‘ଛିଛୋରା’ ଭାଇଜାନ୍ ! ବଲିଉଡ୍ ସୁଲତାନଙ୍କୁ ପାକିସ୍ତାନୀ ନାୟିକାଙ୍କ କଟାକ୍ଷ୍ୟ
ପାକିସ୍ତାନର ଜଣେ ନାମକରା ନାୟିକା ଏବଂ ଆଗାମୀ ଦିନରେ ବଲିଉଡ୍ ଜଗତରେ ନଜର ଆସିବାକୁ ଯାଉଥିବା ସବା କମର ନିକଟରେ କିଛି ଏଭଳି ମନ୍ତବ୍ୟ ଦେଇ ଆସିଛନ୍ତି ଚର୍ଚ୍ଚାରେ । ତେବେ ସବା କମର ଏକ ଟକ୍ ଶୋରେ ଯୋଗଦେଇ ଭାରତୀୟ କଳାକାରଙ୍କୁ ପରିହାସ କରିଥିଲେ । ଆଉ ଏହି ଥଟ୍ଟାମଜାରେ ସେ ବଲିଉଡ୍ ସୁପରଷ୍ଟାର ସଲମାନ ଖାନଙ୍କୁ ମଧ୍ୟ ଛାଡି ନଥିଲେ । ସବା ଏହି ଶୋରେ ସଲମାନଙ୍କୁ କହିଥିଲେ ‘ଛିଛୋରା’ । ଖାଲି ସେତିକିରେ ତାଙ୍କ ମନ ଭରିନଥିଲା ସେ ହିତ୍ରିକ ରୋସନଙ୍କୁ ମଧ୍ୟ ୨ଟି ପିଲାର ବାପା ମଧ୍ୟ କହିପକାଇଥିଲେ ।
Kanak News is now on WhatsApp
Join and get latest news updates delivered to you via WhatsApp
ତେବେ ପରବର୍ତ୍ତୀ ସମୟରେ ସେ ତାଙ୍କର ମତ ବଦଳାଇ କହିଥିଲେ ତାଙ୍କ ହୃଦୟରେ ସମସ୍ତ ଭାରତୀୟ କଳାକାରଙ୍କ ପ୍ରତି ପ୍ରେମ ଓ ସମ୍ମାନ ଭରି ରହିଛି । ଯଦିଓ ସବାଙ୍କର ଏହି କଥାଟି ତାଙ୍କ ପାଇଁ ଥଟ୍ଟାମଜାର ପ୍ରସଙ୍ଗ ହୋଇ ଥାଇପାରେ ମାତ୍ର ତାଙ୍କର ଏଭଳି ମନ୍ତବ୍ୟକୁ ଭାରତୀୟମାନେ ନାପସନ୍ଦ କରିଛନ୍ତି ।