କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀଙ୍କ କଡା ତାଗିଦ୍ ! ଏଣିକି ମିଟିଂରେ ଆଉ ମିଳିବନି ବିସ୍କୁଟ୍, ଡ୍ରାଏ ଫ୍ରୁଟ୍ସ ଓ ସ୍ନାକ୍ସ ପରସିବାକୁ ଜାରି ହେଲା ସର୍କୁଲାର ।
କନକ ବ୍ୟୁରୋ : କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀଙ୍କ କଡା ତାଗିଦ୍ । ଏଣିକି ସ୍ୱାସ୍ଥ୍ୟ ମନ୍ତ୍ରାଳୟ କ୍ୟାଂଟିନରେ ମିଳିବ ନାହିଁ ବିସ୍କୁଟ୍ । ଏପରିକି ସ୍ୱାସ୍ଥ୍ୟ ମନ୍ତ୍ରାଳୟର କୌଣସି ବୈଠକରେ, ଟିଫିନରେ ବିସ୍କୁଟ ପରସା ଯିବ ନାହିଁ ବୋଲି ବିଭାଗୀୟ ମନ୍ତ୍ରୀ ତାଗିଦ କରିଛନ୍ତି । ଏ ସଂପର୍କିତ ସର୍କୁଲାର ଜାରି କରି ବାସ୍କୁଟକୁ ବ୍ୟାନ୍ କରାଯାଇଛି । ମନ୍ତ୍ରାଳୟର ବୈଠକ ଗୁଡିକରେ ବିସ୍କୁଟ ଯାଗାରେ ଡ୍ରାଏ ଫ୍ରୁଟ୍ସ ଓ ଅନ୍ୟାନ୍ୟ ସ୍ନାକ୍ସ ପରସିବାକୁ ସର୍କୁଲାରରେ କୁହାଯାଇଛି । ଜଣେ ପେଷାଗତ ଡାକ୍ତର ହୋଇଥିବାରୁ, ବିସ୍କୁଟ୍ ସ୍ୱାସ୍ଥ୍ୟପ୍ରତି ହାନିକାରକ ହୋଇଥିବା ଉପଲବ୍ଧି କରି ଏଭଳି ସର୍କୁଲାର ଜାରି କରିଛନ୍ତି କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀ ଡାକ୍ଟର ହର୍ଷବର୍ଦ୍ଧନ ।
Kanak News is now on WhatsApp
Join and get latest news updates delivered to you via WhatsApp
ତେବେ ବିସ୍କୁଟ ଯାଗାରେ ଚିନା ବାଦାମ୍, କାଜୁ ବାଦାମ୍, ପେସ୍ତା ବାଦାମ୍ କିମ୍ବା ଅନ୍ୟାନ୍ୟ ଡ୍ରାଏ ଫ୍ରୁଟ୍ସ ଆଦି ଚା’ ସହିତ ପରସିବା ପାଇଁ କୁହାଯାଇଛି । ଏଗୁଡିକ ସ୍ୱାସ୍ଥ୍ୟ ପ୍ରତି ଉପକାରୀ । ଏଥିରେ ଥିବା ଭିଟାମିନ୍, ଫ୍ୟାଟ୍, ଫାଇବର ଓ ମିନେରାଲ୍ସ ମଧ୍ୟ ସ୍ୱାସ୍ଥ୍ୟକର । ତେବେ ସ୍ୱାସ୍ଥ୍ୟମନ୍ତ୍ରୀଙ୍କ ଏହି ନିଷ୍ପତିକୁ ପସନ୍ଦ କରିଛନ୍ତି ବିଭାଗୀୟ ଅଧିକାରୀ ଓ କର୍ମଚାରୀ । ପୂର୍ବରୁ ମଧ୍ୟ ମନ୍ତ୍ରାଳୟରେ ପ୍ଲାଷ୍ଟିକ ବୋତଲରେ ପାଣି ପରସିବାକୁ ବାରଣ କରିଥିଲେ ସ୍ୱାସ୍ଥ୍ୟମନ୍ତ୍ରୀ ଡକ୍ଟର ହର୍ଷବର୍ଦ୍ଧନ । ସେବେଠାରୁ କାଚ ଗ୍ଲାସ୍ ଓ ଡିସ୍ପୋଜେବଲ ପେପର ଗ୍ଲାସରେ ପାଣି ଦିଆଯାଉଛି । ସ୍ୱାସ୍ଥ୍ୟମନ୍ତ୍ରୀଙ୍କ ଏଭଲି ନିଷ୍ପତି ପରେ ଅନ୍ୟାନ୍ୟ ମନ୍ତ୍ରାଳୟ ମଧ୍ୟ ଏଭଳି ନିଷ୍ପତି କରିପାରନ୍ତି ବୋଲି ଚର୍ଚ୍ଚା ହେଉଛି ।