ଭାରତର ଷ୍ଟିଲ୍ ହବ୍ ହେବ ଓଡ଼ିଶା : ରାଜ୍ୟ ସରକାରଙ୍କ ସହଯୋଗରେ ରାଜ୍ୟର ବିକାଶ ଗାଡ଼ି ଗଡ଼ିବ ବୋଲି କହିଲେ କେନ୍ଦ୍ରମନ୍ତ୍ରୀ
କନକ ବ୍ୟୁରୋ : ଭାରତର ଷ୍ଟିଲ୍ ହବ୍ ହେବ ଓଡ଼ିଶା । କ୍ଷୁଦ୍ର ଓ କୂଟୀର ଶିଳ୍ପର ପୁନରୁଦ୍ଧାର କରାଯିବ । ଓଡ଼ିଶା ବିନା ଭାରତରେ ଷ୍ଟିଲ୍ ଇଣ୍ଡଷ୍ଟ୍ରିର କଳ୍ପନା କରିହେବ ନାହିଁ । ଭାରତ ପୃଥିବୀର ଦ୍ୱିତୀୟ ଷ୍ଟିଲ ଉତ୍ପାଦନକାରୀ ଦେଶ । ପୃଥିବୀର ଏକମାତ୍ର ଅଂଚଳ ଯେଉଁଠି ଷ୍ଟିଲସେକ୍ଟରେ ୬ରୁ ୮ ପ୍ରତିଶତ ଅଭିବୃଦ୍ଧି ହାର ରହିଛି । ତେଣୁ ସ୍ୱାଭାବିକ ଭାବେ ଏହାର ଲାଭ ଓଡ଼ିଶାକୁ ମିଳିବା ଆବଶ୍ୟକ ବୋଲି କହିଛନ୍ତି ଇସ୍ପାତ, ପେଟ୍ରୋଲିୟମ, ଗ୍ୟାସ ମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ଓଡ଼ିଶା ସରକାରଙ୍କ ସହଯୋଗରେ ଓଡ଼ିଶାର ଯୁବକ ଓ ରାଜସ୍ୱ ପାଇଁ ତଥା ଭାରତ ବର୍ଷର ବିକାଶ ପାଇଁ ଓଡ଼ିଶାକୁ ଷ୍ଟିଲ୍ ମାନୁଫାକ୍ଚରିଂ ହବ୍ ତିଆରି କରିବା ପାଇଁ ଚେଷ୍ଟା କରାଯିବ ।
Kanak News is now on WhatsApp
Join and get latest news updates delivered to you via WhatsApp
ଏହାବ୍ୟତୀତ ସେ କହିଛନ୍ତି ଦ୍ୱିତୀୟ ଥର ପାଇଁ ଭଗବାନ ଜଗନ୍ନାଥଙ୍କ ଆଶିର୍ବାଦରୁ ଦେଶରେ ଏକ ଲୋକ କଲ୍ୟାଣକାରୀ ସରକାର ପୁନର୍ବାର ଗଠନ ହୋଇପାରିଛି । ପୁଣି ଥରେ କେନ୍ଦ୍ରରେ ନରେନ୍ଦ୍ର ମୋଦିଙ୍କ ନେତୃତ୍ୱରେ ବିଜେପି ସରକାର ଗଢ଼ିଛି । ଅଭୁତପୂର୍ଣ୍ଣ ଜନ ଆଶିର୍ବାଦ ତଥା ଅଭୁତପୂର୍ବ ସଫଳତା ପାଇଁ ପ୍ରଧାନମନ୍ତ୍ରୀ ମୋଦିଙ୍କ ପାଇଁ ସଫଳ ହୋଇଛି । ଆଗାମୀ ସମୟରେ ମନପ୍ରାଣ ଦେଇ ଦେଶ ହିତରେ କାମ କରିବା ପାଇଁ ଲାଗିବୁ ବୋଲି କହିଛନ୍ତି ।
ସୂଚନାଯୋଗ୍ୟ ଜଗନ୍ନାଥଙ୍କ ଦର୍ଶନ କରିଛନ୍ତି ୨ ଓଡିଆ କେନ୍ଦ୍ର ମନ୍ତ୍ରୀ । କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପଧାନ ଓ ପ୍ରତାପ ଷଡଙ୍ଗୀ ପୁରୀ ଗସ୍ତରେ ଯାଇ ଜଗନ୍ନାଥଙ୍କ ଦର୍ଶନ କରି ଆଶୀର୍ବାଦ ନେଇଛନ୍ତି । କେନ୍ଦ୍ରରେ ମନ୍ତ୍ରୀ ଭାର ସମ୍ଭାଳିବା ପରେ ପ୍ରଥମ ଥର ଓଡିଶା ଗସ୍ତରେ ଆସିଛନ୍ତି ୨ ଓଡିଆ ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଓ ପ୍ରତାପ ଷଡଙ୍ଗୀ । ଆଜି ଦିଲ୍ଲୀରୁ ବିମାନ ଯୋଗେ ଭୁବନେଶ୍ୱରରେ ପହଞ୍ଚିବା ପରେ ୨ କେନ୍ଦ୍ରମନ୍ତ୍ରୀଙ୍କୁ ବିପୁଳ ସ୍ୱାଗତ ସମ୍ବର୍ଦ୍ଧନା ଦେଇଥିଲେ ଦଳୀୟ କର୍ମୀ । ବିଜେପି କର୍ମୀ ବାଜା ବାଣ ପଟୁଆରରେ ସ୍ୱାଗତ କରିଥିଲେ କର୍ମୀମାନେ । ମୋଦି ସରକାର ଗଠନ ହେବା ପରେ ପ୍ରଥମ ଥର ପାଇଁ ଓଡିଶା ଆସିଛନ୍ତି ଇସ୍ପାତ, ପେଟ୍ରୋଲିୟମ, ଗ୍ୟାସ ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଏବଂ ଏମଏସଏମଇ, ମତ୍ସ୍ୟ ଓ ପଶୁ ସମ୍ପଦ ମନ୍ତ୍ରୀ ପ୍ରତାପ ଷଡଙ୍ଗୀ ।