ଯାତ୍ରାରେ ଆଇଟମ୍ ଗାର୍ଲ ମନା : କିଏ କଲେ ବିରୋଧ ?
କନକ ବ୍ୟୁରୋ : ଯାତ୍ରାରେ ଆଇଟମ ଗାର୍ଲ ମନା । ଯାତ୍ରା ପେଣ୍ଡାଲରେ ଆଇଟମ ଗାର୍ଲ ନାଚିବା ବିରୋଧରେ ସ୍ୱର ଉଠାଇଛନ୍ତି ଯାତ୍ରା କଳାକାର । ପଟ୍ଟାମୁଣ୍ଡାରେ ରାଜଧାନୀ ଅପେରାରେ ଏଭଳି ଘଟଣା ଘଟିଛି । ଏହି ଅପେରାରେ ଜଣେ ଅଭିନେତ୍ରୀଙ୍କୁ ଡ୍ୟାନ୍ସ ପାଇଁ ଯାତ୍ରା ପରିଚାଳନା କମିଟି ଡାକିଥିଲେ ।
Kanak News is now on WhatsApp
Join and get latest news updates delivered to you via WhatsApp
ହେଲେ ଏହାକୁ ବିରୋଧ କରିଥିଲେ ସେହି ପାର୍ଟିରେ କାମ କରୁଥିବା ଯାତ୍ରା ଜଗତର ହାସ୍ୟ ଅଭିନେତା ଦୟାଙ୍କ ସମେତ ଅନ୍ୟ କିଛି କଳାକାର । ଆଇଟମ ଗାର୍ଲ ନିଶା ମହାରଣା ଓରଫ୍ ଝିଲି ମଲିକ ନାଚିଲେ ସେମାନେ ଅଭିନୟ କରିବେ ନାହିଁ ବୋଲି ଜିଦ ଧରିଥିଲେ । ଏହାପରେ ନିଶାଙ୍କ ସହ ଚୁକ୍ତି ବାତିଲ କରାଯାଇ କାର୍ଯ୍ୟକ୍ରମ ରଦ୍ଦ ହୋଇଛି । ଆଉ ଓଲିଉଡ ଅଭିନେତ୍ରୀ ରିୟା ଦେ ଆସିବେ ବୋଲି ଘୋଷଣା ହୋଇଛି ।