୫ ଅଭିଯୁକ୍ତଙ୍କ ସହ ୪୩ ଲକ୍ଷ ଟଙ୍କା ମୂଲ୍ୟର କସମେଟିକ୍ ସାମଗ୍ରୀ ଜବତ କଲା ପୋଲିସ। ରାମଗଡ଼ ସ୍ଥିତ ଆର୍ମି କ୍ୟାଣ୍ଟିନ ଯାଉଥିଲା କସମେଟିକ୍ ସାମଗ୍ରୀ।
କନକ ବ୍ୟୁରୋ: ହାତରେ ଶାବଳ, ଛୁରୀ ଧରି ଆସୁଥିଲେ, ଘର କାନ୍ଥ ତାଡୁଥିଲେ ଆଉ ମୁହଁରେ ମୁଖା ପିନ୍ଧି ଘଟଣାସ୍ଥଳରୁ ସହଜରେ ଖସି ଯାଉଥିଲେ । ଦୀର୍ଘ ଦିନ ହେବ ୪ଟି ଜିଲ୍ଲାରେ ଲୁଟର ସାମ୍ରାଜ୍ୟ ବିସ୍ତାର କରିଥିବା ୪ଜଣ ଲୁଟେରାକୁ ଗିରଫ କରିଛି ଉଦଳା ପୋଲିସ୍ । ସ୍ଥାନୀୟ ଥାନା ବରବାଡି କେନାଲ ଛକ ନିକଟରେ ବିଳମ୍ବିତ ରାତିରେ ଲୁଟ୍ ନିମନ୍ତେ ପ୍ରସ୍ତୁତି କରୁଥିବା ବେଳେ ଚଢାଉ କରିଥିଲା ଉଦଳା ପୋଲିସ୍ । ଘଟଣାସ୍ଥଳରୁ ଜଣେ ଲୁଟେରା କୌଶଳକ୍ରମେ ଖସିଯାଇଥିବା ବେଳେ ୪ଜଣ ଆନ୍ତଃଜିଲ୍ଲା ଲୁଟେରାଙ୍କୁ ଗିରଫ କରିଛି ଉଦଳା ପୋଲିସ୍ । ଲୁଟେରାମାନେ ଭଦ୍ରକ ଜିଲ୍ଲା ଅଞ୍ଚଳର ହୋଇଥିବା ବେଳେ ଏମାନେ ଦୀର୍ଘ ବର୍ଷ ହେବ ମୟୂରଭଞ୍ଜ, ବାଲେଶ୍ୱର ସମେତ ଭଦ୍ରକ ଜିଲ୍ଲାର ବିଭିନ୍ନ ସ୍ଥାନରେ ଲୁଟତରାଜ ଜାରି ରଖିଥିଲେ ।
Kanak News is now on WhatsApp
Join and get latest news updates delivered to you via WhatsApp
ତେବେ ପୋଲିସ୍ ଏମାନଙ୍କୁ ଧରିବା ପରେ ସେମାନେ ଲୁଟ୍ କରିବା ନିମନ୍ତେ ବ୍ୟବହାର କରୁଥିବା ଶାବଳ, ଛୁରୀ, ପ୍ଲାସ୍ ସମେତ ଅନେକ ମାରଣାସ୍ତ୍ର ଏବଂ ୫ ଗୋଟି ମୋବାଇଲ୍ ପୋଲିସ୍ ଜବତ କରିଛି । ଗିରଫ ଲୁଟେରାମାନେ ହେଲେ ଚଣା ମୁଣ୍ଡା, ବାପୁନ ସିଂ, ରାଜା ମୁଣ୍ଡା ଏବଂ ଚଗୁଲୁ ମୁଣ୍ଡା । ଏହି ଲୁଟେରାମାନେ ପୂର୍ବରୁ ଉଦଳା, କପ୍ତିପଦା ଅଂଚଳରେ ହୋଇଥିବା ବିଭିନ୍ନ ଘରୁ ସିନ୍ଧି କରି ଲୁଟ୍ ଘଟଣାରେ ସଂପୃକ୍ତ ରହିଥିବା ପୋଲିସ୍ କହିଛି ।
ସେହିପରି ଲୁଟ୍ ସାମଗ୍ରୀ ବିକ୍ରି କରିବା ପୂର୍ବରୁ ରାଉରକେଲା ପୋଲିସ ସାମଗ୍ରୀ ଗୁଡ଼ିକୁ ଜବତ କରିଛି । ବିହାର ପାଟନା ସ୍ଥିତ ୟୁନିଲିଭର କମ୍ପାନୀ ଗୋଦାମରୁ ୪୩ଲକ୍ଷ ଟଙ୍କା ମୂଲ୍ୟର କସମେଟିକ୍ ସାମଗ୍ରୀ ବୋଝେଇ ଟ୍ରକ୍ ଯାଉଥିଲା ଝାରଖଣ୍ଡ ରାମଗଡ଼ ସ୍ଥିତ ଆର୍ମି କ୍ୟାଣ୍ଟିନ୍ । ଏହି ସବୁ ସାମଗ୍ରୀ ଗୁଡ଼ିକୁ ଲୁଟେରା ମାନେ ଓଡ଼ିଶାରେ ବିକ୍ରି କରିବା ଉଦ୍ଦେଶ୍ୟରେ ଗ୍ୟାରେଜରେ ଟ୍ରକ୍ ନମ୍ବର ପ୍ଲେଟ୍ ବଦଳାଇଥିଲେ । ରଙ୍ଗ ବଦଳାଇ ପୋଲିସ ଆଖିରେ ଧୂଳିଦେବା ପାଇଁ ଯୋଜନା କରିଥିଲେ ଦୁର୍ବୃତ୍ତ । ଏମିତି ଏକ ଗ୍ୟାଙ୍ଗର ପର୍ଦ୍ଦାଫାଶ କରିଛି ରାଉରକେଲା ରଘୁନାଥପୁର ପୋଲିସ । ୧୨ଶହ ୮ ପେଟି କସମେଟିକ୍ ସାମଗ୍ରୀ, ନଗଦ ୬୦ ହଜାର ଟଙ୍କା, ଗୋଟିଏ ସ୍କର୍ପିଓ କାର, ଗୋଟିଏ ହୁଣ୍ଡାଇ କାର, ୪ଟି ମୋବାଇଲ ।