କ୍ୟାନସର ରୋଗୀଙ୍କ ପାଇଁ ବଡ ଖବର ! ଇସ୍ରାଏଲ ବୈଜ୍ଞାନିକଙ୍କ ଦାବି, ଗୋଟିଏ ବର୍ଷ ମଧ୍ୟରେ ମାରାତ୍ମକ କ୍ୟାନସର ରୋଗକୁ ନିପାତ କରିବାକୁ ବାହାରିବ ଚିକିତ୍ସା
କ୍ୟାସନର ରୋଗୀଙ୍କ ପାଇଁ ବଡ ଖବର । କ୍ୟାନସରକୁ ଭଲ କରିବା ପାଇଁ ସେମିତି କୌଣସି ଔଷଧ ବାହାରି ନଥିବା ବେଳେ ଏବେ ଏହି ରୋଗରେ ପୀଡିତ ଲୋକ ମୃତ୍ୟୁମୁଖରେ ପଡୁଛନ୍ତି । ଆଉ ଏସବୁ ଭିତରେ ଇସ୍ରାଏଲ ଫାର୍ମା କମ୍ପାନି ଦାବି କରିଛି, ଆଗାମୀ ଏକ ବର୍ଷ ମଧ୍ୟରେ କ୍ୟାନସର ଭଳି ମାରାତ୍ମକ ରୋଗର ଚିକିତ୍ସା କରିବା ସହ ଏହାକୁ ମୂଳରୁ ନିପାତ କରିବା ପାଇଁ ଔଷଧ ମହଜୁଦ ଥିବ ।
Kanak News is now on WhatsApp
Join and get latest news updates delivered to you via WhatsApp
ଏକ୍ସିଲରେଟେଡ ଇଭାଲ୍ୟୁଏସନ ବାୟୋଟେକ୍ନୋଲୋଜିସ ନାମକ ଏକ କମ୍ପାନି କ୍ୟାନସରର ଚିକିତ୍ସା ପାଇଁ ଔଷଧ ଖୋଜି ବାହାର କରିଛି ବୋଲି ଦାବି କରିଛି । ଏହି କମ୍ପାନିର ଚେୟାରମ୍ୟାନ ଡେନ ଏରିଡୋରଙ୍କ କହିବା ଅନୁଯାୟୀ, ଆଗାମୀ ଦିନରେ ଚିକିତ୍ସା ମାଧ୍ୟମରେ କ୍ୟାନସର ରୋଗକୁ ଭଲ କରାଯାଇପାରିବ । ଏହାଛଡା ଏହି ଚିକିତ୍ସାର ପ୍ରଭାବ ପ୍ରଥମ ଦିନରୁ ପଡିବ ଓ କିଛି ସପ୍ତାହ ପର୍ଯ୍ୟନ୍ତ ଏଭଳି ଚାଲିବ । ଏହାର କୌଣସି ସାଇଡ ଇଫେକ୍ଟ ପଡିବ ନାହିଁ ଓ ଅନ୍ୟ କ୍ୟାନସର ଚିକିତ୍ସା ଠାରୁ ମଧ୍ୟ ବେଶ ଶସ୍ତାରେ ଏହା ରୋଗୀଙ୍କୁ ଯୋଗାଇ ଦିଆଯିବ ।
କମ୍ପାନି ଏହି ଚିକିତ୍ସାର ନାଁ MuTaTo ରଖିଛି । ଯାହାର ଅର୍ଥ ମଲ୍ଟି ଟାର୍ଗେଟ ଟକ୍ସିନ । କମ୍ପାନିର ସିଇଓ ଇଲାନ ମୋରାଡଙ୍କ କହିବା ଅନୁଯାୟୀ, ଏହି କ୍ୟାନସର ଚିକିତ୍ସା ପ୍ରଥମେ ମୂଷାଙ୍କ ଶରୀରରେ ପରୀକ୍ଷାମୂଳକ ଭାବେ କରାଯାଇଛି । ଏହି ଚିକିତ୍ସା ମୂଷାଙ୍କର ଅନ୍ୟ କୌଣସି କୋଷିକାକୁ କ୍ଷତି ପହଞ୍ଚାଇନାହିଁ । କମ୍ପାନି ପକ୍ଷରୁ ଇନ-ଭିଟ୍ରୋ ଟ୍ରାଏଲ ପୂରଣ କରାଯାଇଛି । ଖୁବଶୀଘ୍ର ଏହାର କ୍ଲୋନିକଲ ଟ୍ରାଏଲ ମଧ୍ୟ ଆରମ୍ଭ କରାଯିବ । ଏହାଛଡା କିଛି ବର୍ଷ ମଧ୍ୟରେ ଏହାର ପରୀକ୍ଷଣ ପୂରା ହୋଇଯିବ ତେବେ କିଛି କ୍ୟାନସର ମାମଲା ପାଇଁ କମ୍ପାନି ଖୁବଶୀଘ୍ର ଔଷଧ ଯୋଗାଇଦେବ ବୋଲି କହିଛନ୍ତି ମୋରାଡ ।
ତେବେ ଇସ୍ରାଏଲ କମ୍ପାନିର ଏଭଳି ଅନେକ ଦାବି କରିଛି କିନ୍ତୁ କେଉଁଭଳି ରିସର୍ଚ୍ଚ ସେନେଇ କୌଣସି ସ୍ପଷ୍ଟ ସୂଚନା ଦେଇନାହିଁ । ଫଳରେ ଏହି ଦାବିର ସତ୍ୟତା ଉପରେ ପ୍ରଶ୍ନବାଚୀ ସୃଷ୍ଟି ହୋଇଛି । ତେବେ ବିଶ୍ୱରେ କ୍ୟାନସର ରୋଗରେ ଦ୍ୱିତୀୟ ସର୍ବାଧିକ ଲୋକ ମୃତ୍ୟୁବରଣ କରିଥାନ୍ତି ତେଣୁ କ୍ୟାନସର ରୋଗର ସଫଳ ଚିକିତ୍ସା ପାଇଁ ଦୀର୍ଘଦିନ ଧରି ବିଶ୍ୱବାସୀ ଅପେକ୍ଷା କରି ରହିଛନ୍ତି । ଆଉ ଏଭଳି ସମୟରେ ବିଶ୍ୱବାସୀଙ୍କୁ କ୍ୟାନସର ରୋଗ ସହ ମୁକାବିଲା କରିବା ପାଇଁ ଆଶା ଦେଖାଇଛି ଇସ୍ରାଏଲ ଫାର୍ମ ।
Story Courtesy :AajTak