କନକ ବ୍ୟୁରୋ: ଝାଡ଼ଖଣ୍ଡ ଦୁମକା ନାବାଳିକା ହତ୍ୟା ମାମଲାର ତଦନ୍ତ କରିବ ଏସଆଇଟି । ରାଜ୍ୟ ସରକାର ତଦନ୍ତ ପାଇଁ ଏସଆଇଟି ଟିମ ଗଠନ କରିଛନ୍ତି । ସେପଟେ ଘଟଣାସ୍ଥଳରେ ପହଁଚି ସୁରାକ ସଂଗ୍ରହ କରିଛି ଏଫଏସଏଲ ଟିମ୍ । ମାମଲା ଉପରେ ମଙ୍ଗଳବାର ଶୁଣାଣୀ କରିଛନ୍ତି ଝାଡ଼ଖଣ୍ଡ ହାଇକୋର୍ଟ । ହତ୍ୟା ମାମଲାର ସମ୍ପୂର୍ଣ୍ଣ ରିପୋର୍ଟ କୋର୍ଟରେ ଉପସ୍ଥାପନ କରିବା ପାଇଁ ଝାଡ଼ଖଣ୍ଡ ପୁଲିସକୁ ନିର୍ଦ୍ଦେଶ ଦିଆଯାଇଛି । ଏଥିସହ ମୃତ ଅଙ୍କିତାଙ୍କ ପରିବାରକୁ ସମ୍ପୂର୍ଣ୍ଣ ସୁରକ୍ଷା ଦେବାକୁ ଦୁମକା ପ୍ରଶାସନକୁ ନିର୍ଦ୍ଦେଶ ଦେଉଛନ୍ତି କୋର୍ଟ । ଶାହାରୁଖ ନାମକ ଯୁବକ ଅଙ୍କିତାଙ୍କୁ ବାରମ୍ବାର ବାରମ୍ବାର ପ୍ରେମ ନିବେଦନ କରି ହତାଶ ହେବା ପରେ ପ୍ରତିଶୋଧ ପରାୟଣ ହୋଇଥିଲା ।
Kanak News is now on WhatsApp
Join and get latest news updates delivered to you via WhatsApp
ଅଗଷ୍ଟ ୨୩ ତାରିଖରେ ଅଙ୍କିତା ଶୋଇଥିବା ସମୟରେ ଜଣେ ସହଯୋଗୀଙ୍କ ସହ ମିଶି ପେଟ୍ରୋଲ ଢାଳି ଅଙ୍କିତାଙ୍କୁ ହତ୍ୟା କରିଥିଲା ଅଭିଯୁକ୍ତ । ୫ଦିନ ଧରି ଡାକ୍ତରଖାନାରେ ମୃତ୍ୟୁ ସହ ସଂଗ୍ରାମ କରିବା ପରେ ଶେଷରେ ଆଖିବୁଝିଥିଲେ ନାବାଳିକା । ମୃତ୍ୟୁ ପୂର୍ବରୁ ନାବାଳିକା ଘଟଣା ଉପରେ ବୟାନ ଦେବା ସହ ଦୋଷୀଙ୍କୁ କଠୋର ଦଣ୍ଡ ମିଳୁ ବୋଲି କହିିଥିଲେ । ସେପଟେ ହତ୍ୟା କରିବା ୨୪ ଘଂଟା ଭିତରେ ଅଭିଯୁକ୍ତ ଶାହାରୁଖ ଗିରଫ କରାଯାଇଛି । ସେପଟେ ଘଟଣାକୁ ନେଇ ଦୁମକା ଜଳୁଛି । ମୃତ ନାବାଳିକାଙ୍କ ପରିବାର ଓ ଦୁମକା ଗ୍ରାମବାସୀ ବିରୋଧ କରିବା ସହ ରାସ୍ତା ଉପରେ ଧାରଣା ଦେଇଛନ୍ତି । ହତ୍ୟା ମାମଲା ପାଇଁ ସୋରେନ ସରକାରଙ୍କୁ ଦାୟୀ କରୁଛି ବିଜେପି । ସେପଟେ ମୃତ ଅଙ୍କିତାଙ୍କ ପରିବାରକୁ ରାଜ୍ୟ ସରକାର ପ୍ରତିଶ୍ରୁତି ଦେଇ ଦୋଷୀଙ୍କ ବିରୋଧରେ କଡ଼ା କାର୍ଯ୍ୟାନୁଷ୍ଠାନ ପ୍ରତିଶ୍ରୁତି ଦେଇଛନ୍ତି ।