କନକ ବ୍ୟୁରୋ: ଘନଉଛି ଟିକ୍ଟକ୍ ଷ୍ଟାର ତଥା ବିଜେପି ନେତ୍ରୀ ସୋନାଲି ଫୋଗାଟଙ୍କ ମୃତ୍ୟୁ ମାମଲା । ଦିନ ଯେତିକି ଗଡୁଛି ସେତିକି ରହସ୍ୟଘେର ଭିତରକୁ ଠେଲି ହୋଇଯାଉଛି ମୃତ୍ୟୁ ମାମଲା । ସୋନାଲିଙ୍କ ମୃତ୍ୟୁ ଏକ ସ୍ୱ।।ସ୍ଥ୍ୟଗତ ସମସ୍ୟା ଅର୍ଥାତ ହୃଦଘାତ ଯୋଗୁଁ ହୋଇଥିବା କୁହାଯାଉଛି । ପ୍ରତ୍ୟେକ ଦିନ ଏହାକୁ ନେଇ କିଛି ନା କିଛି ନୂଆ କଥା ସାମ୍ନାକୁ ଆସୁଛି । ଏହା ଭିତରେ ସୋନାଲିଙ୍କ ଭାଇ ରିଙ୍କୁ ଢାକା ସାଙ୍ଘାତିକ ଅଭିଯୋଗ କରିଛନ୍ତି । ସୋନାଲିଙ୍କ ମୃତ୍ୟୁ ପାଇଁ ତାଙ୍କ ସହଯୋଗୀ ସୁଧୀର ସାଙ୍ଗାବାନ ଓ ସୁଖବିନ୍ଦରଙ୍କୁ ଦାୟୀ କରିଛନ୍ତି ଭାଇ ।
Kanak News is now on WhatsApp
Join and get latest news updates delivered to you via WhatsApp
ସୋନାଲିଙ୍କ ଭାଇ ରିଙ୍କୁ ଆଉ ଏକ ବଡ଼ ଅଭିଯୋଗ ଆଣି କହିଛନ୍ତି ଯେ, ସୋନାଲିଙ୍କ ଖାଦ୍ୟରେ ବିଷ ମିଶାଇ ଦିଆଯାଇଥିଲା । ଯାହା ପରେ ସେ ଅସ୍ଥିର ଅନୁଭବ କରୁଥିବା କହିଥିଲେ । ଏଥିରେ ସୋନାଲିଙ୍କ ଦୁଇ ଜଣ ସହଯୋଗୀଙ୍କ ସମ୍ପୃକ୍ତି ଥିବା ରିଙ୍କୁ କହିଛନ୍ତି । ଏନେଇ ସେ ଗୋଆ ପୋଲିସ ନିକଟରେ ମଧ୍ୟ ଅଭିଯୋଗ କରିଛନ୍ତି । ଅନ୍ୟପଟେ ସନ୍ଦେହକୁ ଅଧିକ ଘନଉଛି କାରଣ ହରିୟାଣା ହିସାର ଫାର୍ମହାଉସରୁ ସୋନାଲିଙ୍କ ସାମଗ୍ରୀ ଯେମିତିକି ଲ୍ୟାପଟପ, କ୍ୟାମେରା ଓ ଗୁରୁତ୍ୱପୂର୍ଣ୍ଣ ସାମଗ୍ରୀ ନିଖୋଜ ହୋଇଛି ।
