ମହାରାଷ୍ଟ୍ର ସରକାରରେ ଅଜିତ ପାୱାର ଗୋଷ୍ଠୀ ଯୋଗଦେବାକୁ ସହଜରେ ଗ୍ରହଣ କରିପାରୁନାହାଁନ୍ତି ସିନ୍ଦେ ଗୋଷ୍ଠୀ । ମନ୍ତ୍ରୀ କହିଲେ ଆମ ନେତାଙ୍କ ଭିତରେ ବଢୁଛି ଅସନ୍ତୋଷ
କନକ ବ୍ୟୁରୋ : ମହାରାଷ୍ଟ୍ର ରାଜନୀତିକୁ ନେଇ ଏବେ ସାରା ଦେଶରେ ଚର୍ଚ୍ଚା । ଏନସିପିର ବିଦ୍ରୋହୀ ନେତା ଅଜିତ୍ ପାୱାର ତାଙ୍କ ସମର୍ଥିତ ବିଧାୟକଙ୍କ ସହ ଏକନାଥ ସିନ୍ଦେ ଓ ଦେବେନ୍ଦ୍ର ଫର୍ଡନାଭିସଙ୍କ ସରକାରରେ ଯୋଗ ଦେଇଛନ୍ତି । ଏହି କ୍ରମରେ ଅଜିତ ପାୱାର ୫ମ ଥର ପାଇଁ ରାଜ୍ୟର ଉପ ମୁଖ୍ୟମନ୍ତ୍ରୀ ଭାବେ ମଧ୍ୟ ଶପଥ ନେଇସାରିଛନ୍ତି । ଏସବୁ ଭିତରେ ଶିବସେନା (ସିନ୍ଦେ ଗୋଷ୍ଠୀ)ର ନେତା ସଂଜୟ ଶିରସାଟଙ୍କ ବୟାନ ଏବେ ସମସ୍ତଙ୍କୁ ଚକିତ କରିଛି । ସେ କହିଛନ୍ତି କି ରାଜନୀତିରେ ଯଦି ଆମର ବିରୋଧୀ ଆମ ସହିତ ହାତ ମିଳାଇବାକୁ ଚାହାଁନ୍ତି ତେବେ ସେମାନଙ୍କୁ ସୁଯୋଗ ଦିଆଯାଏ ଓ ଏହା ବିଜେପି ଅଜିତ ପାୱାରଙ୍କ କ୍ଷେତ୍ରରେ କରିଛି ।
Kanak News is now on WhatsApp
Join and get latest news updates delivered to you via WhatsApp
ସଂଜୟ ଶିରସାଟ କହିଛନ୍ତି କି, ଏନସିପିର ବିଧାୟକମାନେ ଆମ ସରକାରରେ ଯୋଗ ଦେବାକୁ ନେଇ ଶିବସେନା (ସିନ୍ଦେ ଗୋଷ୍ଠୀ)ର କିଛି ନେତା ଅସନ୍ତୋଷ ଜାହିର କରିଛନ୍ତି । ଏହାର କାରଣ ହେଉଛି ଅସନ୍ତୋଷ୍ଟ ହୋଇଥିବା ନେତାଙ୍କ ମଧ୍ୟରୁ କିଛି ନେତାଙ୍କୁ ଆଗାମୀ ଦିନରେ ପଦବୀ ମିଳିବାର ଥିଲା । ଏଣୁ ସିନ୍ଦେ ଗୋଷ୍ଠୀର ସମସ୍ତ ନେତାମାନେ ଅଜିତ ପାୱାରଙ୍କ ଯୋଗଦାନକୁ ସହଜରେ ଗ୍ରହଣ କରିପାରୁ ନାହାଁନ୍ତି । ଏନେଇ ମୁଖ୍ୟମନ୍ତ୍ରୀ ଏକନାଥ ସିନ୍ଦେ ଓ ଉପ ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନାଭିସଙ୍କୁ ଅବଗତ କରାଯାଇଛି । ସେମାନେ ତୁରନ୍ତ ଏହା ଉପରେ ସଠିକ ନିଷ୍ପତ୍ତି ନନେଲେ ଦଳ ପାଇଁ ବିପଦ ଆସିପାରେ ।