କାର ସହ ରେଳ ଇଞ୍ଜିନ ଧକ୍କା। ଦାମନଯୋଡୀ ନିକଟରେ ଦୁର୍ଘଟଣା।
କନକ ବ୍ୟୁରୋ: ଫାଟକବିହୀନ ଲେବେଲ୍ କ୍ରସିଂରେ କାର୍ ସହ ରେଳ ଇଞ୍ଜିନ୍ ଧକ୍କା । ଦୁର୍ଘଟଣାରେ ୩ ଗୁରୁତର ଆହତ ହୋଇଛନ୍ତି । କୋରାପୁଟ ଜିଲ୍ଲା ଅନ୍ତର୍ଗତ ଦାମନଯୋଡି ରେଳଷ୍ଟେସନ ଓ ବାରିଗୁଡା ରେଳଷ୍ଟେସନ ମଧ୍ୟବର୍ତୀ ଅଞ୍ଚଳର କିଲାର ଗ୍ରାମ ଲେବୁଲ କ୍ରସିଂଠାରେ ରେଳ ଦୁର୍ଘଟଣା ଘଟିଛି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ଅନୁସାରେ, ଆମ୍ବଗାଁ କିଲାର ଲେବୁଲ କ୍ରସିଂରେଏକ କାରକୁ ଟ୍ରେନ୍ ଇଞ୍ଜିନ ଧକ୍କା ଦେବା ଫଳରେ ଦୁର୍ଘଟଣାରେ ତିନିଜଣ କାର୍ ଆରୋହୀ ଗୁରୁତର ଆହତ ହୋଇଛନ୍ତି । ଆହତଙ୍କୁ ଦାମନଯୋଡି ନାଲକୋ ଡାକ୍ତରଖାନାରେ ଚିକିତ୍ସା କରାଯାଉଛି । ଘଟଣାସ୍ଥଳରେ ଦାମନଯୋଡି ପୋଲିସ ସମେତ ରେଲ୍ୱେ ପୋଲିସ୍ ଫୋର୍ସ ପହଞ୍ଚି ଘଟଣାର ତଦନ୍ତ କରୁଥିବା ଜଣାପଡ଼ିଛି । ସୂଚନା ଅନୁସାରେ ଓଡି-୧୦ଡି-୭୪୭୩ କାର ଯୋଗେ ସେମିଳିଗୁଡାରୁ ଉକ୍ତ ଲେବେଲ୍ କ୍ରସିଂ ଅତିକ୍ରମ କରି ପୁଞ୍ଜିସିଲ୍ ପର୍ଯ୍ୟଟନ କ୍ଷେତ୍ର ଆଡକୁ ଯାଉଥିବା ସମୟରେ ଏକ ରେଳ ଇଞ୍ଜିନ୍ ସହିତ କାରର ଧକ୍କା ହୋଇ ଦୁର୍ଘଟଣା ଘଟିଥିଲା ।