କନକ ବ୍ୟୁରୋ : ଗତ ୩ ମାସ ମଧ୍ୟରେ ଭାରତର ବେରୋଜଗାରୀ ଦର ସର୍ବାଧିକ ବୃଦ୍ଧି ପାଇଛି । ସେଣ୍ଟର ଫର ମନିଟରିଂ ଇଣ୍ଡିଆନ ତରଫରୁ ଗୁରୁବାର ଦିନ ଜାରି କରାଯାଇଥିବା ରିପୋର୍ଟରେ ଏହି କଥା କୁହାଯାଇଛି । ରିପୋର୍ଟ ମୁତାବକ ଭାରତର ସହରାଞ୍ଚଳରେ ଗ୍ରାମାଞ୍ଚଳ ତୁଳନାରେ ବେରୋଜଗାରୀ ଦର ସର୍ବାଧିକ ରହିଛି । ଦେଶର ସହରାଞ୍ଚଳରେ ବେରୋଜଗାରୀ ହାର ୮.୯୬ ପ୍ରତିଶତ ରହିଥିବା ବେଳେ ଗ୍ରାମଞ୍ଚଳରେ ଏହା ୭.୫୫ ପ୍ରତିଶତ ରହିଛି । ଏହା ପୂର୍ବରୁ ଅର୍ଥାତ ଅକ୍ଟୋବର ମାସରେ ସହରାଞ୍ଚଳରେ ବେରୋଜଗାରୀ ଦର୭.୨୧ ପ୍ରତିଶତ ରହିଥିବା ବେଳେ ଗ୍ରାମାଞ୍ଚଳରେ ବେରୋଜଗାରୀ ଦର ୮.୦୪ ପ୍ରତିଶତ ଥିଲା ।
Kanak News is now on WhatsApp
Join and get latest news updates delivered to you via WhatsApp
ଯଦି ରାଜ୍ୟ ସ୍ତରରେ ବେରୋଜଗାରୀ ହାର ଦେଖାଯିବ ତେବେ ରିପୋର୍ଟ ମୁତାବକ ସବୁଠାରୁ ଅଧିକ ବେରୋଜଗାରୀ ହରିଆଣାରେ ରହିଛନ୍ତି । ଏଠାରେ ନଭେମ୍ବର ମାସ ସୁଦ୍ଧା ବେରୋଜଗାରୀ ହାର ୩୦.୬ ପ୍ରତିଶତ ରହିଛି । ଏହା ତଳକୁ ରହିଛି ରାଜସ୍ଥାନ, ଏଠାରେ ବେରୋଜଗାରୀ ହାର ୨୪.୫ ପ୍ରତିଶତ ରହିଛି । ସେହିଭଳି ଜାମ୍ମୁ-କାଶ୍ମୀରରେ ବେରୋଜଗାରୀ ହାର ୨୩.୯ ପ୍ରତିଶତ, ବିହାରରେ ୧୭.୩ ପ୍ରତିଶତ ଓ ତ୍ରିପୁରାରେ ୧୪.୫ ପ୍ରତିଶତ ରହିଛି ।
ସେହିଭଳି କମ୍ ବେରୋଜଗାରୀ ରାଜ୍ୟ ତାଲିକାରେ ଛତିଶଗଡ ସବୁଠାରୁ ଆଗରେ ରହିଛି । ଛତିଶଗଡରେ ବେରୋଜଗାରୀ ହାର ୦.୧ ପ୍ରତିଶତ ରହିଛି । ନଭେମ୍ବର ମାସ ସୁଦ୍ଧା ଉତ୍ତରାଖଣ୍ଡରେ ବେରୋଜଗାରୀ ହାର ୧.୨ ପ୍ରତିଶତ ଥିବା ବେଳେ ଓଡିଶାରେ ୧.୬ ପ୍ରତିଶତ, କର୍ଣ୍ଣାଟକରେ ୧.୮ ପ୍ରତିଶତ ରହିଛି । ସେହିଭଳି ମେଘାଳୟରେ ୨.୧ ପ୍ରତିଶତ ରହିଛି । ଯଦି ସାରା ଦେଶର ବେରୋଜଗାରୀ ହାରକୁ ହିସାବ କଲେ ଅକ୍ଟୋବର ମାସରେ ଏହାର ୭.୭୭ ପ୍ରତିଶତ ଥିବା ବେଳେ ଏବେ ଏହା ୮ ପ୍ରତିଶତରୁ ଅଧିକ ରହିଛି ।