କନକ ବ୍ୟୁରୋ: ୯ ବର୍ଷରେ ଥାନା ବା ପୋଲିସ ହେପାଜତରେ ଯାଇଛି ୫୧ ଜଣ ଅଭିଯୁକ୍ତ ଜୀବନ । ହାଜତ ଓ ଜେଲରେ କଏଦୀଙ୍କ ମୃତ୍ୟୁ ନେଇ ବିଧାନସଭାରେ ପ୍ରଶ୍ନ କଲେ ଖଣ୍ଡପଡ଼ା ବିଧାୟକ ସୌମ୍ୟରଞ୍ଜନ ପଟ୍ଟନାୟକ । ରାଜ୍ୟର ବିଭିନ୍ନ ଥାନା ଓ ଜେଲରେ କେତେ ଅଭିଯୁକ୍ତଙ୍କ ମୃତ୍ୟୁ ହୋଇଛି ଏବଂ ପୋଲିସ ଅତ୍ୟାଚାର ବିରୋଧରେ କେତୋଟି ମାମଲା ରୁଜୁ ହୋଇଥିବା ନେଇ ପ୍ରଶ୍ନ କଲେ ବିଜେଡି ବିଧାୟକ ।
Kanak News is now on WhatsApp
Join and get latest news updates delivered to you via WhatsApp
ଏହାର ଉତ୍ତରରେ ମନ୍ତ୍ରୀ ତୁଷାରକାନ୍ତି ବେହେରା କହିଛନ୍ତି ଯେ, ପୋଲିସ ଅତ୍ୟାଚାର ବିରୁଦ୍ଧରେ ରୁଜୁ ହୋଇଥିବା ମାମଲା ଏବଂ ସେଥିମଧ୍ୟରୁ କେତୋଟି ମାମଲା କୋର୍ଟ ତଥା ଜାତୀୟ ମାନବାଧିକାର କମିଶନଙ୍କ ଦ୍ୱାରା କ୍ଷତିପୂରଣ ନିମନ୍ତେ ନିର୍ଦ୍ଦେଶ ଦିଆଯାଇଛି । ସେ ସମ୍ପର୍କିତ ତଥ୍ୟ ଜିଲ୍ଲା ଆରକ୍ଷୀ ଅଧିକ୍ଷକଙ୍କଠାରୁ ସଂଗ୍ରହ କରାଯାଉଛି । କିନ୍ତୁ ୨୦୧୩ରୁ ୨୦୨୨ ପର୍ଯ୍ୟନ୍ତ ଥାନା ବା ପୋଲିସ ହେପାଜତରେ ୫୧ ଜଣ ଅଭିଯୁକ୍ତଙ୍କ ମୃତ୍ୟୁ ହୋଇଛି ।