ସାରଙ୍କ ଦାବି ମାନିଲେ ସରକାର ! ଶିକ୍ଷା ସହାୟକଙ୍କ ଆନ୍ଦୋଳନ ପ୍ରତ୍ୟାହାର, ସପ୍ତମ ବେତନ କମିଶନ ସୁପାରିଶ ଅନୁଯାୟୀ ୨୫ପ୍ରତିଶତ ଦରମା ବୃଦ୍ଧି ସାଙ୍ଗକୁ ମୃତ୍ୟୁକାଳୀନ ସହାୟତା ରାଶି ୨ଲକ୍ଷକୁ ବୃଦ୍ଧି
କନକ ବ୍ୟୁରୋ: ଆନ୍ଦୋଳନରୁ ହଟିଲେ ଶିକ୍ଷା ସହାୟକ । ଶିକ୍ଷକଙ୍କ ୪ଟି ଦାବି ମାନି ନେଇଛନ୍ତି ସରକାର । ଏହାପରେ ଆନ୍ଦୋଳନ ପ୍ରତ୍ୟାହାର ନେଇ ସୂଚନା ଦେଇଛନ୍ତି ଗଣଶିକ୍ଷା ମନ୍ତ୍ରୀ ବଦ୍ରି ନାରାୟଣ ପାତ୍ର । ଆସନ୍ତାକାଲିଠାରୁ ଶିକ୍ଷା ସହାୟକଙ୍କୁ ବିଦ୍ୟାଳୟରେ ଯୋଗଦେବାକୁ ଅନୁରୋଧ କରିଛନ୍ତି ମନ୍ତ୍ରୀ । ଏଣିକି ଶିକ୍ଷା ସହାୟକଙ୍କୁ ଜୁନିୟର ଟିଚର ଭାବେ ଜଣାଯିବ । ସପ୍ତମ ବେତନ କମିଶନ ଅନୁସାରେ ଶିକ୍ଷା ସହାୟକଙ୍କ ଦରମା ୨୫ପ୍ରତିଶତ ବୃଦ୍ଧି କରିବା ପାଇଁ ରାଜି ହୋଇଛନ୍ତି ସରାକର । ସେହିପରି ମୃତ୍ୟୁକାଳୀନ ସହାୟତା ରାଶିକୁ ୨ଲକ୍ଷକୁ ବୃଦ୍ଧି କରିବା ଦାବିକୁ ବି ମାନିଛନ୍ତି ସରକାର ।
Kanak News is now on WhatsApp
Join and get latest news updates delivered to you via WhatsApp
ଉଲ୍ଲେଖ ଥାଉ କି, ଶିକ୍ଷା ସହାୟକଙ୍କ ତରଫରୁ ଉପସ୍ଥାପନା କରାଯାଇଥିବା ୭ଟି ଦାବି ମଧ୍ୟରୁ ୪ଟି ଦାବି ମାନିଛନ୍ତି ସରକାର । ସପ୍ତମ ବେତନ କମିଶନ ସୁପାରିଶ ଅନୁସାରେ ଶିକ୍ଷା ସହାୟକ ମାନଙ୍କ ଦରମାର ୪୦ ପ୍ରତିଶତ ରାଜ୍ୟ ସରକାର ଦେବାକୁ ରାଜି ହୋଇଛନ୍ତି । ସେହିପରି, ଶିକ୍ଷା ସହାୟକଙ୍କ ନାଁ ପରିବର୍ତନ କରିବାକୁ ମଧ୍ୟ ଶିକ୍ଷା ବିଭାଗ ରାଜି ହୋଇଛି ।
ନିଯୁକ୍ତିର ପ୍ରଥମରୁ ତିନିବର୍ଷ ଯାଏଁ ଏମାନଙ୍କ ନାଁ ରହିବ ଜୁନିୟର ଟିଚର କଂଟ୍ରାକ୍ଟ । ତିନିବର୍ଷରୁ ୬ ବର୍ଷ ଯାଏଁ ଜୁନିୟର ଟିଚର ଓ ପରେ ରେଗୁଲାର ଟିଚର ଭାବେ କାମ କରିବେ ବୋଲି ସହମତି ହୋଇଛି । ଦରମା ବୃଦ୍ଧି, ଚାକିରି ନିୟମିତ କରିବା ଓ ଶିକ୍ଷା ସହାୟକ ନାମ ପରିବର୍ତନ ସହ ମୋଟ ସାତ ଦଫା ଦାବି ନେଇ ରାଜରସ୍ତାକୁ ଓହ୍ଲାଥିଲା ଶିକ୍ଷା ସହାୟକ ସଂଘ ।