ରାଜନୀତିରୁ ସନ୍ୟାସ ନେଇ ପାରନ୍ତି କଂଗ୍ରେସ ନେତା ହରିଶ ରାୱତ, ଜାନୁଆରୀ ୫ ରେ କରିବେ ବଡ ଘୋଷଣା
କନକ ବ୍ୟୁରୋ : ରାଜସ୍ଥାନ ପରେ ଏବେ ବିଧାନସଭା ନିର୍ବାଚନର ଠିକ୍ ପୂର୍ବରୁ ଉତ୍ତରାଖଣ୍ଡରେ କଂଗ୍ରେସ କନ୍ଦଳ ଦେଖିବାକୁ ମିଳିଛି । କଂଗ୍ରେସ ନେତା ତଥା ପୂର୍ବତନ ମୁଖ୍ୟମନ୍ତ୍ରୀ ହରିଶ ରାୱତ ନିଜ ଦଳ ଉପରେ ଅସନ୍ତୋଷ ପ୍ରକାଶ କରିଛନ୍ତି । ଏହାସହ ସେ ଜାନୁଆରୀ ୫ ତାରିଖରେ ରାଜନୀତିରୁ ସନ୍ୟାସ ନେବା ନେଇ ଘୋଷଣା କରିପାରନ୍ତି ।
Kanak News is now on WhatsApp
Join and get latest news updates delivered to you via WhatsApp
ହରିଶ ରାୱତଙ୍କ ନିକଟତର ସୂତ୍ରରୁ ମିଳିଥିବା ସୂଚନା ମୁତାବକ ଆଗାମୀ ଦିନରେ ସେ ନିଜର ରାଜନୈତିକ ଭବିଷ୍ୟତକୁ ନେଇ ବଡ ନିଷ୍ପତ୍ତି ନେଇ ପାରିନ୍ତି । ସୂତ୍ର ସୂଚନା ମୁତାବକ ଆଗାମୀ ବିଧାନସଭା ନିର୍ବାଚନ ପାଇଁ ଟିକେଟ ବଣ୍ଟନକୁ ନେଇ ସେ ଦଳ ଉପରେ ଅସନ୍ତୋଷ ଅଛନ୍ତି ।
ଅନ୍ୟପଟେ ଏହା ବି କୁହାଯାଉଛି କି ହରିଶ ରାୱତ ନିଜକୁ ମୁଖ୍ୟମନ୍ତ୍ରୀ ପ୍ରାର୍ଥୀ ଭାବେ ଘୋଷଣା କରିବା ନେଇ ଦଳ ଭିତରେ କନ୍ଦଳ ଦେଖାଦେଇଛି । ଉତ୍ତରାଖଣ୍ଡ କଂଗ୍ରେସ ପ୍ରଭାରୀ ଦେବେନ୍ଦ୍ର ଯାଦବ ହରିଶ ରାୱତ ଅସନ୍ତୋଷକୁ ନେଇ କହିଛନ୍ତି କି ସେ ଜଣେ ବରିଷ୍ଠ ନେତା ଓ ଏନେଇ ତାଙ୍କ ସହିତ ଆଲୋଚନା ହୋଇ ନାହିଁ ।
କହିରଖୁ କି ଏହା ପୂର୍ବରୁ ରାୱତଙ୍କର ଗୋଟିଏ ଟ୍ୱିଟ ଉତ୍ତରାଖଣ୍ଡ ରାଜନୀତିକୁ ସରଗରମ କରିଛି । ରାୱତ ଏକ ଟ୍ୱିଟରେ ଲେଖିଛନ୍ତି କି ଆଗାକୁ ବିଧାନସଭା ନିର୍ବାଚନ ଥିବା ବେଳେ ଦଳୀୟ ନେତାମାନେ ହାତକୁ ହାତ ଯୋଡି ଆଗକୁ ଆସିବା ପରିବେର୍ତ୍ତ ମୁହଁ ଫେରାଇ ଠିଆ ହେଉଛନ୍ତି । ଏହାସହ ଦଳୀୟ ନେତାମାନେ ନକରାତ୍ମକ ଭୂମିକା ନିର୍ବାହ କରୁଛନ୍ତି । ଏହାପରେ ଅନୁମାନ କରାଯାଇଥିଲା କି ରାୱତ ଦଳ ଓ ସଂଗଠନ ଉପରେ ଅସନ୍ତୋଷ ରହିଛନ୍ତି ।