ଭୁବନେଶ୍ୱର ବ୍ୟୁରୋ, କନକ ନ୍ୟୁଜ୍ :ମୋଦିଙ୍କୁ ନବୀନଙ୍କ ଜବାବ । ବାଲେଶ୍ୱରରେ ବିଜେପିର ବିକାଶ ଉତ୍ସବରେ ମୋଦିଙ୍କ ପ୍ରଶ୍ନର ଆଜି ଭୁବନେଶ୍ୱରରେ ଜବାବ ରଖିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । କହିଛନ୍ତି, ତାଙ୍କ ସରକାର ପ୍ରଚାରରେ ନୁହେଁ କାମରେ ବିଶ୍ୱାସ କରେ । ଖାଲି ଏତିକି ନୁହେଁ, ମୋଦି ସରକାରଙ୍କୁ ଟାର୍ଗେଟ କରିବାକୁ ପଛାଇ ନାହାନ୍ତି ନବୀନ । କହିଛନ୍ତି, କେନ୍ଦ୍ର ସରକାରଙ୍କ ପାଇଁ ଦରଦାମ ବଢୁଛି ଏବଂ ସାଧାରଣ ଲୋକେ ଅସୁବିଧାରେ ପଡୁଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ତେବେ ମନ୍ତ୍ରୀଙ୍କ ରିପୋର୍ଟ କାର୍ଡ ସହ ଜବାବ ରଖିଛନ୍ତି ନବୀନ। ଅଧିକାଂଶ ବିଭାଗର କାର୍ଯ୍ୟ ବେଶ ପ୍ରଶଂସନୀୟ କହିବା ସହ କିଛି ନିର୍ଦ୍ଦିଷ୍ଟ ଦିଗରେ ଉନ୍ନତି ଆଣିବାର ଆବଶ୍ୟକତା ଅଛି ବୋଲି କହିଛନ୍ତି ନବୀନ । ତେବେ ଏହା ଭିତରେ ନବୀନ ଉଠାଇଛନ୍ତି କେନ୍ଦ୍ର ଅବହେଳାର କଥା । କେନ୍ଦ୍ର-ରାଜ୍ୟ ସ୍କିମ ବାବଦ ଅଂଶ ବଦଳିବା ପରେ ଓଡିଶା କ୍ଷତିଗ୍ରସ୍ତ ହୋଇଥିବା କହିଛନ୍ତି ନବୀନ । ଫଳରେ ଯଥେଷ୍ଟ ବିକାଶ କରିନଥିବା ଓଡିଶା ଏହାଦ୍ୱାରା ପ୍ରଭାବିତ ହୋଇଛି । ଏହି ପ୍ରେସମିଟରେ ସରକାରର ୧୦ଟି ଉପଲବ୍ଧିର ତାଲିକା ଦେଇଛନ୍ତି । ତେବେ ୧୭ ବର୍ଷରେ ପ୍ରଥମ ଥର ନବୀନ ଦେଇଛନ୍ତି ସରକାରର ହିସାବ ।