) December 28, 2021
ହେଲେ ଭାରତ ପକ୍ଷରୁ ଦ୍ରୁତ ବୋଲର ବୁମରା, ସିରାଜ, ସାମି ଓ ସାର୍ଦୁଲ ଲଗାତାର ଭଲ ବୋଲିଂ କରିବା ସହିତ ଦକ୍ଷିଣ ଆଫ୍ରିକା ବ୍ୟାଟ୍ସମ୍ୟାନଙ୍କୁ ପ୍ୟାଭିଲିୟନ ମୁହାଁ ହୋଇଥିଲେ । ଭାରତର ଦ୍ରୁତ ବୋଲର ସାମି ୫ଟି ସଫଳତା ପାଇଥିବାବେଳେ, ବୁମରା ୨ଟି, ସାର୍ଦ୍ଦୁଲ ୨ଟି ଓ ସିରାଜ ଗୋଟିଏ ସଫଳତା ପାଇଥିଲେ ।