ଜାତିସଂଘ ସୁରକ୍ଷା ପରିଷଦରେ ଅଧ୍ୟକ୍ଷତା କରିବ ରୁଷିଆ: ୟୁକ୍ରେନ କ୍ଷୁବ୍ଧ, ଯୁଦ୍ଧ ଅପରାଧୀ ଅଭିଯୁକ୍ତ କହି ଉଠାଇଲା ପ୍ରଶ୍ନ
କନକ ବ୍ୟୁରୋ: ୧୫ମାସ ପରେ ପୁଣି ଥରେ ମିଳିତ ଜାତିସଂଘ ସୁରକ୍ଷା ପରିଷଦର ଅଧ୍ୟକ୍ଷତା ଗ୍ରହଣ କରିଛି ରୁଷିଆ । ଯାହାକୁ ବିରୋଧ କରିବା ସହ ପ୍ରଶ୍ନ ଉଠାଇଛି ୟୁକ୍ରେନ । ୟୁକ୍ରେନ କହିଛ ଜଣେ ଯୁଦ୍ଧ ଅପରାଧୀ ଅଭିଯୁକ୍ତକୁ ଅଧ୍ୟକ୍ଷତା ପାଇଁ କାହିଁକି ମିଳିଲା ସୁଯୋଗ ? ୧୫ ସଦସ୍ୟ ବିଶିଷ୍ଟ ଜାତିସଂଘ ପରିଷଦରେ ପୂର୍ବରୁ ୨୦୨୨ ଫେବ୍ରୁଆରୀ ମାସ ପାଇଁ ରୁଷ ଅଧ୍ୟକ୍ଷତା କରିଥିଲା । ଆଉ ସେତିକି ବେଳେ ହିଁ ୟୁକ୍ରେନ ଉପରେ ପୂର୍ଣ୍ଣାଙ୍ଗଭାବେ ଆକ୍ରମଣ କରିଥିଲା ।
Kanak News is now on WhatsApp
Join and get latest news updates delivered to you via WhatsApp
ୟୁକ୍ରେନର ବିରୋଧ ସତ୍ୱେ ଯୁଦ୍ଧ ଅପରାଧ ଅଭିଯୁକ୍ତ ରଷିଆ ଜାତିସଂଘ ସୁରକ୍ଷା ପରିଷଦ ଅଧ୍ୟକ୍ଷ ପଦ ଗ୍ରହଣ କରିଛି । ଘଟଣାକୁ ନେଇ ଆପତି ପ୍ରକାଶ କରିଛି ୟୁକ୍ରେନ ଓ କହିଛି ଏହା ଅସଙ୍ଗତ, ଅନୁଚିତ ଓ ବିଧ୍ୱଂସକାରୀ ଅଟେ । ୟୁକ୍ରେନ ରାଷ୍ଟ୍ରପତି ବୋଲଡମିର ଜେଲେନସ୍କି ଟୁଇଟ କରି ବିରୋଧ ଜାରି କରିଛନ୍ତି । ଜେଲେନସ୍କି କହିଛନ୍ତି ଯେଉଁ ଦେଶର ନେତା ଯୁଦ୍ଧ-ଅପରାଧରେ ଅଭିଯୁକ୍ତ ଓ ଯାହାଙ୍କ ବିରୋଧରେ ଅର୍ନ୍ତଜାତୀୟ ଗିରଫ ୱାରେଂଟ ରହିଛି,ଏବେ ତାଙ୍କ ଅଧିନରେ ମିଳିତ ଜାତିସଂଘ ପରିଷଧ ପରିଚାଳିତ ହେବ । ଘଟଣା ଅତ୍ୟନ୍ତ ନିନ୍ଦନୀୟ ଓ ଗ୍ରହଣଯୋଗ୍ୟ ନୁହେଁ ।
ଜାତିସଂଘ ସୁରକ୍ଷା ପରିଷଦର ୧୫ଜଣ ସଦସ୍ୟ ଗୋଟିଏ ଲେଖାଏଁ ପାଳି କରି ପରିଷଦର ଅଧ୍ୟକ୍ଷ ପଦ ଗ୍ରହଣ କରିଥାନ୍ତି । ୨୦୨୨ ଫେବ୍ର୍ରୁଆରୀ ମାସରେ ରୁଷ ଯେତେବେଳେ ପରିଷଦର ଅଧ୍ୟକ୍ଷ ଥିଲା ସେତେବେଳେ ୟୁକ୍ରେନ ବିରୋଧରେ ଯୁଦ୍ଧ ଆରମ୍ଭ କରିଥିଲା ।
ୟୁକ୍ରେନ ଉପରେ ବର୍ବରତା କରୁଛି ରୁଷିଆ । ଆଉ ଏବେ ଜାତିସଂଘ ସୁରକ୍ଷା ପରିଷଦ ଅଧ୍ୟକ୍ଷ ପଦ ଗ୍ରହଣ ଘଟଣାକୁ ସହଜରେ ଗ୍ରହଣ କରିପାରୁନି ୟୁକ୍ରେନ । ୟୁକ୍ରେନ ବିଦେଶମନ୍ତ୍ରୀ ଡିମିଟ୍ରୋ କୁଲେବା କହିଛନ୍ତି ରୁଷର ଅଧ୍ୟକ୍ଷତା ଏକ ବିଭତ୍ସ ଉପହାସ । ଅର୍ନ୍ତଜାତୀୟ ସୁରକ୍ଷା ଢାଂଚା ଭୁଲ ଦିଗରେ ଗତି କରୁଥିବା ଏଥିରୁ ପ୍ରମାଣିତ ହେଉଛି ।