କନକ ବ୍ୟୁରୋ: ଆଜି ଚାଲିପାରିଲାନି ବିଧାନସଭା । ଚାଷୀ ସମସ୍ୟାକୁ ନେଇ ବିଜେପି ବିଧାୟକଙ୍କ ହୋହଲ୍ଲା । ହାତରେ ପୋଷ୍ଟର ଧରି ପୋଡିୟମ ତଳେ ନାରାବାଜି କରିଛନ୍ତି ବିଜେପି ବିଧାୟକମାନେ । ଫଳରେ ସାଢେ ୧୧ ଟା ଯାଏ ଗୃହ ମୁଲତବୀ ଘୋଷଣା କରିଥିଲେ ବାଚସ୍ପତି ।
Kanak News is now on WhatsApp
Join and get latest news updates delivered to you via WhatsApp
ଚାଷୀଙ୍କୁ ସହାୟତା ଲାଗି ୨ଶହ କୋଟିର ପ୍ୟାକେଜ ଘୋଷଣା ହୋଇଛି । ହେଲେ କେଉଁମାନେ ସହାୟତା ପାଇବେ ସେନେଇ କୌଣସି ନିଷ୍ପତି ନିଆଯାଇନି । ମନ୍ତ୍ରୀମାନେ ବିଧାନସଭାରେ କାଠ କଣ୍ଡେଇ ସାଜିଛନ୍ତି । ମନ୍ତ୍ରୀମାନେ କିଛି ଜାଣୁନାହାନ୍ତି, ଅଫିସର ଦେଉଥିବା ଚିଠିକୁ ବିଧାନସଭାରେ ମନ୍ତ୍ରୀମାନେ ଆସି ପଢ଼ୁଥିବା କହିଛନ୍ତି ମୋହନ ମାଝୀ । ବିଧାନସଭା ଘେରାଉ କରିବାକୁ ଭାରତୀୟ ଜନତା ପାର୍ଟି ନେତା ଓ କର୍ମୀଙ୍କ ରାଲି କରୁଥିବା ଦେଖିବାକୁ ମିଳିଛି ।