କ୍ଷଣିକ ମଜା ପାଇଁ ଚାଲିଯାଉଛି ନିରୀହଙ୍କ ଜୀବନ ! କେଉଁଠି ଶୁଆ ଫାଶୀ ଦେଲା ଭଳି ଦିଶୁଛି ତ ଆଉ କେଉଁଠି ସୂତାରେ ଛଟପଟ ହେଉଛି ପାରା , କ’ଣ ଏ ହେଉଛି ଆମ ପରମ୍ପରା ?
ଲୋକଙ୍କ କ୍ଷଣିକ ମଜା ଯେ ନିରୀହଙ୍କ ପାଇଁ କେତେ ଘାତକ ସାବ୍ୟସ୍ତ ହେବ ଏହାର ଏକ ଜ୍ୱଳନ୍ତ ଉଦାହରଣ ଏବେ ସୋସିଆଲ୍ ମିଡିଆରେ ଘୁରୁବୁଲୁଛି । ଗୋଟିଏ ଗଛରେ ବସିଥିବା ଶୁଆ କିପରି ଭାବେ ଫାଶି ଦେଲା ପରି ଓହଳି ରହିଛି ଏହାକୁ ଦେଖି ସମସ୍ତେ ଏବେ ହତବାକ୍ ହୋଇଉଠୁଛନ୍ତି । ଘଟଣା ଏଇ ମକର ସଂକ୍ରାନ୍ତି ଉତ୍ସବର ।
Kanak News is now on WhatsApp
Join and get latest news updates delivered to you via WhatsApp
ସାରା ଦେଶରେ ମକର ସଂକ୍ରାନ୍ତି ଖୁବ୍ ଧୁମଧାମରେ ପାଳନ କରାଯାଉଥିବା ବେଳେ ଗୁଡିଉଡା ପରମ୍ପରା ମଧ୍ୟ ଏଥିରେ ସାମିଲ ହୋଇଥାଏ । ଛାତ ଉପରେ,ଖୋଲା ପଡିଆରେ ଇତ୍ୟାଦି ଅନେକ ସ୍ଥାନରେ ଲୋକମାନେ ଗୁଡି ଉଡାଇବାର ମଜା ତ ନେଇଗଲେ କିନ୍ତୁ ଏହାଦ୍ୱାରା ଯେ କେତେ ନିରୀହଙ୍କ ଜୀବନ ଚାଲିଗଲା ସେ ବିଷୟରେ କେହି ଚିନ୍ତା ମଧ୍ୟ କରିପାରିଲେନି । ସୋସିଆଲ୍ ମିଡିଆରେ ଏହି ଉତ୍ସବ ପରର ଦୃଶ୍ୟ ଏବେ ଭାଇରାଲ୍ ହେଉଛି । ଯାହାକୁ ଦେଖି କେହି ଗୁଡି ଉଡାଇବା ପାଇଁ ଚେଷ୍ଟା ମଧ୍ୟ କରିବେ ନାହିଁ ।
ସୋସିଆଲ୍ ମିଡିଆରେ ଏକ ଶୁଆର ଫଟୋ ଭାଇରାଲ୍ ହେଉଛି । ମକର ସଂକ୍ରାନ୍ତି ଭଳି ଏକ ଉତ୍ସବ ଅବସରରେ ଶୁଆଟି ଫାଶୀ ଦେଲା ଭଳି ଗଛରେ ଝୁଲିରହିଛି । ଫଟୋଟି ଏତେ ମାତ୍ରାରେ ସେୟାର୍ ହେଉଛି ଯେ ଯେ କେହିବି ଏହାକୁ ଦେଖୁଛନ୍ତି ଭାବୁକ ହୋଇପଡୁଛନ୍ତି । ତେବେ ଆପଣଙ୍କୁ କହିରଖୁଛୁ ଭାରତର ଅନେକ ସ୍ଥାନରେ ମକର ସଂକ୍ରାନ୍ତି ଖୁବ୍ ଧୁମଧାମରେ ପାଳନ କରାଯାଏ ଏବଂ ଗୁଡି ଉଡାଯାଏ । ଯାହାର ପରିଣାମ ଏହି ନିରୀହ ପକ୍ଷୀମାନଙ୍କୁ ଭୋଗିବାକୁ ପଡୁଛି । କେବଳ ଏହି ଶୁଆଟି ନୁହଁ ପୂର୍ବରୁ ପାରାମାନଙ୍କୁ ମଧ୍ୟ ଏଭଳି ଦୟନୀୟ ଅବସ୍ଥାରେ ଦେଖିବାକୁ ମିଳିଥିଲା । ସୂତାରେ ଗୁଡାଇ ହୋଇ ଗୋଟିଏ ପରେ ଗୋଟିଏ ପାରା ଛଟପଟ ହୋଇ ତଳେ ପଡୁଥିବା ଫଟୋ ମଧ୍ୟ ଭାଇରାଲ୍ ହେଉଥିଲା ।
ଲୋକଙ୍କ କହିବାନୁସାରେ ଚାଇନାରୁ ଆସୁଥିବା ସୂତା କାରଣରୁ ହିଁ ଏଭଳି ସମସ୍ୟା ସୃଷ୍ଟି ହେଉଛି । କାଚରେ ପ୍ରସ୍ତୁତ ହେଉଥିବା ଏହି ଡୋର ପକ୍ଷୀମାନଙ୍କ ପାଇଁ ଘାତକ ସାଜୁଛି । ମିଡିଆ ରିପୋର୍ଟ ଅନୁସାରେ ଚଳିତବର୍ଷ ମକର ସଂକ୍ରାନ୍ତି ପର୍ବରେ ନାସିକରେ ସୂତା ସଂସ୍ପର୍ଶରେ ଆସି ୧୮ ଟି ପକ୍ଷୀ ଜୀବନ ହାରିଲେ ଏବଂ ୪୦ ଆହତ ହେଲେ । କେବଳ ଏତିକି ନୁହଁ ଗୁଜୁରାଟରେ ମକର ସଂକ୍ରାନ୍ତିର ପୂର୍ବଦିନ ୪୭୨ ଏବଂ ପରଦିନ ୨୭୨ ଟି ପକ୍ଷୀଙ୍କୁ ଏକ ଚାରିଟେବଲ୍ ଟ୍ରଷ୍ଟ୍ ରେ ଚିକିତ୍ସା ପାଇଁ ଭର୍ତ୍ତି କରାଯାଇଥିଲା । ପକ୍ଷୀ ତ ପକ୍ଷୀ ଜୟପୁରରେ ୩୦୦ ଜଣ ଲୋକ ମଧ୍ୟ ଏହି ସୂତା ସଂସ୍ପର୍ଶରେ ଆସି ଆହତ ହୋଇଥିଲେ । ଏଥିରୁ ଜାଣିପାରୁଥିବେ ଚାଇନିଜ୍ ସୂତା କେତେ ମାରାତ୍ମକ ।
Gujarat: Birds injured during the kite flying in #MakarSankranti receive medical care in Ahmedabad. Vinay Shah, Trustee Jivdaya Charitable Trust says, “Yesterday we received 472 birds & today we’ve received 230 birds. Initially, we give first aid & surgery is done when required.” pic.twitter.com/OrVS3KguOq
— ANI (@ANI) January 15, 2019