କନକ ବ୍ୟୁରୋ : ବନ ବିଭାଗ ଦ୍ୱାରା ୫୨ ଜୀବନ୍ତ କଇଁଛ ଉଦ୍ଧାର । ନବରଙ୍ଗପୁର ଜିଲ୍ଲା ଉମରକୋଟ ବନ ବିଭାଗ ଦ୍ୱାରା ୫୨ ଜୀବନ୍ତ କଇଁଛ ଜବତ ହୋଇଛି । ଘଟଣାରେ ଦୁଇ ଜଣଙ୍କୁ ଅଟକ ରଖିଛି ପୋଲିସ । ସୂଚନା ଅନୁସାରେ ରାଇଘର ବ୍ଲକ ଅଧିନ କୁମୁଲି ଗାଁର ଦୁଇ ଜଣ ବ୍ୟକ୍ତି ରୁହିଦାସ ବନିକ,ପରମାନନ୍ଦ ବାଓଲି ନିକଟସ୍ଥ ସରଗୁଲି ଗାଁକୁ ୫୨ଟି କଇଁଛ ନେଇ ବିକ୍ରି ପାଇଁ ଯାଉଥିଲେ ।
Kanak News is now on WhatsApp
Join and get latest news updates delivered to you via WhatsApp
ବିଶ୍ୱସ୍ତ ସୂତ୍ରରୁ ଖବର ପାଇ ଉମରକୋଟ ବନ ବିଭାଗର ଏକ ଟିମ୍ ସେହି ସ୍ଥାନରେ ପହଂଚି କଇଁଛ ଜବତ କରି ଦୁଇ ଜଣ ଅଭିଯୁକ୍ତଙ୍କୁ ଉମରକୋଟ ସ୍ଥିତ ବନ ବିଭାଗ କାର୍ଯ୍ୟାଳୟ ରେ ଅଟକ ରଖିଛି । ଘଟଣା ନେଇ ଜିଲ୍ଲା ବନ ବିଭାଗ ଅଧିକାରୀଙ୍କୁ ଅବଗତ କରାଯାଇଛି । ଜିଲା ଅଧିକାରୀଙ୍କ ନିର୍ଦ୍ଦେଶ ପରେ ଜୀବନ୍ତ କଇଁଛ ଗୁଡିକୁ କୌଣସି ଏକ ସ୍ଥିର ଜଳାଶୟରେ ଛଡ଼ାଯିବ । ଆଇନ ଅନୁଯାଇ ଅଭିଯୁକ୍ତଙ୍କୁ କୋର୍ଟ ଚାଲାଣ କରାଯିବ ବୋଲି ଉମରକୋଟ ରେଂଜର ପୂର୍ଣ୍ଣ ଚନ୍ଦ୍ର ନାୟକ ସୂଚନା ଦେଇଛନ୍ତି ।