ଗୋଟିଏ ମାସରେ ୮୪୯ ମାମଲାର ସମାଧାନ କଲେ ସୁପ୍ରିମକୋର୍ଟ, ଜାଣନ୍ତୁ ପଡି ରହିଛି ଆଉ କେତେ ମାମଲା
କନକ ବ୍ୟୁରୋ : ସୁପ୍ରିମକୋର୍ଟ ଗୋଟିଏ ମାସରେ ୮୪୯ ଟି ମାମଲାର ସମାଧାନ କରିଛନ୍ତି । ଏନେଇ କୋର୍ଟ ତରଫରୁ ଜାରି କରାଯାଇଥିବା ଏକ ରିପୋର୍ଟ ମାଧ୍ୟମରେ ସୂଚନା ଦିଆଯାଇଛି । ରିପୋର୍ଟ ମୁତାବକ ଚଳିତ ବର୍ଷ ଅଗଷ୍ଟମାସର ସେଶଷ ସୁଦ୍ଧା କୋର୍ଟରେ ୭୦,୩୧୦ ଟି ମାମଲା ପଡି ରହିଥିଲା । ଏଥିରୁ କେବଳ ସେପ୍ଟେମ୍ବର ମାସରେ ୮୪୯ ଟି ମାମଲାର ପୂର୍ଣ୍ଣ ସମାଧାନ ହୋଇଛି । ଏହାପରେ ଏବେ ସୁପ୍ରିମକୋର୍ଟରେ ୬୯,୪୬୧ ଟି ମାମଲା ପଡି ରହିଛି । ଏଥି ମଧ୍ୟରୁ ୫୦.୫୦୮ ଟି ମାମଲା କେବଳ ଆଡମିଶନ ସମ୍ବନ୍ଧରେ ରହିଥିବା ବେଳେ ୧୮,୯୫୩ ଟି ରେଗୁଲାର ମାମଲା ରହିଛି ।
Kanak News is now on WhatsApp
Join and get latest news updates delivered to you via WhatsApp
ଆଡମିଶନ ସମ୍ବନ୍ଧୀୟ ବାକି ପଡିଥିବା ୫୦,୫୦୮ ଟି ମାମଲା ମଧ୍ୟରୁ ୧୧,୬୮୮ ଟି ଏଭଳି ମାମଲା ଯାହା ଏବେ ଅସମ୍ପୂର୍ଣ୍ଣ ରହିଛି । ଏଥିରେ କାହାର ଫିସ ବାକି ତ କାହା ପାଖରେ ନୋଟିସ ପହଂଚି ନଥିବା ଭଳି ମାମଲା ରହିଛି । ସେପଟେ ୧୮,୯୫୩ ଟି ରେଗୁଲାର ଶୁଣାଣି ମାମଲା ମଧ୍ୟରୁ ୧୮,୮୯୪ ଟି ମାମଲା ଶୁଣାଣି ହେବାକୁ ଅଛି ଓ ୫୯ ମାମଲା ଏଭଳି ରହିଛି ଯାହା ଉପରେ ଏବେ ଶୁଣାଣି ହେବାର ନାହିଁ । ଅର୍ଥାତ ୧୬.୯୧ ପ୍ରତିଶତ ମାମଲା ଅସମ୍ପୂର୍ଣ୍ଣ ରହିଛି । ଅର୍ଥାତ ଏହା ଉପରେ ଏବେ ଶୁଣାଣି ହେବାର ନାହିଁ ।
ଦୀର୍ଘଦିନ ହେବ ପଡି ରହିଥିବା ମାମଲାର ସମାଧାନ ପାଇଁ ସୁପ୍ରିମକୋର୍ଟ ତରଫରୁ ୫ ଜଣିଆ, ୭ ଜଣିଆ, ଓ ୯ ଜଣିଆ ବିଚାରପତିଙ୍କୁ ନେଇ ବେଞ୍ଚ ପ୍ରତିଷ୍ଠା କରାଯାଇଛି । ଯେଉଁ ବେଞ୍ଚ ଗୁରୁତ୍ୱପୂର୍ଣ୍ଣ ମାମଲାର ଶୁଣାଣି କରିବେ ତା ମଧ୍ୟରୁ ୫ ଜଣିଆ ଖଣ୍ଡପୀଠରେ ୩୩୮ ଟି ମାମଲାର ଶୁଣାଣି ହେବାକୁ ÷ଛି । ଏଥି ମଧ୍ୟରୁ ୪୨ ଟି ପ୍ରମୁଖ ମାମଲା ରହିଛି ୨୯୬ ଟି କନେକଟେଡ ମାମଲା । ସେହିଭଳି ୭ ଜଣିଆ ଖଣ୍ଡପୀଠ ମୋଟ ୧୭ ଟି ମାମଲାର ଶୁଣାଣି କରିବେ । ଏଥିରେ ୭ ଟି ମୁଖ୍ୟ ମାମଲା ଥିବା ବେଳେ ୮ ଟି କନେକଟେଡ ମାମଲା ରହିଛି । ଅନ୍ୟପଟେ ୯ ଜଣିଆ ବେଞ୍ଚରେ ମୋଟ ୧୩୫ ଟି ମାମଲା ରହିଛି । ଏଥି ମଧ୍ୟରୁ ୫ ଟି ପ୍ରମୁଖ ମାମଲା ଥିବା ବେଳେ ୧୩୦ ଟି କନେକଟେଡ ମାମଲା ରହିଛି ।