କନକ ବ୍ୟୁରୋ : ଚଳିତ ଫିଫା ବିଶ୍ୱକପରେ ସବୁଠୁ ଶକ୍ତିଶାଳୀ ଟିମ୍ କୁହାଯାଉଥିବା ଆର୍ଜେଟିନାକୁ ହରାଇ ରେକର୍ଡ କରିଛି ସାଉଦି ଆରବ । ବିଶ୍ୱର ୩ ନମ୍ବର ଦଳ ଆର୍ଜେଣ୍ଟିନାକୁ ୨-୧ ଗୋଲରେ ହରାଇଛି ୪୮ ନମ୍ବରରେ ଥିବା ସାଉଦି ଆରବ । ବିଶ୍ୱକପ ଇତିହାସରେ ପ୍ରଥମ ଥର ପାଇଁ ବିଜୟୀ ହୋଇଛି ଏହି ଏସୀୟ ଦଳ । ୨ ଥର ବିଶ୍ୱକପ୍ ବିଜେତା ଲିଓନେଲ ମେସିଙ୍କ ଆର୍ଜେଣ୍ଟିନା ଦଳକୁ ଆଶ୍ଚର୍ଯ୍ୟଜନକ ଭାବେ ହରାଇଛି ସାଉଦି ଆରବ ।
Kanak News is now on WhatsApp
Join and get latest news updates delivered to you via WhatsApp
ମଇଦାନର ପ୍ରଥମ ଥର ପାଇଁ ମୁହାଁମୁହିଁ ହୋଇଥିବା ଏହି ଦୁଇ ଦଳ ମଧ୍ୟରେ କଡା ଟକ୍କର ଦେଖିବାକୁ ମିଳିଥିଲା । ମେସି ପେନାଲଟିରୁ ପ୍ରଥମେ ଏକ ଗୋଲ ଦେଇଥିଲେ । ହେଲେ ସାଉଦି ଆରବ ଦ୍ୱୀତିୟାର୍ଦ୍ଧରେ ଦୁଇଟି ଗୋଲ ଦେଇ ମ୍ୟାଚକୁ ଜିତିନେଇଥିଲା । ତୋବ ବିଜୟ ପରେ ଗୋଟିଏ ଦିନ ଛୁଟି ଘୋଷଣା କିରିଛନ୍ତି ସାଉଦ ଆରବ ସରକାର । ଆଜି ସାରା ଦେଶରେ ହୋଇଛି ଛୁଟି ଘୋଷଣା ।
ଲୁସାଇଲ୍ର ନୂଆ ଷ୍ଟାଡିୟମ୍ରେ ମଙ୍ଗଳବାର ମଧ୍ୟ ପ୍ରଥମ ଅନ୍ତର୍ଜାତୀୟ ମ୍ୟାଚ୍ ଖେଳାଯାଇଥିଲା। ଷ୍ଟାଡିୟମ୍ର ପଦାର୍ପଣ ଅନ୍ତର୍ଜାତୀୟ ଫୁଟ୍ବଲ୍ ମ୍ୟାଚ୍ କିନ୍ତୁ ନିଜ ଶେଷ ବିଶ୍ବକପ୍ ଖେଳୁଥିବା ଲିଓନେଲ୍ ମେସିଙ୍କ ପାଇଁ ଦୁଃସ୍ବପ୍ନ ଭଳି ରହିଗଲା। ୨୦୧୯ରୁ କ୍ରମାଗତ ୩୬ ମ୍ୟାଚ୍ରେ ଅପରାଜେୟ ରହିଥିବା ଆର୍ଜେଣ୍ଟିନା ଯେ ସାଉଦି ଆରବଠାରୁ ହାରିବ ଅନେକଙ୍କ ବିଶ୍ବାସ ବାହାରେ ଥିଲା। ଇଟାଲି ନାମରେ ଥିବା ଦୀର୍ଘତମ ଅପରାଜେୟ କୀର୍ତ୍ତିମାନର ସମକକ୍ଷ ହେବାରୁ ମଧ୍ୟ ମେସିଙ୍କ ଦଳ ବଞ୍ଚିତ ରହିଲା ।
ମଙ୍ଗଳବାର କିଂବଦନ୍ତି ଖେଳାଳି ତଥା ୭ ଥର ବାଲନ୍ ଡି’ଓର୍ ପୁରସ୍କାର ବିଜେତା ମେସି ପେନାଲ୍ଟିରୁ ପ୍ରଥମ ଗୋଲ୍ ସ୍କୋର୍ କରି ପ୍ରଥମାର୍ଦ୍ଧ ସୁଦ୍ଧା ଆର୍ଜେଣ୍ଟିନାକୁ ୧-୦ରେ ଆଗୁଆ ରଖିଥିଲେ । ଦ୍ବିତୀୟାର୍ଦ୍ଧରେ କିନ୍ତୁ ସାଉଦି ଖେଳାଳି ସଙ୍କଳ୍ପବଦ୍ଧତାର ସହ ଆସିଥିବା ପ୍ରମାଣିତ କରିଦେଇଥିଲେ। ୪୮ତମ ମିନିଟରେ ଅଲ୍ ସେହରିଙ୍କ ଲୋ ସଟ୍ ମ୍ୟାଚ୍କୁ ବରାବର ସ୍ତରକୁ ନେଇ ଆସିଥିଲା । ୫୩ତମ ମିନିଟ୍ରେ ଅଲ୍ ଦାଓସାରି ପେନାଲ୍ଟି ଏରିଆରୁ ମାରିଥିବା ସଟ୍ ଆର୍ଜେଣ୍ଟିନା ଗୋଲ୍ ପୋଷ୍ଟ ଭିତରକୁ ଚାଲି ଯାଇଥିଲା ।