ଏହି ସମସ୍ତ ଘଟଣା ଭିତରେ ସୋନାଲିଙ୍କ ପରିବାର ଆଉ ଏକ ସଙ୍ଗୀନ ଅଭିଯୋଗ ଦୁଇ ସହଯୋଗୀଙ୍କ ଉପରେ ଆଣିଛନ୍ତି । ସୁଖବିନ୍ଦର ୩ବର୍ଷ ପୂର୍ବରୁ ସୋନାଲିଙ୍କ ଖାଦ୍ୟରେ ନିଶା ପଦାର୍ଥ ଦେଇ ଦୁର୍ଷ୍କମ କରିଥିଲା ଓ ଭିଡିଓ ତିଆରି କରି ଉଭୟ ସୁଧୀର ଓ ସୁଖବିନ୍ଦର ବ୍ଲାକମେଲ କରୁଥିଲେ । ତେବେ ଏଭଳି ଘଟଣା ବାରମ୍ବାର ଘଟୁଥିବା ପରିବାର ଲୋକମାନେ ଅଭିଯୋଗ କରିଛନ୍ତି ।
ସୋନାଲିଙ୍କ ପରିବାରର ଅଭିଯୋଗ:
• ଗୋଆରେ ସୋନାଲିଙ୍କ କୌଣସି ସୁଟିଂ କାର୍ଯ୍ୟକ୍ରମ ନଥିଲା
• ହଠାତ ଗୁରୁଗ୍ରାମରୁ ସେ ଗୋଆ ଯାଇଥିଲେ
• କ୍ଷୀରି ଖାଇବା ପରେ ବିଗିଡିି ଯାଇଥିଲା ସୋନାଲିଙ୍କ ସ୍ୱାସ୍ଥ୍ୟାବସ୍ଥା
• ସୋନାଲିଙ୍କ ପର୍ସନାଲ ସେକ୍ରେଟାରୀ ସୁଧୀର ଏହି କ୍ଷୀରି ତିଆରି କରିଥିଲେ
• ସ୍ୱାସ୍ଥ୍ୟ ଅଧିକ ବିଗୁଡୁଥିବା ଫୋନରେ କହିଥିଲେ ସୋନାଲି
• ଡାକ୍ତରଙ୍କ ପାଖକୁ ଯିବାକୁ ସେ ମନା କରିଥିଲେ
• ଗୋଆରୁ ହ୍ୱାଟସଅପ୍ କଲରେ ପରିବାର ସହ କଥା ହୋଇଥିଲେ
• କିଛି ସମସ୍ୟା ଥିବା ମା ଓ ଭଉଣୀଙ୍କୁ କହିଥିଲେ
ସୋନାଲି ଫୋଗଟ, ଜଣେ ଉପସ୍ଥାପିକା, ଅଭିନେତ୍ରୀ ଓ ନେତ୍ରୀ ଥିଲେ । ସେ ସବୁବେଳେ ସୁନ୍ଦର ସ୍ୱ।।ସ୍ଥ୍ୟ ପାଇଁ ଯତ୍ନବାନ ରହୁଥିବା ପରିବାର ଲୋକମାନେ କହିଛନ୍ତି । ତେଣୁ ହୃଦଘାତରେ ସୋନାଲିଙ୍କ ମୃତ୍ୟୁ ହୋଇନି ବଂର ମୃତ୍ୟୁ ପଛରେ ହତ୍ୟା ଷଡଯନ୍ତ୍ର ଥିବା ସୋନାଲିଙ୍କ ପରିବାର ବାରମ୍ବାର ଅଭିଯୋଗ କରିଆସୁଛନ୍ତି ।
ଗୋଆ ସରକାର କହିଛନ୍ତି ତଦନ୍ତ ପ୍ରକିୟା ଚାଲିଛି ଓ ଖୁବ ଶୀଘ୍ର ମୃତ୍ୟୁ ପଛର କାରଣ ଜଣାପଡିିବ ସୋମବାର ବିଳମ୍ବିତ ରାତିରେ ଗୋଆରେ ସୋନାଲିଙ୍କ ମୃତ୍ୟୁ ହୋଇଥିଲା । ଏହି ଖବର ଆସିବା ପରେ କେବଳ ତାଙ୍କ ପରିବାର ନୁହେଁ ପ୍ରଂଶସକ ଆଶ୍ଚର୍ଯ୍ୟ ହୋଇଛନ୍ତି ।