କରାଚୀ ମଲ୍ ରେ ପଂଜାବୀ ଗୀତରେ ଠୁମକା ମାରିଲେ ପାକିସ୍ତାନୀ ଯୁବକ, ଭିଡିଓ ହେଲା ଭାଇରାଲ : ଡାନ୍ସରେ ବିଭୋର ହୋଇ ତାଙ୍କ ସହ ଝୁମିଲେ ଜଣେ ବୃଦ୍ଧ
ପାକିସ୍ତାନର କରାଚୀ ସହରର ସପିଙ୍ଗ ମଲ୍ ରେ ଜଣେ ଯୁବକଙ୍କ ଭିଡିଓ ଭାଇରାଲ ହେଉଛି । କରାଚୀ ହାଇପର ଷ୍ଟାର ନାମକ ଏକ ମଲ୍ ରେ ଜଣେ ଯୁବକ ପଂଜାବୀ ଗୀତରେ ମଜା ନେଇ ଡାନ୍ସ କରୁଥିବା ଦେଖିବାକୁ ମିଳିଛି । ମେହରୋଜ୍ ବେଗ୍ ନାମକ ଏହି ଯୁବକର ଏହି ଭିଡିଓ ସୋଶିଆଲ ମିଡିଆରେ ଧମାଲ କରୁଛି । ଏହାକୁ ଏପର୍ଯ୍ୟନ୍ତ ପାଖାପାଖି ୭୦ ଲକ୍ଷ ଲୋକ ଦେଖିସାରିଛନ୍ତି । ୨୧ ବର୍ଷୀୟ ମେହରୋଜ୍ ବେଗ୍ ନିଜ ଫେସବୁକ୍ ପେଜ୍ ରେ ଏହି ଭିଡିଓକୁ ପୋଷ୍ଟ କରିଛନ୍ତି । ସେ କହିଛନ୍ତି କି ଏହି ଡାନ୍ସ ସେ ଡେୟର ଗେମ୍ ପାଇଁ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ମିଡିଆ ରିିପୋର୍ଟ ଅନୁସାରେ, ତାଙ୍କୁ କେହି ଜଣେ ମଲ୍ ରେ ଡାନ୍ସ କରିବାକୁ ଚ୍ୟାଲେଂଜ କରିଥିଲେ, ଯାହାକୁ ସେ ଏହି ଅନ୍ଦାଜରେ ସ୍ୱୀକାର କରିଥିଲେ । ପଂଜାବୀ ହିଟ୍ ଗୀତ ‘ଲଙ୍ଗ ଲାଚି’ରେ ମେହରୋଜଙ୍କ ଡାନ୍ସ ସୋଶିଆଲ ମିଡିଆରେ ଖୁବ୍ ଭାଇରାଲ ହେଉଛି । ଏହି ଭିଡିଓରେ ଆଗକୁ ଦେଖିବାକୁ ମିଳିଛି ଶେଷରେ ମେହରୋଜଙ୍କ ଡାନ୍ସ ମଲ୍ ରେ ଥିବା ଜଣେ ବୃଦ୍ଧଙ୍କୁ ଏତେ ପସନ୍ଦ ହେଲା ଯେ, ସେ ମଧ୍ୟ ତାଙ୍କ ସହିତ ଷ୍ଟେପ ମିଶାଇଲେ । ଏହି ଭିଡିଓକୁ ୯ ଜୁଲାଇରେ ଅପଲୋଡ୍ କରାଯାଇଥିଲା । ଏତେ କମ୍ ସମୟରେ ଭିଡିଓକୁ ଏପର୍ଯ୍ୟନ୍ତ ୭୦ ଲକ୍ଷ ଲୋକ ଦେଖିସାରିଲେଣି ।